ਮਠਿਆਈ ਦੀ ਦੁਕਾਨ ਤੋਂ ਐੱਲ. ਈ. ਡੀ. ਤੇ ਸਿਲੰਡਰ ਚੋਰੀ
ਗੜ੍ਹਸ਼ੰਕਰ, 12 ਅਕਤੂਬਰ (ਧਾਲੀਵਾਲ)-ਗੜ੍ਹਸ਼ੰਕਰ ਇਲਾਕੇ ਵਿਚ ਲਗਾਤਾਰ ਲੁੱਟ ਖੋਹ ਤੇ ਚੋਰੀ ਦੀਆਂ ਵਾਰਦਾਤਾਂ ਸਾਹਮਣੇ ਆ ਰਹੀਆਂ ਹਨ। ਚੋਰੀ ਦੀ ਤਾਜ਼ਾ ਘਟਨਾ ਅੱਡਾ ਸਤਨੌਰ ਵਿਖੇ ਵਾਪਰੀ ਹੈ ਜਿਥੇ ਬੀਤੀ ਰਾਤ ਚੋਰਾਂ ’ਚ ਇਕ ਸਵੀਟ ਸ਼ਾਪ ਨੂੰ ਚੋਰੀ ਲਈ ਨਿਸ਼ਾਨਾ ਬਣਾਇਆ ਗਿਆ ਹੈ।
ਗੜ੍ਹਸ਼ੰਕਰ, 12 ਅਕਤੂਬਰ (ਧਾਲੀਵਾਲ)-ਗੜ੍ਹਸ਼ੰਕਰ ਇਲਾਕੇ ਵਿਚ ਲਗਾਤਾਰ ਲੁੱਟ ਖੋਹ ਤੇ ਚੋਰੀ ਦੀਆਂ ਵਾਰਦਾਤਾਂ ਸਾਹਮਣੇ ਆ ਰਹੀਆਂ ਹਨ। ਚੋਰੀ ਦੀ ਤਾਜ਼ਾ ਘਟਨਾ ਅੱਡਾ ਸਤਨੌਰ ਵਿਖੇ ਵਾਪਰੀ ਹੈ ਜਿਥੇ ਬੀਤੀ ਰਾਤ ਚੋਰਾਂ ’ਚ ਇਕ ਸਵੀਟ ਸ਼ਾਪ ਨੂੰ ਚੋਰੀ ਲਈ ਨਿਸ਼ਾਨਾ ਬਣਾਇਆ ਗਿਆ ਹੈ। ਜਾਣਕਾਰੀ ਅਨੁਸਾਰ ਬੀਤੀ ਰਾਤ ਚੋਰਾਂ ਵਲੋਂ ਹੁਸ਼ਿਆਰਪੁਰ ਸੜਕ ’ਤੇ ਸਥਿਤ ਅੱਡਾ ਸਤਨੌਰ ਵਿਖੇ ਸੰਦੀਪ ਸਵੀਟ ਸ਼ਾਪ ਦੇ ਜ਼ਿੰਦਰੇ ਤੋੜ ਕੇ ਦੁਕਾਨ ਵਿਚੋਂ ਇਕ ਐੱਲ. ਈ. ਡੀ., ਗੈੱਸ ਸਿਲੰਡਰ ਤੇ ਹੋਰ ਸਾਮਾਨ ਚੋਰੀ ਹੋਇਆ ਹੈ। ਘਟਨਾ ਦਾ ਪਤਾ ਸਵੇਰੇ ਦੁਕਾਨ ਖੋਲ੍ਹਣ ਸਮੇਂ ਦੁਕਾਨ ਮਾਲਕ ਦੇ ਲੜਕੇ ਦੁਸ਼ਾਂਤ ਕੁਮਾਰ ਨੂੰ ਲੱਗਾ ਜਿਸ ਤੋਂ ਬਾਅਦ ਉਨ੍ਹਾਂ ਵਲੋਂ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ ਹੈ।
