ਅੰਤਰਰਾਸ਼ਟਰੀ ਵਪਾਰ ਮੇਲੇ ਦਾ ਟਿਕਟ ਮੋਬਾਈਲ ਐਪ ਰਾਹੀਂ ਬੁੱਕ ਹੋਵੇਗਾ
ਨਵੀਂ ਦਿੱਲੀ, 10 ਨਵੰਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਦੇ ਭਾਰਤ ਮੰਡਪਮ ਵਿਚ 45ਵੇਂ ਭਾਰਤੀਯ ਅੰਤਰਰਾਸ਼ਟਰੀ ਵਪਾਰ ਮੇਲੇ ਵਿਚ ਇਸ ਵਾਰ ਦਰਸ਼ਕਾਂ ਨੂੰ ਕਈ ਨਵੀਆਂ ਸਹੂਲਤਾਂ ਮਿਲਣਗੀਆਂ।
ਨਵੀਂ ਦਿੱਲੀ, 10 ਨਵੰਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਦੇ ਭਾਰਤ ਮੰਡਪਮ ਵਿਚ 45ਵੇਂ ਭਾਰਤੀਯ ਅੰਤਰਰਾਸ਼ਟਰੀ ਵਪਾਰ ਮੇਲੇ ਵਿਚ ਇਸ ਵਾਰ ਦਰਸ਼ਕਾਂ ਨੂੰ ਕਈ ਨਵੀਆਂ ਸਹੂਲਤਾਂ ਮਿਲਣਗੀਆਂ। ਇਸ ਵਾਰ ਮੋਬਾਈਲ ਐਪ ਰਾਹੀਂ ਦਰਸ਼ਕ ਆਪਣੇ ਘਰ ਬੈਠੇ ਵਪਾਰ ਮੇਲੇ ਦਾ ਟਿਕਟ ਬੁੱਕ ਕਰਵਾ ਸਕਣਗੇ ਅਤੇ ਨਾਲ ਹੀ ਮੇਲੇ ਦੇ ਪਵੇਲੀਅਨ, ਸੱਭਿਆਚਾਰਕ ਪ੍ਰੋਗਰਾਮ ਅਤੇ ਹੋਰ ਪ੍ਰੋਗਰਾਮਾਂ ਬਾਰੇ ਜਾਣਕਾਰੀ ਮਿਲੇਗੀ। ਐਪ ਵਿਚ ਇੰਟਰੈਕਿਟਵ ਨਕਸ਼ੇ ਦੀ ਸਹੂਲਤ ਹੋਵੇਗੀ ਜਿਸ ਰਾਹੀਂ ਮੇਲਾ ਵੇਖਣ ਵਾਲੇ ਦਰਸ਼ਕ ਆਪਣੇ ਮਨਪਸੰਦ ਪਵੇਲੀਅਨ ਦੇ ਅੰਦਰ ਜਾ ਸਕਣਗੇ। ਵਪਾਰ ਮੇਲੇ ਦਾ ਇਸ ਵਾਰ 13 ਨਵੰਬਰ ਨੂੰ ਉਦਘਾਟਨ ਹੋਵੇਗਾ ਅਤੇ 14 ਨਵੰਬਰ ਤੋਂ ਲੈ ਕੇ 18 ਨਵੰਬਰ ਤੱਕ ਬਿਜ਼ਨਸ ਡੇ ਹੋਣਗੇ। 19 ਨਵੰਬਰ ਤੋਂ ਲੈ ਕੇ 27 ਨਵੰਬਰ ਤੱਕ ਇਹ ਵਪਾਰ ਮੇਲਾ ਆਮ ਲੋਕਾਂ ਲਈ ਖੋਲ੍ਹਿਆ ਜਾਵੇਗਾ। ਮੇਲੇ ਵਿਚ ਮੈਡੀਕਲ ਸਹਾਇਤਾ, ਐਸ.ਓ.ਐਸ. ਦੀ ਸਹੂਲਤ (ਐਮਰਜੈਂਸੀ ਸਮੇਂ) ਹੋਵੇਗੀ। ਵਿਕਲਾਂਗਾਂ ਲਈ ਦਾਖ਼ਲਾ ਮੁਫ਼ਤ ਹੋਵੇਗਾ। ਮੇਲੇ ਵਿਚ ਗੁਆਚਾ ਤੇ ਪਾਇਆ ਕੇਂਦਰ ਵੀ ਬਣਾਇਆ ਗਿਆ ਹੈ। ਸੁਰੱਖਿਆ ਪ੍ਰਤੀ 24 ਘੰਟੇ ਨਿਗਰਾਨੀ ਰੱਖੀ ਜਾਵੇਗੀ।
