ਵਿਧਾਇਕ ਘੁੰਮਣ ਨੇ ਮੁੱਖ ਮੰਤਰੀ ਸਿਹਤ ਯੋਜਨਾ ਦੇ ਕਾਰਡਾਂ ਦੀ ਵੰਡ ਮੁਹਿੰਮ ਦੀ ਕੀਤੀ ਸ਼ੁਰੂਆਤ
ਰਾਮਗੜ੍ਹ ਸੀਕਰੀ, 4 ਅਕਤੂਬਰ (ਕਟੋਚ)-ਪੰਜਾਬ ਸਰਕਾਰ ਦੀ ਸਿਹਤਮੰਦ ਪੰਜਾਬ ਮੁਹਿੰਮ ਅਧੀਨ ਬਣਾਏ ਗਏ ਮੁੱਖ ਮੰਤਰੀ ਸਿਹਤ ਯੋਜਨਾ ਦੇ ਕਾਰਡਾਂ ਦੀ ਵੰਡ ਮੁਹਿੰਮ ਦਾ ਬੀਤੇ ਦਿਨ ਵਿਧਾਇਕ ਦਸੂਹਾ ਐਡ. ਘੁੰਮਣ ਨੇ ਇਕ ਸਮਾਗਮ ਵਿਚ ਲਾਭਪਾਤਰੀਆਂ ਨੂੰ ਕਾਰਡ ਵੰਡ ਕੇ ਸ਼ੁਰੂਆਤ ਕੀਤੀ।
ਰਾਮਗੜ੍ਹ ਸੀਕਰੀ, 4 ਅਕਤੂਬਰ (ਕਟੋਚ)-ਪੰਜਾਬ ਸਰਕਾਰ ਦੀ ਸਿਹਤਮੰਦ ਪੰਜਾਬ ਮੁਹਿੰਮ ਅਧੀਨ ਬਣਾਏ ਗਏ ਮੁੱਖ ਮੰਤਰੀ ਸਿਹਤ ਯੋਜਨਾ ਦੇ ਕਾਰਡਾਂ ਦੀ ਵੰਡ ਮੁਹਿੰਮ ਦਾ ਬੀਤੇ ਦਿਨ ਵਿਧਾਇਕ ਦਸੂਹਾ ਐਡ. ਘੁੰਮਣ ਨੇ ਇਕ ਸਮਾਗਮ ਵਿਚ ਲਾਭਪਾਤਰੀਆਂ ਨੂੰ ਕਾਰਡ ਵੰਡ ਕੇ ਸ਼ੁਰੂਆਤ ਕੀਤੀ। ਇਸ ਮੌਕੇ ਸਮਾਗਮ ’ਚ ਪਹੁੰਚਣ ’ਤੇ ਐਸ. ਐਮ. ਓ. ਡਾ. ਲਸ਼ਕਰ ਸਿੰਘ ਤੇ ਉਨ੍ਹਾਂ ਦੇ ਸਟਾਫ਼ ਨੇ ਵਿਧਾਇਕ ਘੁੰਮਣ ਦਾ ਨਿੱਘਾ ਸਵਾਗਤ ਕੀਤਾ। ਇਸ ਮੌਕੇ ਕਾਰਡਾਂ ਦੀ ਵੰਡ ਕਰਨ ਉਪਰੰਤ ਵਿਧਾਇਕ ਘੁੰਮਣ ਨੇ ਇਸ ਯੋਜਨਾ ਸੰਬੰਧੀ ਵਿਸਥਾਰਪੂਰਵਕ ਚਾਨਣਾ ਪਾਉਂਦਿਆਂ ਕਿਹਾ ਕਿ ਮੁੱਖ ਮੰਤਰੀ ਸਿਹਤ ਯੋਜਨਾ ਸੂਬੇ ਦੇ ਇਤਿਹਾਸ ਦਾ ਪਹਿਲੀ ਬਹੁਮੰਤਵੀ ਤੇ ਵਿਸ਼ਾਲ ਸਿਹਤ ਯੋਜਨਾ ਹੈ, ਜਿਸ ਅਧੀਨ ਸੂਬੇ ਦੇ ਸਾਰੇ ਪਰਿਵਾਰਾਂ ਨੂੰ ਬਿਨਾਂ ਕਿਸੇ ਭੇਦਭਾਵ 10 ਲੱਖ ਰੁਪਏ ਦੇ ਮੁਫ਼ਤ ਇਲਾਜ ਦੀ ਸਹੂਲਤ ਦਿੱਤੀ ਗਈ ਹੈ। ਇਸ ਮੌਕੇ ਐਸ. ਐਮ. ਓ. ਡਾ. ਲਸ਼ਕਰ ਸਿੰਘ ਨੇ ਦੱਸਿਆ ਕਿ ਭੋਲ ਕਲੋਤਾ ਸੈਕਟਰ ਅਧੀਨ ਆਉਂਦੇ ਕੁਲ 27 ਪਿੰਡਾਂ ’ਚ ਕੁਲ 6091 ਕਾਰਡ ਬਣਾਏ ਗਏ ਹਨ ਜੋ ਲਾਭਪਾਤਰੀਆਂ ਨੂੰ ਘਰੋ ਘਰੀ ਜਾ ਕੇ ਦਿੱਤੇ ਜਾਣਗੇ। ਇਸ ਮੌਕੇ ਸਿਹਤ ਵਿਭਾਗ ਦੇ ਕਰਮਚਾਰੀ ਅਤੇ ਸਥਾਨਕ ਪਿੰਡਾਂ ਦੇ ਸਰਪੰਚ, ਪੰਚ ਅਤੇ ਹੋਰ ਪਤਵੰਤੇ ਵੀ ਹਾਜ਼ਰ ਸਨ।
