ਸੂਬਾ ਪੱਧਰੀ ਸੱਦੇ ਤਹਿਤ ਪਟਵਾਰ ਯੂਨੀਅਨ ਨੇ ਮੰਗਾਂ ਨੂੰ ਲੈ ਕੇ ਕੀਤਾ ਰੋਸ ਪ੍ਰਦਰਸ਼ਨ
ਅਬੋਹਰ, 23 ਸਤੰਬਰ (ਤੇਜਿੰਦਰ ਸਿੰਘ ਖ਼ਾਲਸਾ)- ਸੂਬਾ ਪੱਧਰੀ ਰੈਵੀਨਿਊ ਪਟਵਾਰ ਯੂਨੀਅਨ ਪੰਜਾਬ ਦੇ ਸੱਦੇ ਮੁਤਾਬਿਕ ਤਹਿਸੀਲ ਅਬੋਹਰ ਦੀ ਰੈਵੀਨਿਊ ਪਟਵਾਰ ਯੂਨੀਅਨ ਦਾ ਰੋਸ ਧਰਨਾ ਗਗਨ ਕੰਬੋਜ ਸੀਨੀਅਰ ਵਾਈਸ ਪ੍ਰਧਾਨ ਤਹਿਸੀਲ ਅਬੋਹਰ ਦੀ ਪ੍ਰਧਾਨਗੀ ਹੇਠ ਲਗਾਇਆ ਗਿਆ। ਰੋਸ ਧਰਨੇ ਵਿਚ ਸਮੂਹ ਤਹਿਸੀਲ ਦੇ ਮੌਜੂਦਾ ਸੇਵਾਮੁਕਤ ਪਟਵਾਰੀ ਅਤੇ ਕਾਨੂੰਗੋ ਸ਼ਾਮਲ ਹੋਏ।
ਅਬੋਹਰ, 23 ਸਤੰਬਰ (ਤੇਜਿੰਦਰ ਸਿੰਘ ਖ਼ਾਲਸਾ)- ਸੂਬਾ ਪੱਧਰੀ ਰੈਵੀਨਿਊ ਪਟਵਾਰ ਯੂਨੀਅਨ ਪੰਜਾਬ ਦੇ ਸੱਦੇ ਮੁਤਾਬਿਕ ਤਹਿਸੀਲ ਅਬੋਹਰ ਦੀ ਰੈਵੀਨਿਊ ਪਟਵਾਰ ਯੂਨੀਅਨ ਦਾ ਰੋਸ ਧਰਨਾ ਗਗਨ ਕੰਬੋਜ ਸੀਨੀਅਰ ਵਾਈਸ ਪ੍ਰਧਾਨ ਤਹਿਸੀਲ ਅਬੋਹਰ ਦੀ ਪ੍ਰਧਾਨਗੀ ਹੇਠ ਲਗਾਇਆ ਗਿਆ। ਰੋਸ ਧਰਨੇ ਵਿਚ ਸਮੂਹ ਤਹਿਸੀਲ ਦੇ ਮੌਜੂਦਾ ਸੇਵਾਮੁਕਤ ਪਟਵਾਰੀ ਅਤੇ ਕਾਨੂੰਗੋ ਸ਼ਾਮਲ ਹੋਏ। ਰੋਸ ਧਰਨੇ ਵਿਚ ਪੰਜਾਬ ਸਰਕਾਰਾਂ ਦੇ ਲੰਬੇ ਸਮੇਂ ਤੋਂ ਪੈਂਡਿੰਗ ਪਈਆਂ ਮੰਗਾਂ ਸੰਬੰਧੀ ਰੋਸ ਜ਼ਾਹਿਰ ਕੀਤਾ ਗਿਆ। ਰੋਸ ਧਰਨੇ ਵਿਚ ਪਟਵਾਰੀਆਂ ਦੀ ਘਟਾਈਆਂ ਅਸਾਮੀਆਂ 4716 ਪੋਸਟਾਂ ਮੁੜ ਬਹਾਲ ਕਰਨ, ਬਰਾਬਰ ਕੰਮ ਤੇ ਬਰਾਬਰ ਤਨਖ਼ਾਹ ਲਾਗੂ ਕਰਨਾ, ਸਾਰੀਆਂ ਪ੍ਰਮੋਸ਼ਨਾਂ ਲਾਗੂ ਕਰਨਾ, ਡੀ.ਏ. ਦਾ ਮਸਲਾ ਹੱਲ ਕਰਨਾ, ਟੈਕਨੀਕਲ ਸਕੇਲ ਲਾਗੂ ਕਰਨਾ ਆਦਿ ਮੰਗਾਂ ਸ਼ਾਮਲ ਹਨ। ਆਗੂਆਂ ਨੇ ਕਿਹਾ ਕਿ ਜੇਕਰ ਸਰਕਾਰ ਆਉਣ ਵਾਲੇ ਸਮੇਂ ਵਿਚ ਉਪਰੋਕਤ ਮੰਗਾਂ ਵੱਲ ਧਿਆਨ ਨਹੀਂ ਦਿੰਦੀ ਤਾਂ ਆਉਣ ਵਾਲੇ ਸਮੇਂ ਸੰਘਰਸ਼ ਨੂੰ ਹੋਰ ਤਿੱਖਾ ਕੀਤਾ ਜਾਵੇਗਾ। ਅੱਜ ਦੇ ਰੋਸ ਧਰਨੇ ਵਿਚ ਵਿਸ਼ੇਸ਼ ਤੌਰ ’ਤੇ ਜ਼ਿਲ੍ਹਾ ਪ੍ਰਧਾਨ ਕੁਲਦੀਪ ਸਿੰਘ ਪਟਵਾਰੀ, ਸਾਬਕਾ ਕਾਨੂੰਗੋ ਐਸੋਸੀਏਸ਼ਨ ਦੇ ਜ਼ਿਲ੍ਹਾ ਪ੍ਰਧਾਨ ਚੰਦਰ ਕੁਮਾਰ, ਕਾਨੂੰਗੋ ਐਸੋਸੀਏਸ਼ਨ ਦੇ ਜ਼ਿਲ੍ਹਾ ਪ੍ਰਧਾਨ ਅਸ਼ਵਨੀ ਖੈਰਵਾ, ਸੁਰਿੰਦਰ ਸਿੰਘ ਸਾਬਕਾ ਪਟਵਾਰੀ, ਸੁਖਵੰਤ ਪਟਵਾਰੀ, ਖ਼ਜ਼ਾਨਚੀ ਅੰਜੂ ਬਾਲਾ, ਪ੍ਰਿਅੰਕਾ, ਗਗਨਦੀਪ, ਮੀਨਾ ਪਟਵਾਰੀ, ਦਵਿੰਦਰ ਪਟਵਾਰੀ, ਰਵੀ ਪਟਵਾਰੀ, ਗੁਰਦੀਪ ਪਟਵਾਰੀ, ਰੋਹਿਤ ਪਟਵਾਰੀ, ਪ੍ਰਦੀਪ ਸਿੰਘ ਸੀਨੀਅਰ ਕਾਨੂੰਗੋ ਆਦਿ ਵਿਸ਼ੇਸ਼ ਤੌਰ ’ਤੇ ਹਾਜ਼ਰ ਸਨ।
