ਜਗਰਾਉਂ, 17 ਅਕਤੂਬਰ (ਸ਼ਮਸ਼ੇਰ ਸਿੰਘ ਗਾਲਿਬ)-ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਜਨਮ ਦਿਨ 'ਤੇ ਕਰਨ ਸਿੰਗਲਾ ਹਸਪਤਾਲ ਜਗਰਾਉਂ ਵਿਖੇ ਖ਼ੂਨਦਾਨ ਕੈਂਪ ਲਾਇਆ | ਕੈਂਪ ਦਾ ਉਦਘਾਟਨ ਹਲਕਾ ਵਿਧਾਇਕਾ ਬੀਬੀ ਸਰਵਜੀਤ ਕੌਰ ਮਾਣੂੰਕੇ ਨੇ ਕੀਤਾ ਤੇ ਖ਼ੂਨਦਾਨੀਆਂ ਨੂੰ ਪ੍ਰਸੰਸਾ ਪੱਤਰ ਦਿੱਤੇ | ਕੈਂਪ 'ਚ ਹੈਲਪਿੰਗ ਹੈਂਡ ਦੀ ਟੀਮ ਦਾ ਵਿਸ਼ੇਸ਼ ਸਹਿਯੋਗ ਰਿਹਾ | ਇਸ ਮੌਕੇ ਵਿਧਾਇਕਾ ਬੀਬੀ ਮਾਣੂੰਕੇ ਨੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵਾਨ ਮਾਨ ਨੂੰ ਜਨਮ ਦਿਨ ਦੀਆਂ ਵਧਾਈਆਂ ਦਿੰਦੇ ਕਿਹਾ ਕਿ ਮੁੁੱਖ ਮੰਤਰੀ ਮਾਨ ਵਲੋਂ ਪੰਜਾਬ ਅੰਦਰ ਕੀਤੇ ਜਾ ਰਹੇ ਕੰਮ ਆਪਣਾ ਆਪ 'ਚ ਵੱਡੀ ਮਿਸਾਲ ਹਨ | ਉਨ੍ਹਾਂ ਕਰਨ ਸਿੰਗਲਾ ਹਸਪਤਾਲ ਵਿਖੇ ਸ. ਮਾਨ ਦੇ ਜਨਮ ਦਿਨ 'ਤੇ ਲਗਾਏ ਖੂਨਦਾਨ ਕੈਂਪ 'ਤੇ ਧੰਨਵਾਦ ਕੀਤਾ | ਇਸ ਮੌਕੇ ਰਿਟਾ: ਸੀ. ਐੱਮ. ਓ. ਡਾ. ਹਰੀ ਕਿ੍ਸ਼ਨ ਸਿੰਗਲਾ, ਡਾ. ਕਰਨ ਸਿੰਗਲਾ, ਡਾਕਟਰ ਮਹਿਕ ਸਿੰਗਲਾ, ਡਾਕਟਰ ਵਿਵੇਕ ਅਰੋੜਾ ਨੇ ਕਿਹਾ ਕਿ ਹਸਪਤਾਲ ਵਿਖੇ ਖੁੱਲ੍ਹੇ ਬਲੱਡ ਬੈਂਕ 'ਚ ਹਰ ਲੋੜਵੰਦ ਨੂੰ ਖ਼ੂਨ ਮਿਲਦਾ ਹੈ | ਉਨ੍ਹਾਂ ਕਿਹਾ ਕਿ ਖ਼ੂਨਦਾਨ ਮਹਾਂ ਦਾਨ ਹੈ, ਇਸ ਲਈ ਸਾਡਾ ਸਾਰਿਆਂ ਦਾ ਫ਼ਰਜ਼ ਬਣਦਾ ਹੈ ਕਿ ਖ਼ੂਨਦਾਨ ਜ਼ਰੂਰ ਕਰਨਾ ਚਾਹੀਦਾ ਹੈ | ਇਸ ਮੌਕੇ ਸੁਨੀਲ ਮੱਕੜ, ਇੰਦਰ ਢੋਲਣ, ਉਮੇਸ਼ ਛਾਬੜਾ, ਰੋਹਿਤ ਅਰੋੜਾ, ਧਰਮਿੰਦਰ ਅਤੇ ਬੇਅੰਤ ਸਿੰਘ ਮੌਜੂਦ ਸਨ |
