ਸੰਘਣੀ ਧੁੰਦ ਕਾਰਨ ਡਿਵਾਈਡਰ ਨਾਲ ਟਕਰਾਈ ਕਾਰ, ਮਾਂ-ਪੁੱਤ ਜ਼ਖ਼ਮੀ
ਸ਼ਾਹਕੋਟ, 10 ਨਵੰਬਰ (ਸੁਖਦੀਪ ਸਿੰਘ)- ਸ਼ਾਹਕੋਟ-ਮੋਗਾ ਕੌਮੀ ਮਾਰਗ ’ਤੇ ਪਿੰਡ ਚੱਕ ਬਾਹਮਣੀਆਂ ਟੋਲ ਪਲਾਜ਼ਾ ਨੇੜੇ ਅੱਜ ਸਵੇਰੇ ਸੰਘਣੀ ਧੁੰਦ ਕਾਰਨ ਇੱਕ ਬਰੇਜ਼ਾ ਕਾਰ ਡਿਵਾਈਡਰ ਨਾਲ ਟਕਰਾਉਣ ਕਾਰਨ ਮਾਂ-ਪੁੱਤ ਜ਼ਖ਼ਮੀ ਹੋ ਗਏ। ਜਾਣਕਾਰੀ ਅਨੁਸਾਰ ਪ੍ਰਮੋਦ ਕੁਮਾਰ ਦੁੱਗਲ ਪੁੱਤਰ ਵਿਨੋਦ ਦੁੱਗਲ ਵਾਸੀ ਫਗਵਾੜਾ ਅੱਜ ਸਵੇਰੇ ਕਿਰਾਏ ਦੀ ਕਾਰ ਰਾਹੀਂ ਆਪਣੀ ਮਾਤਾ ਨਰੇਸ਼ ਬਾਲਾ ਨੂੰ ਦਵਾਈ ਦਿਵਾਉਣ ਲਈ ਫਰੀਦਕੋਟ ਜਾ ਰਹੇ ਸਨ।
ਹ
ਹਾਦਸੇ ’ਚ ਜ਼ਖਮੀ ਮਾਤਾ ਨਰੇਸ਼ ਬਾਲਾ। ਤਸਵੀਰ : ਸੁਖਦੀਪ ਸਿੰਘ
11-11-2026
ਸ਼ਾਹਕੋਟ, 10 ਨਵੰਬਰ (ਸੁਖਦੀਪ ਸਿੰਘ)- ਸ਼ਾਹਕੋਟ-ਮੋਗਾ ਕੌਮੀ ਮਾਰਗ ’ਤੇ ਪਿੰਡ ਚੱਕ ਬਾਹਮਣੀਆਂ ਟੋਲ ਪਲਾਜ਼ਾ ਨੇੜੇ ਅੱਜ ਸਵੇਰੇ ਸੰਘਣੀ ਧੁੰਦ ਕਾਰਨ ਇੱਕ ਬਰੇਜ਼ਾ ਕਾਰ ਡਿਵਾਈਡਰ ਨਾਲ ਟਕਰਾਉਣ ਕਾਰਨ ਮਾਂ-ਪੁੱਤ ਜ਼ਖ਼ਮੀ ਹੋ ਗਏ। ਜਾਣਕਾਰੀ ਅਨੁਸਾਰ ਪ੍ਰਮੋਦ ਕੁਮਾਰ ਦੁੱਗਲ ਪੁੱਤਰ ਵਿਨੋਦ ਦੁੱਗਲ ਵਾਸੀ ਫਗਵਾੜਾ ਅੱਜ ਸਵੇਰੇ ਕਿਰਾਏ ਦੀ ਕਾਰ ਰਾਹੀਂ ਆਪਣੀ ਮਾਤਾ ਨਰੇਸ਼ ਬਾਲਾ ਨੂੰ ਦਵਾਈ ਦਿਵਾਉਣ ਲਈ ਫਰੀਦਕੋਟ ਜਾ ਰਹੇ ਸਨ। ਜਦੋਂ ਉਹ ਸ਼ਾਹਕੋਟ ਤੋਂ ਕਰੀਬ 7 ਕਿਲੋਮੀਟਰ ਦੂਰ ਪਿੰਡ ਚੱਕ ਬਾਹਮਣੀਆਂ ਟੋਲ ਪਲਾਜ਼ਾ ਨੇੜੇ ਪਹੁੰਚੇ ਤਾਂ ਸੰਘਣੀ ਧੁੰਦ ਕਾਰਨ ਉਨ੍ਹਾਂ ਦੀ ਕਾਰ ਅਚਾਨਕ ਡਿਵਾਈਡਰ ਨਾਲ ਜਾ ਟਕਰਾਈ। ਹਾਦਸੇ ’ਚ ਨਰੇਸ਼ ਬਾਲਾ ਤੇ ਪ੍ਰਮੋਦ ਕੁਮਾਰ ਦੁੱਗਲ ਜ਼ਖ਼ਮੀ ਹੋ ਗਏ, ਜਦਕਿ ਕਾਰ ਚਾਲਕ ਕਮਲਜੀਤ ਵਾਸੀ ਫਗਵਾੜਾ ਦੇ ਮਾਮੂਲੀ ਸੱਟਾਂ ਲੱਗੀਆਂ। ਹਾਦਸੇ ਦੀ ਸੂਚਨਾ ਮਿਲਦਿਆਂ ਹੀ ਟੋਲ ਪਲਾਜ਼ਾ ਦੀ ਐਂਬੂਲੈਂਸ ਟੀਮ ਮੌਕੇ ’ਤੇ ਪਹੁੰਚੀ। ਟੀਮ ’ਚ ਪਾਇਲਟ ਜਗਦੀਸ਼ ਸਿੰਘ ਤੇ ਈ.ਐਮ.ਟੀ. ਸੁਖਜੀਤ ਸਿੰਘ ਨੇ ਜ਼ਖ਼ਮੀਆਂ ਨੂੰ ਤੁਰੰਤ ਇਲਾਜ਼ ਲਈ ਸਰਕਾਰੀ ਹਸਪਤਾਲ ਸ਼ਾਹਕੋਟ ਪਹੁੰਚਾਇਆ, ਜਿੱਥੇ ਐਮਰਜੈਂਸੀ ਡਿਊਟੀ ’ਤੇ ਮੌਜੂਦ ਡਾ. ਸਵੀਟੀ ਤੇ ਉਨ੍ਹਾਂ ਦੀ ਟੀਮ ਵਲੋਂ ਜ਼ਖ਼ਮੀਆਂ ਨੂੰ ਮੁੱਢਲੀ ਸਹਾਇਤਾ ਦੇਣ ਉਪਰੰਤ ਰੈਫਰ ਕਰ ਦਿੱਤਾ ਗਿਆ।
