ਭਾਰਤ - ਜਾਪਾਨ ਦੋਸਤੀ ਸਿਰਫ਼ 75 ਨਹੀਂ , ਸਗੋਂ ਸਦੀਆਂ ਪੁਰਾਣੀ ਹੈ - ਬਨਵਾਰੀ ਲਾਲ ਪੁਰੋਹਿਤ
ਨਵੀਂ ਦਿੱਲੀ, 9 ਅਕਤੂਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਦੇ ਭਾਰਤੀ ਵਿੱਦਿਆ ਭਵਨ ਦੇ ਮੁਨਸ਼ੀ ਮੈਮੋਰੀਅਲ ਹਾਲ ਵਿਖੇ ਭਾਰਤ - ਜਪਾਨ ਦੁਵੱਲੇ ਸੰਬੰਧਾਂ ਦੇ 75 ਸਾਲਾਂ ਦੇ ਜਸ਼ਨ ਤੋਂ ਪਹਿਲਾਂ ਕਰਵਾਏ ਸਮਾਗਮ ਮੌਕੇ ਭਾਰਤੀ ਵਿੱਦਿਆ ਭਵਨ ਦੇ ਪ੍ਰਧਾਨ ਅਤੇ ਪੰਜਾਬ, ਤਾਮਿਲਨਾਡੂ, ਮੇਘਾਲਿਆ ਤੇ ਅਸਾਮ ਦੇ ਸਾਬਕਾ ਰਾਜਪਾਲ ਬਨਵਾਰੀ ਲਾਲ ਪੁਰੋਹਿਤ ਨੇ ਕਿਹਾ ਕਿ ਭਾਰਤ - ਜਪਾਨ ਦੋਸਤੀ ਸਿਰਫ਼ 75 ਸਾਲ ਪੁਰਾਣੀ ਨਹੀਂ, ਸਗੋਂ ਸਦੀਆਂ ਪੁਰਾਣੀ ਹੈ।
ਨਵੀਂ ਦਿੱਲੀ, 9 ਅਕਤੂਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਦੇ ਭਾਰਤੀ ਵਿੱਦਿਆ ਭਵਨ ਦੇ ਮੁਨਸ਼ੀ ਮੈਮੋਰੀਅਲ ਹਾਲ ਵਿਖੇ ਭਾਰਤ - ਜਪਾਨ ਦੁਵੱਲੇ ਸੰਬੰਧਾਂ ਦੇ 75 ਸਾਲਾਂ ਦੇ ਜਸ਼ਨ ਤੋਂ ਪਹਿਲਾਂ ਕਰਵਾਏ ਸਮਾਗਮ ਮੌਕੇ ਭਾਰਤੀ ਵਿੱਦਿਆ ਭਵਨ ਦੇ ਪ੍ਰਧਾਨ ਅਤੇ ਪੰਜਾਬ, ਤਾਮਿਲਨਾਡੂ, ਮੇਘਾਲਿਆ ਤੇ ਅਸਾਮ ਦੇ ਸਾਬਕਾ ਰਾਜਪਾਲ ਬਨਵਾਰੀ ਲਾਲ ਪੁਰੋਹਿਤ ਨੇ ਕਿਹਾ ਕਿ ਭਾਰਤ - ਜਪਾਨ ਦੋਸਤੀ ਸਿਰਫ਼ 75 ਸਾਲ ਪੁਰਾਣੀ ਨਹੀਂ, ਸਗੋਂ ਸਦੀਆਂ ਪੁਰਾਣੀ ਹੈ। ਉਨ੍ਹਾਂ ਇਸ ਮੌਕੇ ਭਾਰਤੀ ਵਿੱਦਿਆ ਭਵਨ ਅਤੇ ਦੇਸ਼ ਭਰ ਵਿਚ ਇਸ ਦੀਆਂ ਸਾਰੀਆਂ ਸ਼ਾਖਾਵਾਂ ਅਤੇ ਮੈਂਬਰਾਂ ਵਲੋਂ ਸੀਨੀਅਰ ਜਪਾਨੀ ਡਿਪਲੋਮੈਟ ਅਤੇ ਜਪਾਨ ਦੇ ਸਵਰਗੀ ਪ੍ਰਧਾਨ ਮੰਤਰੀ ਸ਼ਿੰਜੋ ਆਬੇ ਦੀ ਪਤਨੀ ਅਕੀ ਆਬੇ ਨੂੰ ਪੂਰਨ ਸਹਿਯੋਗ ਦਾ ਭਰੋਸਾ ਦਿੱਤਾ। ਸ੍ਰੀ ਪੁਰੋਹਿਤ ਸ਼ਿੰਜੋ ਆਬੋ ਵਲੋਂ ਕੀਤੇ ਗਏ ਅਹਿਮ ਕੰਮਾਂ ਨੂੰ ਯਾਦ ਕਰਦਿਆਂ ਕਿਹਾ ਕਿ ਸਾਦਗੀ ਜਪਾਨੀ ਲੋਕਾਂ ਦਾ ਇਕ ਅਹਿਮ ਗੁਣ ਹੈ, ਜੋ ਉਨ੍ਹਾਂ ਦੀ ਤਰੱਕੀ ਦਾ ਕਾਰਨ ਬਣਿਆ। ਇਸ ਮੌਕੇ ਆਬੇ - ਨਿਪੋਨ ਕੈਗੀ ਦੇ ਚੇਅਰਮੈਨ ਅਤੇ ਸਵਰਗੀ ਪ੍ਰਧਾਨ ਮੰਤਰੀ ਆਬੇ ਦੇ ਸਲਾਹਕਾਰ ਡਾ. ਟੋਮੋਹਿਕੋ ਤਾਨਿਗੁਚੀ, ਬੀ.ਵੀ.ਬੀ. ਦੇ ਦਿੱਲੀ ਕੇਂਦਰ ਦੇ ਚੇਅਰਮੈਨ ਪਦਮਸ੍ਰੀ ਪੁਰਸਕਾਰ ਜੇਤੂ ਸੀ.ਐਸ. ਵੈਦਿਆਨਾਥਨ, ਪ੍ਰੋਗਰਾਮ ਦੇ ਕਨਵੀਨਰ ਪ੍ਰੋ. ਸ਼ਸ਼ੀਬਾਲਾ, ਦਿੱਲੀ ਕੇਂਦਰ ਦੇ ਸੰਯੁਕਤ ਨਿਰਦੇਸ਼ਕ ਪੀ.ਆਰ. ਕੌਸ਼ਿਕ ਅਤੇ ਵਿੱਦਿਆ ਭਵਨ ਦੇ ਅਧਿਆਪਕ ਤੇ ਵਿਦਿਆਰਥੀ ਸ਼ਾਮਿਲ ਸਨ।
