ਗਿੱਦੜਬਾਹਾ, 17 ਅਕਤੂਬਰ (ਪਰਮਜੀਤ ਸਿੰਘ ਥੇੜ੍ਹੀ)-ਆਉਣ ਵਾਲੇ ਦੀਵਾਲੀ ਦੇ ਤਿਉਹਾਰ ਨੂੰ ਮਨਾਉਣ ਸੰਬੰਧੀ ਕਰਮਕਾਂਡੀ ਬ੍ਰਾਹਮਣ ਸੰਗਠਨ ਗਿੱਦੜਬਾਹਾ ਦੀ ਮੀਟਿੰਗ ਪ੍ਰਾਚੀਨ ਸ੍ਰੀ ਦੁਰਗਾ ਮੰਦਰ ਗਿੱਦੜਬਾਹਾ ਵਿਖੇ ਹੋਈ | ਮੀਟਿੰਗ ਵਿਚ ਸ਼ਹਿਰ ਦੇ ਵੱਖ-ਵੱਖ ਮੰਦਰਾਂ ਦੇ ਪੁਜਾਰੀਆਂ ਨੇ ਭਾਗ ਲਿਆ ਅਤੇ ਸ਼ਾਸਤਰ ਸੰਮੰਤ ਅਨੁਸਾਰ ਇਹ ਫ਼ੈਸਲਾ ਲਿਆ ਗਿਆ ਕਿ ਦੀਵਾਲੀ 21 ਅਕਤੂਬਰ ਦਿਨ ਮੰਗਲਵਾਰ ਅਤੇ ਅੰਨਕੁੱਟ 22 ਅਕਤੂਬਰ ਦਿਨ ਬੁੱਧਵਾਰ ਨੂੰ ਮਨਾਇਆ ਜਾਵੇਗਾ | ਮੀਟਿੰਗ ਵਿਚ ਪ੍ਰਾਚੀਨ ਸ੍ਰੀ ਦੁਰਗਾ ਮੰਦਰ ਦੇ ਪੁਜਾਰੀ ਮੁਕੇਸ਼ ਸ਼ਾਸਤਰੀ, ਗਊਸ਼ਾਲਾ ਮੰਦਰ ਦੇ ਪੁਜਾਰੀ ਵਿਜੇ ਸ਼ਰਮਾਂ, ਸ਼ਿਵ ਮੰਦਰ ਦੇ ਪੁਜਾਰੀ ਅਵਧੇਸ਼ ਸ਼ਾਸਤਰੀ, ਸੰਤੋਸ਼ੀ ਮਾਤਾ ਮੰਦਰ ਦੇ ਪੁਜਾਰੀ ਭਗਵਾਨ ਸਹਾਏ, ਕਾਲੀ ਮਾਤਾ ਮੰਦਰ ਦੇ ਪੁਜਾਰੀ ਮੁਕੇਸ਼ ਸ਼ਾਸਤਰੀ, ਬ੍ਰਹਮ ਨਰਾਇਣ ਸ਼ਾਸਤਰੀ, ਸਾਂਈ ਮੰਦਰ ਦੇ ਪੁਜਾਰੀ ਰਵਿਸ਼ੰਕਰ ਸ਼ਾਸਤਰੀ, ਖੇਤਰਪਾਲ ਮੰਦਰ ਦੇ ਪੁਜਾਰੀ ਦੀਪਕ ਜੋਸ਼ੀ, ਹਨੂੰਮਾਨ ਮੰਦਰ ਦੇ ਪੁਜਾਰੀ ਦੇਸਰਾਜ ਸ਼ਰਮਾ, ਨੀਰਜ ਸ਼ਰਮਾ, ਪ੍ਰੀਤਮ ਸ਼ਾਸਤਰੀ ਅਤੇ ਸੰਜੇ ਸ਼ਰਮਾ ਨੇ ਸਰਬਸੰਮਤੀ ਨਾਲ 21 ਅਕਤੂਬਰ ਨੂੰ ਦੀਵਾਲੀ ਦਾ ਤਿਉਹਾਰ ਮਨਾਉਣ ਦੇ ਫ਼ੈਸਲੇ ਨੂੰ ਸਹੀ ਦੱਸਿਆ |
