ਰਾਜਾ ਵੜਿੰਗ ਨੇ ਐਕਸ ਖਾਤੇ 'ਤੇ ਖੁਦ ਹੀ ਕਰ ਦਿੱਤਾ ਖੁਲਾਸਾ

ਚੰਡੀਗੜ੍ਹ, 1 ਅਕਤੂਬਰ (ਵਿਕਰਮਜੀਤ ਸਿੰਘ ਮਾਨ)- ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਵਲੋਂ ਅਸਤੀਫ਼ਾ ਦੇਣ ਦੀਆਂ ਅਟਕਲਾਂ ਅਤੇ ਚਰਚਾਵਾਂ ਵਿਚਾਲੇ ਉਨ੍ਹਾਂ ਵਲੋਂ ਖੁਦ ਹੀ ਆਪਣੇ ਸੋਸ਼ਲ ਮੀਡੀਆ ਖਾਤੇ ’ਤੇ ਸਾਰਾ ਕੁਝ ਸਪੱਸ਼ਟ ਕਰ ਦਿੱਤਾ ਗਿਆ ਹੈ l ਉਨ੍ਹਾਂ ਵਲੋਂ ਪਹਿਲਾਂ ਸਵੇਰੇ ਪੱਤਰਕਾਰਾਂ ਦੇ ਸਵਾਲਾਂ ਤੋਂ ਟਾਲਾ ਵੱਟਦੇ ਹੋਏ ਸਿਰਫ਼ ਇੰਨਾ ਕਿਹਾ ਸੀ ਕਿ ਮੈਂ ਅਜੇ ਇਸ ਬਾਰੇ ਕੁਝ ਵੀ ਨਹੀਂ ਕਹਿਣਾ ਚਾਹੁੰਦਾ, ਸਮਾਂ ਆਉਣ ’ਤੇ ਤੁਹਾਨੂੰ ਦੱਸ ਦਵਾਂਗਾ, ਇਸ ਮਗਰੋਂ ਉਨ੍ਹਾਂ ਹੁਣ ਆਪਣੇ ਸੋਸ਼ਲ ਮੀਡੀਆ ਖਾਤੇ ’ਤੇ ਪਹਿਲਾ ਆਪਣੇ ਨਾਮ ਨਾਲ ਸਾਬਕਾ ਪ੍ਰਧਾਨ ਪੰਜਾਬ ਕਾਂਗਰਸ ਲਿਖਿਆ ਅਤੇ ਜਦੋਂ ਉਹ ਵਾਇਰਲ ਹੋਣ ਲੱਗਿਆ ਤਾਂ ਉਹਨਾਂ ਪੰਜਾਬ ਕਾਂਗਰਸ ਪ੍ਰਧਾਨ ਨਾਲ ਜੋ ਸਾਬਕਾ ਸ਼ਬਦ ਲਿਖਿਆ ਸੀ, ਉਹ ਵੀ ਹਟਾ ਦਿੱਤਾ ਅਤੇ ਉਹ ਪ੍ਰਧਾਨ ਨੇ ਉਹ ਵੀ ਹਟਾ ਦਿੱਤਾ l ਹੁਣ ਰਾਜਾ ਵੜਿੰਗ ਵਲੋਂ ਅਜਿਹਾ ਕਰਨ ਨੂੰ ਅਸਤੀਫੇ ਦੀ ਸੂਚਨਾ ’ਤੇ ਮੋਹਰ ਲਗਾਉਣ ਵਾਲੀ ਹੀ ਮੰਨਿਆ ਜਾ ਰਿਹਾ ਹੈ l