ਵਕੀਲ ਰਾਕੇਸ਼ ਕੁਮਾਰ ਗੁਪਤਾ ਬਣੇ ਜ਼ਿਲ੍ਹਾ ਬਾਰ ਐਸੋਸੀਏਸ਼ਨ ਬਠਿੰਡਾ ਦੇ ਪ੍ਰਧਾਨ

ਬਠਿੰਡਾ, 12 ਸਤੰਬਰ (ਅੰਮਿ੍ਤਪਾਲ ਸਿੰਘ ਵਲਾਣ)- ਜ਼ਿਲ੍ਹਾ ਬਾਰ ਐਸੋਸੀਏਸ਼ਨ ਬਠਿੰਡਾ ਦੀਆਂ ਚੋਣਾਂ ਦੇ ਨਤੀਜਿਆਂ ਵਿਚ ਸ਼ਾਨਦਾਰ ਜਿੱਤ ਹਾਸਲ ਕਰ ਕੇ ਵਕੀਲ ਰਾਕੇਸ਼ ਕੁਮਾਰ ਗੁਪਤਾ ਜ਼ਿਲ੍ਹਾ ਬਾਰ ਐਸੋਸੀਏਸ਼ਨ ਬਠਿੰਡਾ ਦੇ ਪ੍ਰਧਾਨ ਬਣ ਗਏ ਹਨ, ਜਦਕਿ ਸਕੱਤਰ ਦੀ ਚੋਣ ਵਕੀਲ ਗੁਰਜੋਤ ਸਿੰਘ ਸਿੱਧੂ ਨੇ ਜਿੱਤੀ ਹੈ। ਚੋਣ ਅਬਜ਼ਰਵਰ ਵਕੀਲ ਕੰਵਲਜੀਤ ਸਿੰਘ ਕੁਟੀ ਨੇ ਦੱਸਿਆ ਕਿ ਚੋਣਾਂ ਦੇ ਦੇਰ ਰਾਤ ਆਏ ਨਤੀਜਿਆਂ ਅਨੁਸਾਰ ਵਕੀਲ ਹੁਸਨਿੰਦਰ ਸਿੰਘ ਸਿੱਧੂ ਬੇਗਾ ਨੇ ਮੀਤ ਪ੍ਰਧਾਨ, ਵਕੀਲ ਸ਼ਗਨਦੀਪ ਕੌਰ ਸਿੱਧੂ ਨੇ ਮਹਿਲਾ ਮੀਤ ਪ੍ਰਧਾਨ, ਵਕੀਲ ਅਮਨਦੀਪ ਕੌਰ ਨੇ ਜੁਆਇੰਟ ਸਕੱਤਰ ਅਤੇ ਵਕੀਲ ਅਰਸ਼ਦੀਪ ਸ਼ਰਮਾ ਨੇ ਖ਼ਜ਼ਾਨਚੀ ਦੀ ਚੋਣ ਵਿਚ ਬਾਜ਼ੀ ਮਾਰਦਿਆ ਜਿੱਤ ਹਾਸਲ ਕੀਤੀ ਹੈ। ਚੁਣੀ ਗਈ ਨਵੀਂ ਟੀਮ ਨੇ ਬਾਰ ਦੇ ਸਮੂਹ ਮੈਂਬਰਾਂ ਦਾ ਧੰਨਵਾਦ ਕਰਦਿਆਂ ਵਕੀਲਾਂ ਦੇ ਹਿੱਤਾਂ ਲਈ ਮਿਲਜੁਲ ਕੇ ਕੰਮ ਕਰਨ ਦਾ ਭਰੋਸਾ ਪ੍ਰਗਟਾਇਆ।