ਰਾਹੁਲ ਗਾਂਧੀ ਨੂੰ ਚਰਚਾ ਲਈ ਤਿਆਰ ਰਹਿਣਾ ਚਾਹੀਦਾ ਹੈ, ਉਹ ਭੱਜ ਰਹੇ ਹਨ ਚਰਚਾ ਤੋਂ - ਸ਼ੋਭਾ ਕਰੰਦਲਾਜੇ (ਕੇਂਦਰੀ ਮੰਤਰੀ)

ਨਵੀਂ ਦਿੱਲੀ, 11 ਅਗਸਤ - ਐਨਡੀਏ ਦੇ ਸੰਸਦ ਮੈਂਬਰਾਂ ਨੇ ਵਿਰੋਧੀ ਧਿਰ ਵਿਰੁੱਧ ਤਖ਼ਤੀਆਂ ਲੈ ਕੇ ਸੰਸਦ ਦੇ ਮਕਰ ਦੁਆਰ ਵੱਲ ਰੋਸ ਮਾਰਚ ਕੱਢਿਆ।ਇਸ ਮੌਕੇ ਕੇਂਦਰੀ ਮੰਤਰੀ ਸ਼ੋਭਾ ਕਰੰਦਲਾਜੇ ਨੇ ਕਿਹਾ, "ਰਾਹੁਲ ਗਾਂਧੀ ਨੂੰ ਚਰਚਾ ਲਈ ਤਿਆਰ ਰਹਿਣਾ ਚਾਹੀਦਾ ਹੈ। ਉਹ ਚਰਚਾ ਤੋਂ ਭੱਜ ਰਹੇ ਹਨ।"
ਭਾਜਪਾ ਸੰਸਦ ਮੈਂਬਰ ਸੰਬਿਤ ਪਾਤਰਾ ਨੇ ਕਿਹਾ, "ਵਿਰੋਧੀ ਧਿਰ ਨਹੀਂ ਚਾਹੁੰਦੀ ਕਿ ਮੌਨਸੂਨ ਇਜਲਾਸ ਚੱਲੇ। ਜਦੋਂ ਤੋਂ ਇਜਲਾਸ ਸ਼ੁਰੂ ਹੋਇਆ ਹੈ, ਵਿਰੋਧੀ ਧਿਰ ਗੋਲਪੋਸਟ ਹਿਲਾ ਰਹੀ ਹੈ। ਪਹਿਲਾਂ, ਵਿਰੋਧੀ ਧਿਰ ਨੇ ਕਿਹਾ ਕਿ ਨੀਟ 'ਤੇ ਚਰਚਾ ਹੋਣੀ ਚਾਹੀਦੀ ਹੈ - ਸਾਡੀ ਪਾਰਟੀ-ਐਨਡੀਏ ਨੇ ਫ਼ੈਸਲਾ ਕੀਤਾ ਕਿ ਚਰਚਾ ਹੋਵੇਗੀ। ਇਕ ਨਵਾਂ ਕਾਨੂੰਨ ਬਣਾਇਆ ਗਿਆ। ਉਸ ਤੋਂ ਬਾਅਦ, ਵਿਰੋਧੀ ਧਿਰ ਨੇ ਗੋਲਪੋਸਟ ਹਿਲਾ ਦਿੱਤੇ... ਜਦੋਂ ਗ੍ਰਹਿ ਮੰਤਰੀ ਨੇ ਇਸ ਵਿਸ਼ੇ ਨੂੰ ਪੂਰੀ ਤਿਆਰੀ ਅਤੇ ਤੱਥਾਂ ਨਾਲ ਪੇਸ਼ ਕਰਨ ਦਾ ਪ੍ਰਸਤਾਵ ਰੱਖਿਆ, ਤਾਂ ਰਾਹੁਲ ਗਾਂਧੀ ਸਦਨ ਤੋਂ ਭੱਜ ਗਏ।"