ਪਿੰਡ ਬੰਬੀਆਂਵਾਲ ਵਿਖੇ ਘਰ ਦੇ ਉਪਰੋਂ ਲੰਘਦੀਆਂ ਬਿਜਲੀ ਦੀਆਂ ਹਾਈਵੋਲਟੇਜ ਤਾਰਾਂ ਹਟਾਏ ਜਾਣ ਦੀ ਮੰਗ
ਕੁਝ ਸਮਾਂ ਪਹਿਲਾਂ ਹੀ ਤਾਰਾਂ ਦੀ ਲਪੇਟ ’ ਚ ਆਉਣ ਕਾਰਨ 14 ਸਾਲ ਦੇ ਬੱਚੇ ਦੀ ਜਾ ਚੁੱਕੀ ਹੈ ਜਾਨ ਜਲੰਧਰ, 29 ਸਤੰਬਰ (ਸਟਾਫ ਰਿਪੋਰਟਰ)-ਪਿੰਡ ਬੰਬੀਆਂਵਾਲ ਨਿਵਾਸੀ ਗੁਰਮੀਤੋ ਪਤਨੀ ਸਵਰਗੀ ਸ਼ਰੀਫ ਕੁਮਾਰ ਨੇ ਆਪਣੇ ਘਰ ਦੀ ਛੱਤ ਦੇ ਉੱਪਰੋਂ ਦੀ ਲੰਘਦੀਆਂ ਬਿਜਲੀ ਦੀਆਂ ਹਾਈਵੋਲਟੇਜ (11ਕੇ. ਵੀ.)
ਕੁਝ ਸਮਾਂ ਪਹਿਲਾਂ ਹੀ ਤਾਰਾਂ ਦੀ ਲਪੇਟ ’ ਚ ਆਉਣ ਕਾਰਨ 14 ਸਾਲ ਦੇ ਬੱਚੇ ਦੀ ਜਾ ਚੁੱਕੀ ਹੈ ਜਾਨ ਜਲੰਧਰ, 29 ਸਤੰਬਰ (ਸਟਾਫ ਰਿਪੋਰਟਰ)-ਪਿੰਡ ਬੰਬੀਆਂਵਾਲ ਨਿਵਾਸੀ ਗੁਰਮੀਤੋ ਪਤਨੀ ਸਵਰਗੀ ਸ਼ਰੀਫ ਕੁਮਾਰ ਨੇ ਆਪਣੇ ਘਰ ਦੀ ਛੱਤ ਦੇ ਉੱਪਰੋਂ ਦੀ ਲੰਘਦੀਆਂ ਬਿਜਲੀ ਦੀਆਂ ਹਾਈਵੋਲਟੇਜ (11ਕੇ.ਵੀ.) ਤਾਰਾਂ ਨੂੰ ਹਟਾਏ ਜਾਣ ਦੀ ਮੰਗ ਕੀਤੀ ਹੈ। ਸ੍ਰੀਮਤੀ ਗੁਰਮੀਤੋ ਨੇ ਦੱਸਿਆ ਕਿ ਇਹ ਤਾਰਾਂ ਏਨੀਆਂ ਨੀਵੀਆਂ ਹਨ ਕਿ ਇੱਥੋਂ ਲੰਘਣ ਸਮੇਂ ਝੁਕ ਕੇ ਲੰਘਣਾ ਪੈਂਦਾ ਹੈ ਤੇ ਇਸ ਸੰਬੰਧੀ ਬਿਜਲੀ ਮਹਿਕਮੇ ਨੂੰ ਕਈ ਵਾਰ ਲਿਖਤੀ ਸ਼ਿਕਾਇਤ ਵੀ ਦਿੱਤੀ ਜਾ ਚੁੱਕੀ ਹੈ ਪਰ ਅਜੇ ਤੱਕ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਉਨ੍ਹਾਂ ਦੱਸਿਆ ਕਿ ਅਜੇ ਇਕ ਮਹੀਨਾ ਪਹਿਲਾਂ ਹੀ ਗੁਆਂਢ ’ਚ ਰਹਿੰਦੇ ਇਕ 14 ਸਾਲ ਦੇ ਲੜਕੇ ਦੀ ਇਨ੍ਹਾਂ ਤਾਰਾਂ ਦੀ ਲਪੇਟ ’ਚ ਆਉਣ ਕਾਰਨ ਮੌਤ ਹੋ ਚੁੱਕੀ ਹੈ ਤੇ ਹੁਣ ਵੀ ਇਨ੍ਹਾਂ ਤਾਰਾਂ ਤੋਂ ਲਗਾਤਾਰ ਖਤਰਾ ਬਣਿਆ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਉਹ ਡਰਦੇ ਆਪਣੇ ਘਰ ਦੀ ਛੱਤ ’ਤੇ ਵੀ ਨਹੀਂ ਚੜ੍ਹਦੇ। ਇਸ ਸੰਬੰਧੀ ਪਿੰਡ ਦੀ ਪੰਚਾਇਤ ਨੇ ਵੀ ਭਵਿੱਖ ’ਚ ਅਜਿਹੀਆਂ ਘਟਨਾਵਾਂ ਤੋਂ ਬਚਣ ਲਈ ਮਹਿਕਮੇ ਦੇ ਅਧਿਕਾਰੀਆਂ ਨੂੰ ਇਕ ਪੱਤਰ ਲਿਖ ਕੇ ਇਨ੍ਹਾਂ ਤਾਰਾਂ ਨੂੰ ਉਕਤ ਘਰ ਦੀ ਛੱਤ ਤੋਂ ਜਲਦ ਹਟਾਏ ਜਾਣ ਦੀ ਮੰਗ ਕੀਤੀ ਹੈ।
