ਦੁਸਹਿਰੇ ਦਾ ਤਿਉਹਾਰ ਮਨਾਇਆ

ਗੂਹਲਾ ਚੀਕਾ, 20 ਅਕਤੂਬਰ (ਓ. ਪੀ.

ਰ

ਰਾਵਣ ਦਾ ਪੁਤਲਾ ਸੜਦਾ ਹੋਇਆ ਤੇ ਹੇਠਾਂ ਮਹਿਮਾਨਾਂ ਨੂੰ ਸਨਮਾਨਿਤ ਕਰਨ ਦਾ ਦਿ੍ਸ਼ । ਤਸਵੀਰ: ਓ.ਪੀ. ਸੈਣੀ 21-10-2026

ਗੂਹਲਾ ਚੀਕਾ, 20 ਅਕਤੂਬਰ (ਓ.ਪੀ. ਸੈਣੀ)-ਆਦਰਸ਼ ਨਾਟਕ ਕਲੱਬ ਚੀਕਾ ਕਈ ਸਾਲਾਂ ਤੋਂ ਭਵਾਨੀ ਮੰਦਰ ਕੰਪਲੈਕਸ ’ਚ ਦੁਸਹਿਰਾ ਬਹੁਤ ਧੂਮਧਾਮ ਨਾਲ ਗਿਆ । ਧਾਰਮਿਕ ਉਤਸ਼ਾਹ ਅਤੇ “ਜੈ ਸ਼੍ਰੀ ਰਾਮ” ਦੇ ਨਾਅਰਿਆਂ ਵਿਚਕਾਰ, ਰਾਵਣ ਦਾ 60 ਫੁੱਟ ਉੱਚਾ ਪੁਤਲਾ ਸਾੜਿਆ ਗਿਆ। ਹਰਿਆਣਾ ਰਾਈਸ ਮਿੱਲਰਜ਼ ਐਂਡ ਡੀਲਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਵਿਜੇ ਮਿੱਤਲ ਅਤੇ ਹੰਸਰਾਜ ਸਿੰਗਲਾ ਨੇ ਇਸ ਸਮਾਗਮ ਵਿਚ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਇਸ ਤੋਂ ਪਹਿਲਾਂ, ਰਾਮਲੀਲਾ ਕਲਾਕਾਰ, ਰਾਮ ਦਲ ਅਤੇ ਰਾਵਣ ਦਲ ਦੇ ਰੂਪ ’ਚ ਸਜੇ ਹੋਏ ਸਨ । ਦੋਵਾਂ ਸਮੂਹਾਂ ਦੇ ਕਲਾਕਾਰਾਂ ਨੇ ਸ਼ਹਿਰ ਭਰ ’ਚ ਮਾਰਚ ਕੀਤਾ । ਆਪਣੇ ਹੱਕ ’ਚ ਨਾਅਰੇ ਲਗਾਏ ਅਤੇ ਫਿਰ ਦੁਸਹਿਰਾ ਮੈਦਾਨ ’ਚ ਪਹੁੰਚੇ, ਜਿੱਥੇ ਭਗਵਾਨ ਰਾਮ ਨੇ ਰਾਵਣ ਨੂੰ ਮਾਰਿਆ, ਜੋ ਕਿ ਚੰਗਿਆਈ ਦੀ ਜਿੱਤ ਦਾ ਸੰਕੇਤ ਹੈ। ਹੰਸਰਾਜ ਸਿੰਗਲਾ ਨੇ ਕਿਹਾ ਕਿ ਰਾਵਣ ਚਾਰਾਂ ਵੇਦਾਂ ਦਾ ਵਿਦਵਾਨ, ਇੱਕ ਮਹਾਨ ਤਪੱਸਵੀ ਅਤੇ ਭਗਵਾਨ ਸ਼ਿਵ ਦਾ ਪੱਕਾ ਭਗਤ ਸੀ। ਉਸ ਕੋਲ ਬੇਅੰਤ ਗਿਆਨ ਅਤੇ ਸ਼ਕਤੀ ਸੀ, ਪਰ ਉਸਦੇ ਹੰਕਾਰ ਨੇ ਉਸਦੇ ਸੈਂਕੜੇ ਗੁਣਾਂ ਨੂੰ ਢਾਹ ਦਿੱਤਾ। ਸਮਾਗਮ ਦੌਰਾਨ ਮਹਿਮਾਨਾਂ ਅਤੇ ਇਕੱਠ ਦਾ ਸਟੇਜ ਤੋਂ ਸਵਾਗਤ ਕੀਤਾ ਗਿਆ। ਭਵਾਨੀ ਮੰਦਰ ਸੰਸਥਾ ਦੇ ਮੈਂਬਰਾਂ ਨੇ ਮਹਿਮਾਨਾਂ ਨੂੰ ਯਾਦਗਾਰੀ ਚਿੰਨਾਂ ਨਾਲ ਸਨਮਾਨਿਤ ਕੀਤਾ । ਐੱਸ.ਡੀ. ਸਭਾ ਦੇ ਪ੍ਰਧਾਨ ਰਾਜੀਵ ਸ਼ਰਮਾ, ਡਰਾਮਾ ਕਲੱਬ ਦੇ ਪ੍ਰਧਾਨ ਬਲਬੀਰ ਸੈਣੀ, ਕ੍ਰਿਸ਼ਨਾ ਧੀਮਾਨ, ਭੂਸ਼ਣ ਸ਼ਰਮਾ, ਦੀਪਕ ਮਿਗਲਾਨੀ, ਰਵੀ ਦੱਤ, ਗੁਰਬਖਸ਼ ਸੀਦਾ, ਮੋਤੀ ਰਾਮ, ਕੁਲਦੀਪ ਮਾਜਰਾ, ਹਰਬੰਸ ਸੀਦਾ ਅਤੇ ਹਰਪਾਲ ਸ਼ਰਮਾ ਸਮੇਤ ਸੈਂਕੜੇ ਸ਼ਰਧਾਲੂ ਇਸ ਮੌਕੇ ਮੌਜੂਦ ਸਨ।