ਪੁਲਿਸ ਨੇ ਫੜੇ 12 ਜੂਏਬਾਜ਼, ਲੱਖਾਂ ਰੁਪਏ ਦੀ ਨਕਦੀ ਕਬਜ਼ੇ ’ਚ ਲਈ
ਨਵੀਂ ਦਿੱਲੀ, 10 ਨਵੰਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਦੇ ਦੱਖਣੀ ਜ਼ਿਲ੍ਹੇ ਦੀ ਏ.
ਨਵੀਂ ਦਿੱਲੀ, 10 ਨਵੰਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਦੇ ਦੱਖਣੀ ਜ਼ਿਲ੍ਹੇ ਦੀ ਏ.ਏ.ਟੀ.ਐਸ. ਦੀ ਟੀਮ ਨੇ ਸੰਗਮ ਵਿਹਾਰ ਵਿਚ ਇਕ ਜੂਏ ਦੇ ਅੱਡੇ ਦਾ ਪਰਦਾਫਾਸ਼ ਕੀਤਾ ਹੈ ਅਤੇ 12 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਿਸ ਨੇ ਇਨ੍ਹਾਂ ਕੋਲੋਂ 1.03.500 ਰੁਪਏ ਦੀ ਨਕਦੀ ਬਰਾਮਦ ਕੀਤੀ ਹੈ। ਇਨ੍ਹਾਂ ਜੁਆਰੀਆਂ ਦੇ ਨਾਂਅ ਮਨੋਜ (38) ਤੁਗਲਕਾਬਾਦ ਦਿੱਲੀ, ਰਾਜਿੰਦਰ (38) ਸੰਗਮ ਵਿਹਾਰ ਦਿੱਲੀ, ਹਰਦੇਸ਼ ਕੁਮਾਰ (44) ਸੰਗਮ ਵਿਹਾਰ ਦਿੱਲੀ, ਵਿਜੈ (43) ਮਦਨਪੁਰਖਾਦਰ, ਜੇ.ਜੇ. ਕਾਲੋਨੀ ਦਿੱਲੀ, ਰਾਮਕੇਸ਼ (72) ਸੰਗਮ ਵਿਹਾਰ ਦਿੱਲੀ, ਰਾਜ ਕੁਮਾਰ (59) ਦੁਰਗਾ ਵਿਹਾਰ ਨਵੀਂ ਦਿੱਲੀ, ਸੰਤੋਸ਼ ਕੁਮਾਰ ਗੁਪਤਾ (50) ਸੰਗਮ ਵਿਹਾਰ ਦਿੱਲੀ, ਅਮਿਤ ਗੁਪਤਾ (31) ਸੰਗਮ ਵਿਹਾਰ ਦਿੱਲੀ, ਰਾਹੁਲ ਰਾਠੌਰ (31) ਸਾਂਕੇਤ ਦਿੱਲੀ, ਮਾਧਵ ਮੰਗਲ (36) ਸੰਗਮ ਵਿਹਾਰ ਦਿੱਲੀ ਅਤੇ ਜਤਿੰਦਰ ਸਿੰਘ (38) ਦਿਉਲੀ, ਨਵੀਂ ਦਿੱਲੀ ਹਨ। ਇਨ੍ਹਾਂ ਜੂਏਬਾਜ਼ਾਂ ਪ੍ਰਤੀ ਪੁਲਿਸ ਨੂੰ ਇਕ ਗੁਪਤ ਸੂਚਨਾ ਮਿਲੀ ਸੀ ਜਿਸ ਦੇ ਆਧਾਰ ’ਤੇ ਪੁਲਿਸ ਨੇ ਸੰਗਮ ਵਿਹਾਰ ਸਥਿਤ ਅਸਬਲ ਮੰਦਰ ਦੇ ਨਜ਼ਦੀਕ ਅਚਾਨਕ ਉਸ ਸਮੇਂ ਛਾਪਾ ਮਾਰਿਆ ਜਦੋਂ ਉਹ ਜੂਆ ਖੇਡ ਰਹੇ ਸਨ। ਪੁਲਿਸ ਨੇ ਇਨ੍ਹਾਂ ਕੋਲੋਂ ਨਕਦੀ ਤੇ ਤਾਸ਼ ਫੜੀ ਹੈ। ਪੁਲਿਸ ਇਨ੍ਹਾਂ ਤੋਂ ਪੁੱਛ-ਪੜਤਾਲ ਕਰ ਰਹੀ ਹੈ।
