ਨਿਯੁਕਤੀ ਪੱਤਰ ਦੇਣ ਤੋਂ ਪਹਿਲਾਂ ਮੈਰਿਟ ਸੂਚੀ ਜਨਤਕ ਕਰਨ ਦੀ ਮੰਗ
ਬਰੇਟਾ , 1 ਨਵੰਬਰ ( ਪਾਲ ਸਿੰਘ ਮੰਡੇਰ )- ਪੰਜਾਬ ਸਰਕਾਰ ਵਲੋਂ ਹਰ ਭਰਤੀ ਮੈਰਿਟ ਦੇ ਆਧਾਰ ’ ਤੇ ਕਰਨ ਦੀ ਗੱਲ ਕਹੀ ਜਾਂਦੀ ਹੈ ਪਰ ਵਿਭਾਗੀ ਭਰਤੀ ਦੀਆਂ ਕਮੇਟੀਆਂ ਮੈਰਿਟ ਸੂਚੀ ਨੂੰ ਜਨਤਕ ਕਿਉਂ ਨਹੀਂ ਕਰਦੀਆਂ । ਇਹ ਵਿਚਾਰ ਪ੍ਰਗਟ ਕਰਦਿਆਂ ਬੇਰੁਜਗਾਰ ਤੇ ਮਾਪੇ ਐਕਸ਼ਨ ਕਮੇਟੀ ਬਰੇਟਾ ਦੇ ਮੈਂਬਰ ਜਗਦੇਵ ਸਿੰਘ ਜਲਵੇੜਾ ਅਤੇ ਗੁਰਤੇਜ ਸਿੰਘ ਤੇਜੀ ਬਰੇਟਾ ਨੇ ਕਿਹਾ ਕਿ ਪਿਛਲੇ ਦਿਨੀਂ ਵੂਮੈਨ ਅਤੇ ਚਾਇਲਡ ਡਿਪਾਰਟਮੈਂਟ ’ ਚ ਜ਼ਿਲ੍ਹਾ ਕੋਆਰਡੀਨੇਟਰ ਦੀ ਆਸਾਮੀ ਲਈ ਇੰਟਰਵਿਊ ਹੋਈ ਸੀ , ਜਿਸ ਦੀ ਕੋਈ ਵੀ ਮੈਰਿਟ ਸੂਚੀ ਜਨਤਕ ਨਹੀਂ ਕੀਤੀ ਗਈ ।
ਬਰੇਟਾ , 1 ਨਵੰਬਰ ( ਪਾਲ ਸਿੰਘ ਮੰਡੇਰ )- ਪੰਜਾਬ ਸਰਕਾਰ ਵਲੋਂ ਹਰ ਭਰਤੀ ਮੈਰਿਟ ਦੇ ਆਧਾਰ ’ ਤੇ ਕਰਨ ਦੀ ਗੱਲ ਕਹੀ ਜਾਂਦੀ ਹੈ ਪਰ ਵਿਭਾਗੀ ਭਰਤੀ ਦੀਆਂ ਕਮੇਟੀਆਂ ਮੈਰਿਟ ਸੂਚੀ ਨੂੰ ਜਨਤਕ ਕਿਉਂ ਨਹੀਂ ਕਰਦੀਆਂ । ਇਹ ਵਿਚਾਰ ਪ੍ਰਗਟ ਕਰਦਿਆਂ ਬੇਰੁਜਗਾਰ ਤੇ ਮਾਪੇ ਐਕਸ਼ਨ ਕਮੇਟੀ ਬਰੇਟਾ ਦੇ ਮੈਂਬਰ ਜਗਦੇਵ ਸਿੰਘ ਜਲਵੇੜਾ ਅਤੇ ਗੁਰਤੇਜ ਸਿੰਘ ਤੇਜੀ ਬਰੇਟਾ ਨੇ ਕਿਹਾ ਕਿ ਪਿਛਲੇ ਦਿਨੀਂ ਵੂਮੈਨ ਅਤੇ ਚਾਇਲਡ ਡਿਪਾਰਟਮੈਂਟ ’ ਚ ਜ਼ਿਲ੍ਹਾ ਕੋਆਰਡੀਨੇਟਰ ਦੀ ਆਸਾਮੀ ਲਈ ਇੰਟਰਵਿਊ ਹੋਈ ਸੀ , ਜਿਸ ਦੀ ਕੋਈ ਵੀ ਮੈਰਿਟ ਸੂਚੀ ਜਨਤਕ ਨਹੀਂ ਕੀਤੀ ਗਈ । ਉਨ੍ਹਾਂ ਕਿਹਾ ਕਿ ਇਸ ਆਸਾਮੀ ਦਾ ਨਿਯੁਕਤੀ ਪੱਤਰ 23 ਅਕਤੂਬਰ ਨੂੰ ਬਿਨ੍ਹਾ ਮੈਰਿਟ ਸੂਚੀ ਜਨਤਕ ਕਰ ਕੇ ਦਿੱਤਾ ਗਿਆ । ਇਸ ਤੋਂ ਸਾਫ ਜਾਹਿਰ ਹੈ ਕਿ ਨਿਯੁਕਤੀ ’ ਚ ਹੇਰਾ ਫੇਰੀ ਕੀਤੀ ਗਈ ਹੈ । ਇਸ ਸੰਬੰਧੀ ਕਮੇਟੀ ਵਲੋਂ ਮੁੱਖ ਮੰਤਰੀ ਪੰਜਾਬ , ਸਮਾਜ ਭਲਾਈ ਮੰਤਰੀ ਪੰਜਾਬ ਤੇ ਡਾਇਰੈਕਟਰ ਪੰਜਾਬ ਨੂੰ ਪੱਤਰ ਭੇਜਿਆ ਗਿਆ ਅਤੇ ਮੰਗ ਕੀਤੀ ਗਈ ਕਿ ਇਸ ਭਰਤੀ ਦੀ ਮੈਰਿਟ ਸੂਚੀ ਨੂੰ ਤੁਰੰਤ ਜਨਤਕ ਕੀਤਾ ਜਾਵੇ ਤਾਂ ਜੋ ਇੰਟਰਵਿਊ ’ ਤੇ ਆਉਣ ਵਾਲੇ ਉਮੀਦਵਾਰਾਂ ਨੂੰ ਪਤਾ ਲੱਗ ਸਕੇ ਕਿ ਉਨ੍ਹਾਂ ’ ਚ ਕੀ ਘਾਟ ਰਹੀ ।
