120 ਮੁਕੱਦਮਿਆਂ 'ਚ ਬਰਾਮਦ ਕੀਤੇ ਨਸ਼ੀਲੇ ਪਦਾਰਥਾਂ ਨੂੰ ਕੀਤਾ ਨਸ਼ਟ <br/>

ਅੰਮਿ੍ਤਸਰ, 11 ਅਪ੍ਰੈਲ (ਰੇਸ਼ਮ ਸਿੰਘ)-ਕਮਿਸ਼ਨਰੇਟ ਪੁਲਿਸ ਅੰਮਿ੍ਤਸਰ ਵਿਚ ਐਨ.ਡੀ.ਪੀ.ਐੱਸ ਐਕਟ ਅਧੀਨ ਦਰਜ ਵੱਖ-ਵੱਖ ਮੁਕੱਦਮਿਆਂ ਵਿਚ ਬ੍ਰਾਮਦ ਨਸ਼ੀਲੇ ਪਦਾਰਥਾਂ ਅੱਜ ਇਥੇ ਨਸ਼ਟ ਕਰਨ ਲਈ ਭੱਠੀ 'ਚ ਸਾੜ ਕੇ ਸੁਆਹ ਕਰ ਦਿੱਤਾ ਗਿਆ ਇਸ ਮਾਲ ਨੂੰ ਨਸ਼ਟ ਕਰਨ ਲਈ ਨਿਯੁਕਤ ਡਰੱਗ ਡਿਸਪੋਜ਼ਲ ਕਮੇਟੀ ਗਠਿਤ ਕੀਤੀ ਸੀ ਜਿਸ ਦੇ ਚੇਅਰਮੈਨ ਰਵਿੰਦਰ ਪਾਲ ਸਿੰਘ ਸੰਧੂ ਡੀ.ਸੀ.ਪੀ, ਗੁਰਪ੍ਰਤਾਪ ਸਿੰਘ ਸਹੋਤਾ, ਏ.ਡੀ.ਸੀ.ਪੀ ਤੇ ਹਰਮਿੰਦਰ ਸਿੰਘ ਏ.ਸੀ.ਪੀ. ਅੱਜ ਖੰਨਾ ਪੇਪਰ ਮਿੱਲ ਵਿੱਖੇ ਪੁੱਜ ਕੇ ਆਪਣੀ ਦੇਖ-ਰੇਖ ਹੇਠ ਜਾਬਤੇ ਅਨੁਸਾਰ ਦਰਜ ਐੱਨ.ਡੀ.ਪੀ.ਐੱਸ ਐਕਟ ਦੇ 120 ਮੁਕੱਦਮਿਆਂ ਵਿਚ ਬ੍ਰਾਮਦ ਮਾਲ ਨੂੰ ਬੁਆਇਲਰ ਵਿਚ ਪਾ ਕੇ ਨਸ਼ਟ ਕੀਤਾ ਗਿਆ | ਇਸ ਵਿਚ 2 ਕਿਲੋ 449 ਗ੍ਰਾਮ ਹੈਰੋਇਨ, 17,640 ਨਸ਼ੀਲੇ ਕੈਪਸੂਲ, ਨਸ਼ੀਲੀਆਂ ਗੋਲੀਆਂ 8443, ਨਸ਼ੀਲਾ ਪਾਊਡਰ 5 ਕਿੱਲੋ 37 ਗ੍ਰਾਮ, ਭੁੱਕੀ 6 ਕਿਲੋ 50 ਗ੍ਰਾਮ, ਸਮੈਕ 1 ਕਿਲੋ 275 ਗ੍ਰਾਮ, ਚਰਸ 150 ਗ੍ਰਾਮ, ਨਸ਼ੀਲੇ ਟੀਕੇ 1652 ਸ਼ਾਮਿਲ ਹਨ |