ਨਵੀਂ ਦਿੱਲੀ, 6 ਅਕਤੂਬਰ - ਇੰਡੀਗੋ ਵਲੋਂ ਆਪਣੇ ਘਰੇਲੂ ਅਤੇ ਅੰਤਰਰਾਸ਼ਟਰੀ ਰੂਟਾਂ 'ਤੇ ਉਡਾਣ ਦਾ ਫਿਊਲ ਸਰਚਾਰਜ ਵਧਾਉਣ 'ਤੇ, ਕੇਂਦਰੀ ਸ਼ਹਿਰੀ ਹਵਾਬਾਜ਼ੀ ਮੰਤਰੀ ਰਾਮ ਮੋਹਨ ਨਾਇਡੂ ਕਿੰਜਰਾਪੂ ਨੇ ਕਿਹਾ, "ਸਭ ਤੋਂ ਅਹਿਮ ਗੱਲਾਂ ਵਿਚੋਂ ਇਕ ਪੱਛਮੀ ਏਸ਼ੀਆ ਦਾ ਸੰਕਟ ਹੈ ਅਤੇ ਇਹ ਕਿਵੇਂ ਜੈੱਟ ਫਿਊਲ (ਏ.ਟੀ.ਐੱਫ.) ਦੀਆਂ ਕੀਮਤਾਂ 'ਤੇ ਭਾਰੀ ਬੋਝ ਪਾ ਰਿਹਾ ਹੈ। ਪਰ ਅਸੀਂ ਅਜੇ ਵੀ ਏਅਰਲਾਈਨਾਂ ਅਤੇ ਓ.ਐਮ.ਸੀ. (ਤੇਲ ਮਾਰਕੀਟਿੰਗ ਕੰਪਨੀਆਂ) ਨਾਲ ਗੱਲਬਾਤ ਕਰ ਰਹੇ ਹਾਂ। ਦੇਖਦੇ ਹਾਂ ਕਿ ਇਹ ਗੱਲਬਾਤ ਕਿਵੇਂ ਅੱਗੇ ਵਧਦੀ ਹੈ।"
