ਗੁਰੂ ਨਾਨਕ ਖ਼ਾਲਸਾ ਕਾਲਜ ਦੇ ਐਸੋਸੀਏਟ ਪ੍ਰੋ. ਡਾ. ਅਮਰਜੀਤ ਸਿੰਘ ਨੇ ਕਿਤਾਬ ਦੇ ਸੰਪਾਦਕ ਵਜੋਂ ਯੋਗਦਾਨ ਪਾਇਆ
ਯਮੁਨਾਨਗਰ , 25 ਸਤੰਬਰ ( ਗੁਰਦਿਆਲ ਸਿੰਘ ਨਿਮਰ )- ਗੁਰੂ ਨਾਨਕ ਖਾਲਸਾ ਕਾਲਜ ਯਮੁਨਾਨਗਰ ਨੇ ਅਕਾਦਮਿਕ ਖੇਤਰ ਵਿਚ ਇਕ ਹੋਰ ਮਹੱਤਵਪੂਰਨ ਮੀਲ ਪੱਥਰ ਪ੍ਰਾਪਤ ਕੀਤਾ ਹੈ , ਜਿਸ ਵਿਚ ਡਾ . ਅਮਰਜੀਤ ਸਿੰਘ ਐਸੋਸੀਏਟ ਪ੍ਰੋਫੈਸਰ ਸਰੀਰਕ ਸਿੱਖਿਆ ਵਿਭਾਗ ਨੇ ਕਿਤਾਬ ਦੇ ਸੰਪਾਦਕ ਵਜੋਂ ਯੋਗਦਾਨ ਪਾਇਆ ਹੈ ।
ਯਮੁਨਾਨਗਰ , 25 ਸਤੰਬਰ ( ਗੁਰਦਿਆਲ ਸਿੰਘ ਨਿਮਰ )- ਗੁਰੂ ਨਾਨਕ ਖਾਲਸਾ ਕਾਲਜ ਯਮੁਨਾਨਗਰ ਨੇ ਅਕਾਦਮਿਕ ਖੇਤਰ ਵਿਚ ਇਕ ਹੋਰ ਮਹੱਤਵਪੂਰਨ ਮੀਲ ਪੱਥਰ ਪ੍ਰਾਪਤ ਕੀਤਾ ਹੈ , ਜਿਸ ਵਿਚ ਡਾ . ਅਮਰਜੀਤ ਸਿੰਘ ਐਸੋਸੀਏਟ ਪ੍ਰੋਫੈਸਰ ਸਰੀਰਕ ਸਿੱਖਿਆ ਵਿਭਾਗ ਨੇ ਕਿਤਾਬ ਦੇ ਸੰਪਾਦਕ ਵਜੋਂ ਯੋਗਦਾਨ ਪਾਇਆ ਹੈ । ਇਹ ਪ੍ਰਕਾਸ਼ਨ ਸਿੱਖਿਆ , ਸਿਹਤ ਅਤੇ ਸਮਾਜ ‘ ਤੇ ਅੰਤਰ - ਅਨੁਸ਼ਾਸਨੀ ਦ੍ਰਿਸ਼ਟੀਕੋਣਾਂ ਨੂੰ ਇਕੱਠਾ ਕਰਦਾ ਹੈ , ਜੋ ਕਿ ਮਨੁੱਖੀ - ਕੇਂਦ੍ਰਿਤ ਪਹੁੰਚਾਂ ਅਤੇ ਅਕਾਦਮਿਕ ਵਿਸ਼ਿਆਂ ਵਿਚ ਸਹਿਯੋਗ ਦੀ ਮਹੱਤਤਾ ਨੂੰ ਉਜਾਗਰ ਕਰਦਾ ਹੈ । ਡਾ . ਅਮਰਜੀਤ ਸਿੰਘ ਨੂੰ ਇਸ ਪ੍ਰਾਪਤੀ ‘ ਤੇ ਵਧਾਈ ਦਿੰਦਿਆਂ ਹੋਏ ਪ੍ਰਿੰਸੀਪਲ ਡਾ . ਅਰਵਿੰਦਰ ਸਿੰਘ ਭੱਲਾ ਨੇ ਕਿਹਾ ਕਿ ਇਹ ਗੁਰੂ ਨਾਨਕ ਖਾਲਸਾ ਕਾਲਜ ਲਈ ਬਹੁਤ ਮਾਣ ਵਾਲੀ ਗੱਲ ਹੈ ਕਿ ਸਾਡੇ ਫੈਕਲਟੀ ਮੈਂਬਰ ਰਾਸ਼ਟਰੀ ਪੱਧਰ ‘ ਤੇ ਅਕਾਦਮਿਕ ਸਕਾਲਰਸ਼ਿਪ ਵਿਚ ਸਾਰਥਕ ਯੋਗਦਾਨ ਪਾ ਰਹੇ ਹਨ । ਇਸ ਮੌਕੇ ਡਾ . ਸੰਜੇ ਵਿਜ ਮੁਖੀ ਸਰੀਰਕ ਸਿੱਖਿਆ ਵਿਭਾਗ ਨੇ ਕਿਹਾ ਕਿ ਇਹ ਪ੍ਰਾਪਤੀ ਸਰੀਰਕ ਸਿੱਖਿਆ ਵਿਭਾਗ ਲਈ ਇਕ ਸਨਮਾਨ ਹੈ । ਇਸ ਮੌਕੇ ਕਾਲਜ ਮੈਨੇਜਮੈਂਟ , ਪ੍ਰਿੰਸੀਪਲ , ਫੈਕਲਟੀ ਮੈਂਬਰ , ਸਟਾਫ਼ ਤੇ ਸਮੁੱਚੇ ਜੀ . ਐਨ . ਕੇ . ਪਰਿਵਾਰ ਨੇ ਡਾ . ਅਮਰਜੀਤ ਸਿੰਘ ਨੂੰ ਦਿਲੋਂ ਵਧਾਈਆਂ ਦਿੱਤੀਆਂ ।
