16-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 18-10-2025

ਭਾਜਪਾ ਮੰਡਲ ਪ੍ਰਧਾਨਾਂ ਨਾਲ ਮੀਟਿੰਗ ਕਰਕੇ ਐਮ.ਪੀ. ਸਪੋਰਟਸ ਫ਼ੈਸਟੀਵਲ ਲਈ ਰਣਨੀਤੀ ਤਿਆਰ ਕੀਤੀ <br/>

Ad Position 21
No active advertisement
ਬੈਠਕ ਦਾ ਇਕ ਦਿ੍ਸ਼ | ਤਸਵੀਰ : ਓ.ਪੀ.ਸੈਣੀ <br/> 18-10-2025
ਗੂਹਲਾ ਚੀਕਾ/ਕੈਥਲ, 17 ਅਕਤੂਬਰ (ਓ.ਪੀ. ਸੈਣੀ)- ਐਮ.ਪੀ. ਸਪੋਰਟਸ ਫ਼ੈਸਟੀਵਲ ਲਈ ਕੁਰੂਕਸ਼ੇਤਰ ਸੰਸਦੀ ਹਲਕੇ 'ਚ ਤਿਆਰੀਆਂ ਜੋਰਾਂ-ਸ਼ੋਰਾਂ 'ਤੇ ਹਨ | ਐਮ.ਪੀ. ਨਵੀਨ ਜਿੰਦਲ ਦੀ ਅਗਵਾਈ ਹੇਠ ਕਰਵਾਏ ਜਾਣ ਵਾਲੇ ਖੇਡ ਫ਼ੈਸਟੀਵਲ ਸੰਬੰਧੀ ਐਮ.ਪੀ. ਜਿੰਦਲ ਦੇ ਕੈਥਲ ਦਫ਼ਤਰ ਵਿਖੇ ਰਾਜੌਂਡ ਤੇ ਕਲਾਇਤ ਦੇ ਭਾਜਪਾ ਮੰਡਲ ਪ੍ਰਧਾਨਾਂ ਨਾਲ ਇਕ ਮਹੱਤਵਪੂਰਨ ਮੀਟਿੰਗ ਹੋਈ | ਸਮਾਗਮ ਦੀ ਰੂਪ-ਰੇਖਾ, ਖੇਡ ਸ਼੍ਰੇਣੀਆਂ, ਰਜਿਸਟ੍ਰੇਸ਼ਨ ਸਥਿਤੀ, ਸਥਾਨ ਪ੍ਰਬੰਧਨ ਤੇ ਭਾਗੀਦਾਰ ਸਹੂਲਤਾਂ ਬਾਰੇ ਵਿਸਥਾਰ ਵਿਚ ਚਰਚਾ ਕੀਤੀ ਗਈ | ਮੀਟਿੰਗ ਵਿਚ ਪ੍ਰਬੰਧਕ ਕਮੇਟੀ ਦੇ ਮੁੱਖ ਮੈਂਬਰਾਂ, ਤਕਨੀਕੀ ਮਾਹਿਰਾਂ ਤੇ ਸਥਾਨਕ ਪ੍ਰਤੀਨਿਧੀਆਂ ਨੇ ਹਿੱਸਾ ਲਿਆ | ਮੀਟਿੰਗ ਦੌਰਾਨ ਤਿਉਹਾਰ ਸਥਾਨਾਂ ਦੇ ਖ਼ਾਕੇ ਦਾ ਡੂੰਘਾਈ ਨਾਲ ਅਧਿਐਨ ਕੀਤਾ ਗਿਆ | ਤਿਉਹਾਰ ਵਿਚ ਅਥਲੈਟਿਕਸ, ਕਬੱਡੀ, ਵਾਲੀਬਾਲ, ਕੁਸ਼ਤੀ, ਫੁੱਟਬਾਲ ਤੇ ਰਵਾਇਤੀ ਪੇਂਡੂ ਖੇਡਾਂ ਨੂੰ ਸ਼ਾਮਲ ਕੀਤਾ ਜਾ ਰਿਹਾ ਹੈ | ਮਹਿਲਾ ਖਿਡਾਰੀਆਂ ਦੀ ਸਰਗਰਮ ਭਾਗੀਦਾਰੀ ਨੂੰ ਯਕੀਨੀ ਬਣਾਉਣ ਲਈ ਵੱਖਰੀਆਂ ਸ਼੍ਰੇਣੀਆਂ ਵੀ ਬਣਾਈਆਂ ਜਾਣਗੀਆਂ | ਐਮ.ਪੀ. ਸਪੋਰਟਸ ਫ਼ੈਸਟੀਵਲ ਬਾਰੇ, ਕੈਥਲ ਦਫ਼ਤਰ ਇੰਚਾਰਜ ਰਵਿੰਦਰ ਧੀਮਾਨ ਨੇ ਕਿਹਾ ਕਿ ਕੈਥਲ ਤੇ ਪੂਰੇ ਸੰਸਦੀ ਹਲਕੇ ਵਿਚ ਖੇਡ ਪ੍ਰਤਿਭਾ ਦੀ ਕੋਈ ਕਮੀ ਨਹੀਂ ਹੈ | ਉਨ੍ਹਾਂ ਨੂੰ ਸਿਰਫ ਇਕ ਪਲੇਟਫ਼ਾਰਮ ਤੇ ਮਾਰਗਦਰਸ਼ਨ ਦੀ ਲੋੜ ਹੈ | ਉਨ੍ਹਾਂ ਕਿਹਾ ਕਿ ਹੁਣ ਤੱਕ 2,50,000 ਤੋਂ ਵੱਧ ਭਾਗੀਦਾਰਾਂ ਨੇ ਰਜਿਸਟ੍ਰੇਸ਼ਨ ਕਰਵਾਈ ਹੈ | ਇਸ ਮੌਕੇ ਸੁਸ਼ੀਲ ਪੰਚਾਲ ਮੰਡਲ ਪ੍ਰਧਾਨ, ਬਬੀਤਾ ਚੇਅਰਮੈਨ, ਕਪਿਲ ਦੀਕਸ਼ਿਤ, ਲੋਕੇਸ਼ ਰਾਣਾ, ਮੁਕੇਸ਼ ਸਰਪੰਚ, ਕਮਲ ਰਾਣਾ, ਜੋਗਿੰਦਰ ਸਰਮਾ, ਸੁਲਤਾਨ ਸ਼ਰਮਾ, ਸੋਮਪਾਲ ਸੇਰਧਾ, ਬਲਜੀਤ ਮਲਿਕ, ਬਲਵਿੰਦਰ ਸੌਗਲ, ਰਾਮਲਾਲ ਪੰਚਾਲ, ਸਚਿਨ ਪ੍ਰਜਾਪਤ ਚੇਅਰਮੈਨ ਪ੍ਰਤੀਨਿਧੀ ਕੁਲਦੀਪ ਸੈਨ, ਮੋਨੂੰ ਸੈਨ, ਵਿਕਾਸ ਸ਼ਰਮਾ, ਸੰਜੀਵ ਵਾਲਮੀਕਿ ਤੇ ਹਰਦੀਪ ਮੰਡਵਾਲ ਮੌਜੂਦ ਸਨ |

Ad Position 22
No active advertisement
ਪਿਛਲੀ ਖ਼ਬਰ ਪੱਤਰਕਾਰ ਹੀ ਲੋਕਤੰਤਰ ਵਿੱਚ ਅਸਲੀ ਹੀਰੋ ਹੁੰਦੇ ਹਨ: ਪ੍ਰੋ. ਗਣੇਸ਼ੀ ਲਾਲ <br/> ਅਗਲੀ ਖ਼ਬਰ ਸੂਬਾ ਸਰਕਾਰ ਦਾ ਇੱਕ ਸਾਲ ਪੂਰਾ ਹੋਣ 'ਤੇ ਪੰਚਾਇਤ ਭਵਨ ਵਿਖੇ ਜ਼ਿਲ੍ਹਾ ਪੱਧਰੀ ਪ੍ਰੋਗਰਾਮ ਕਰਵਾਇਆ <br/>
Ad Position 24