ਬ੍ਰਹਮਾ ਕੁਮਾਰੀਆਂ ਵਲੋਂ ਰੱਖੜੀ ਦਾ ਪਵਿੱਤਰ ਤਿਉਹਾਰ ਮਨਾਇਆ
ਜਲੰਧਰ, 27 ਅਗਸਤ (ਸ਼ਿਵ)- ਪ੍ਰਜਾਪਿਤਾ ਬ੍ਰਹਮਾ ਕੁਮਾਰੀ ਈਸ਼ਵਰੀ ਵਿਸ਼ਵ-ਵਿਦਿਆਲਾ ਜਲੰਧਰ ਦੀ ਗਰੀਨ ਪਾਰਕ ਸ਼ਾਖਾ ਦੀ ਅਗਵਾਈ ਹੇਠ ਰੱਖੜੀ ਦਾ ਪਵਿੱਤਰ ਤਿਉਹਾਰ ਮਨਾਇਆ ਗਿਆ। ਸ਼ਹਿਰ ਦੇ ਵੱਡੀ ਗਿਣਤੀ ਵਿਚ ਉੱਘੇ ਨਾਗਰਿਕਾਂ, ਬੁੱਧੀਜੀਵੀਆਂ ਤੇ ਸ਼ਰਧਾਲੂਆਂ ਨੇ ਇਸ ਵਿਸ਼ੇਸ਼ ਸਮਾਗਮ ਵਿਚ ਹਿੱਸਾ ਲਿਆ ਤੇ ਬ੍ਰਹਮ ਸੰਦੇਸ਼ ਅਤੇ ਰਕਸ਼ਾ ਸੂਤਰ ਤੋਂ ਲਾਭ ਉਠਾਇਆ।
ਜਲੰਧਰ, 27 ਅਗਸਤ (ਸ਼ਿਵ)- ਪ੍ਰਜਾਪਿਤਾ ਬ੍ਰਹਮਾ ਕੁਮਾਰੀ ਈਸ਼ਵਰੀ ਵਿਸ਼ਵ-ਵਿਦਿਆਲਾ ਜਲੰਧਰ ਦੀ ਗਰੀਨ ਪਾਰਕ ਸ਼ਾਖਾ ਦੀ ਅਗਵਾਈ ਹੇਠ ਰੱਖੜੀ ਦਾ ਪਵਿੱਤਰ ਤਿਉਹਾਰ ਮਨਾਇਆ ਗਿਆ। ਸ਼ਹਿਰ ਦੇ ਵੱਡੀ ਗਿਣਤੀ ਵਿਚ ਉੱਘੇ ਨਾਗਰਿਕਾਂ, ਬੁੱਧੀਜੀਵੀਆਂ ਤੇ ਸ਼ਰਧਾਲੂਆਂ ਨੇ ਇਸ ਵਿਸ਼ੇਸ਼ ਸਮਾਗਮ ਵਿਚ ਹਿੱਸਾ ਲਿਆ ਤੇ ਬ੍ਰਹਮ ਸੰਦੇਸ਼ ਅਤੇ ਰਕਸ਼ਾ ਸੂਤਰ ਤੋਂ ਲਾਭ ਉਠਾਇਆ। ਗਰੀਨ ਪਾਰਕ ਸੇਵਾ ਕੇਂਦਰ ਦੀ ਇੰਚਾਰਜ ਰਾਜਯੋਗਿਨੀ ਬ੍ਰਹਮਾ ਕੁਮਾਰੀ ਰੇਖਾ ਦੀਦੀ ਨੇ ਰੱਖੜੀ ਦੇ ਡੂੰਘੇ ਅਧਿਆਤਮਿਕ ਰਹੱਸ ’ਤੇ ਵਿਸਥਾਰ ਨਾਲ ਚਾਨਣਾ ਪਾਇਆ। ਉਨ੍ਹਾਂ ਕਿਹਾ ਕਿ ਪਵਿੱਤਰਤਾ ਦਾ ਅਟੁੱਟ ਪ੍ਰਣ: ਰੱਖੜੀ ਸਿਰਫ਼ ਧਾਗੇ ਬੰਨ੍ਹਣ ਦਾ ਇੱਕ ਧਰਮ ਨਿਰਪੱਖ ਤਿਉਹਾਰ ਨਹੀਂ ਹੈ, ਸਗੋਂ ਇਹ ਆਤਮਾ ਨੂੰ ਕਾਮ, ਕ੍ਰੋਧ, ਲੋਭ, ਮੋਹ ਅਤੇ ਹਉਮੈ ਵਰਗੇ ਵਿਕਾਰਾਂ ਤੋਂ ਮੁਕਤ ਕਰਦਾ ਹੈ ਤੇ ਜੀਵਨ ਦੇ ਟੀਚੇ ਨੂੰ ਪ੍ਰਾਪਤ ਕਰਨ ਵਿਚ ਮਦਦ ਕਰਦਾ ਹੈ। ਇਸ ਮੌਕੇ ਮੇਅਰ ਵਨੀਤ ਧੀਰ ਅਤੇ ਹੋਰਾਂ ਦੇ ਵਿਸ਼ੇਸ਼ ਤੌਰ ’ਤੇ ਪੁੱਜਣ ’ਤੇ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ ਗਿਆ। ਬ੍ਰਹਮਾ ਕੁਮਾਰੀ ਮੀਰਾ ਦੀਦੀ ਰੱਖੜੀ ਦੇ ਵਿਹਾਰਕ ਅਤੇ ਨੈਤਿਕ ਪਹਿਲੂਆਂ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ। ਇਸ ਮੌਕੇ ਰਾਜਯੋਗਨੀ ਰੇਖਾ ਦੀਦੀ ਅਤੇ ਮੀਰਾ ਦੀਦੀ ਨੇ ਸਾਰੇ ਸ਼ਰਧਾਲੂਆਂ ਦੇ ਤਿਲਕ ਲਗਾਇਆ ਤੇ ਰੱਕਸ਼ਾ ਸੂਤਰ ਬੰਨ੍ਹਿਆ ਤੇ ਈਸ਼ਵਰੀ ਸੌਗਾਤ ਤੇ ਪ੍ਰਸਾਦ ਵੰਡਿਆ।
