ਫਿਰੋਜ਼ਪੁਰ

ਵੋਟਰਾਂ ਵਲੋਂ ਵੋਟ ਬਚਾਉਣ ਦੇ ਲਈ ਲੱਗੇ ਕੈਂਪ ਵਿਚ ਨੂੰ ਭਰਵਾਂ ਹੁੰਗਾਰਾ ਦਸਤਾਵੇਜ਼ ਹਨ ਤਾਂ ਵੋਟ ਬਚੇਗੀ ਨਹੀਂ ਤਾਂ ਫਿਕਰ ਸਤਾਏਗੀ..!

ਆ

ਆਰ.ਐੱਸ.ਡੀ ਕਾਲਜ ਵਿਖੇ ਲੱਗੇ ਕੈਂਪ ’ਚ ਵੋਟਰਾਂ ਦੇ ਦਸਤਾਵੇਜ਼ ਜਮ੍ਹਾਂ ਕਰਦੇ ਹੋਏ ਸਿਮਰਨ ਸਿੰਘ ਤੇ ਬੀ.ਐਲ.ਓ ਲਵਕੇਸ਼ ਕੁਮਾਰ। ਤਸਵੀਰ- ਸੁਖਵਿੰਦਰ ਸਿੰਘ 03-09-2026

ਫ਼ਿਰੋਜ਼ਪੁਰ 2 ਸਤੰਬਰ (ਸੁਖਵਿੰਦਰ ਸਿੰਘ)-ਡਰਾਫਟ ਵੋਟਰ ਸੂਚੀਆਂ ਵਿਚ ਸ਼ਾਮਲ ਨਾਵਾਂ ਨੂੰ ਲੈ ਕੇ ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ ਅਨੁਸਾਰ ਵੋਟਰਾਂ ਦੀ ਸਹਾਇਤਾ ਲਈ ਲਗਾਏ ਗਏ ਕੈਂਪ ਨੂੰ ਅੱਜ ਭਰਵਾਂ ਹੁੰਗਾਰਾ ਮਿਲਿਆ। ਆਪਣੀ ਵੋਟ ਨੂੰ ਸੁਰੱਖਿਅਤ ਰੱਖਣ ਲਈ ਵੱਡੀ ਗਿਣਤੀ ਵਿਚ ਵੋਟਰ ਲੋੜੀਂਦੇ ਦਸਤਾਵੇਜ਼ ਲੈ ਕੇ ਕੈਂਪ ਵਿਚ ਪਹੁੰਚੇ। ਇਸ ਦੌਰਾਨ ਬੀ.ਐੱਲ.ਓਜ਼ ਵਲੋਂ ਵੋਟਰਾਂ ਦੇ ਦਸਤਾਵੇਜ਼ਾਂ ਦੀ ਜਾਂਚ ਕਰਕੇ ਲੋੜੀਂਦੀ ਕਾਰਵਾਈ ਕੀਤੀ ਗਈ। ਕੈਂਪ ਦੌਰਾਨ ਜਿਨ੍ਹਾਂ ਵੋਟਰਾਂ ਕੋਲ ਲੋੜੀਂਦੇ ਦਸਤਾਵੇਜ਼ ਮੌਜੂਦ ਸਨ। ਉਨ੍ਹਾਂ ਦੇ ਦਸਤਾਵੇਜ਼ ਜਮ੍ਹਾਂ ਕਰ ਲਏ ਗਏ। ਜਦ ਕਿ ਦਸਤਾਵੇਜ਼ਾਂ ਦੀ ਘਾਟ ਵਾਲੇ ਵੋਟਰਾਂ ਵਿਚ ਆਪਣੀ ਵੋਟ ਨੂੰ ਲੈ ਕੇ ਚਿੰਤਾ ਦੇਖਣ ਨੂੰ ਮਿਲੀ। ਕਈ ਵੋਟਰਾਂ ਦਾ ਕਹਿਣਾ ਸੀ ਕਿ ਵੋਟ ਪਾਉਣਾ ਹਰ ਨਾਗਰਿਕ ਦਾ ਅਧਿਕਾਰ ਹੈ, ਪਰ ਜੇਕਰ ਵੋਟ ਬਚਾਉਣ ਲਈ ਦਸਤਾਵੇਜ਼ ਹੀ ਉਪਲਬਧ ਨਾ ਹੋਣ ਤਾਂ ਉਹ ਆਪਣੇ ਹੱਕ ਦੀ ਰੱਖਿਆ ਕਿਵੇਂ ਕਰਨਗੇ। ਕੈਂਪ ਵਿਚ ਪਹੁੰਚੇ ਲੋਕਾਂ ਵਿਚ ਆਪਣੀ ਵੋਟ ਨੂੰ ਲੈ ਕੇ ਜਾਗਰੂਕਤਾ ਵੀ ਦੇਖਣ ਨੂੰ ਮਿਲੀ ਅਤੇ ਵੋਟਰ ਆਪੋ-ਆਪਣੇ ਨਾਵਾਂ ਸਬੰਧੀ ਜਾਣਕਾਰੀ ਲੈਣ ਦੇ ਨਾਲ-ਨਾਲ ਲੋੜੀਂਦੀ ਕਾਰਵਾਈ ਪੂਰੀ ਕਰਦੇ ਨਜ਼ਰ ਆਏ। ਦੂਜੇ ਪਾਸੇ, ਜਿਨ੍ਹਾਂ ਵੋਟਰਾਂ ਕੋਲ ਮੰਗੇ ਗਏ ਦਸਤਾਵੇਜ਼ ਨਹੀਂ ਹਨ। ਉਨ੍ਹਾਂ ਲਈ ਇਹ ਮਾਮਲਾ ਅਜੇ ਵੀ ਵੱਡੀ ਚੁਣੌਤੀ ਬਣਿਆ ਹੋਇਆ ਹੈ। ਕੈਂਪ ਦੌਰਾਨ ਕੁਝ ਵੋਟਰਾਂ ਵਲੋਂ ਬੀ.ਐੱਲ.ਓ. ’ਤੇ ਕਥਿਤ ਤੌਰ ’ਤੇ ਗਲਤ ਦਸਤਾਵੇਜ਼ ਲਗਾ ਕੇ ਫਾਰਮ ਜਮ੍ਹਾਂ ਕਰਨ ਦੇ ਦੋਸ਼ ਲਗਾਏ ਗਏ। ਵੋਟਰਾਂ ਦਾ ਕਹਿਣਾ ਸੀ ਕਿ ਵੋਟ ਬਣਾਉਣ ਲਈ ਆਧਾਰ ਕਾਰਡ ਨੂੰ ਸਬੂਤ ਵਜੋਂ ਸਵੀਕਾਰ ਨਾ ਕੀਤੇ ਜਾਣ ਦੀ ਗੱਲ ਕਹੀ ਜਾ ਰਹੀ ਹੈ, ਪਰ ਇਸ ਦੇ ਬਾਵਜੂਦ ਕੁਝ ਮਾਮਲਿਆਂ ਵਿਚ ਆਧਾਰ ਕਾਰਡ ਨਾਲ ਸਬੰਧਤ ਦਸਤਾਵੇਜ਼ ਲਗਾਏ ਜਾ ਰਹੇ ਹਨ। ਇਸ ਕਾਰਨ ਵੋਟਰਾਂ ਵਿੱਚ ਭੰਬਲਭੂਸੇ ਦੀ ਸਥਿਤੀ ਬਣੀ ਹੋਈ ਹੈ।

ਪਿਛਲੀ ਖ਼ਬਰ ਕ੍ਰਿਸ਼ਨ ਜਨਮ ਅਸ਼ਟਮੀ ਦੇ ਮੌਕੇ ਸ਼ਾਮ ਨੂੰ 6 ਤੋਂ 8 ਵਜੇ ਤੱਕ ਮੀਟ, ਅੰਡੇ ਦੀਆਂ ਦੁਕਾਨਾਂ/ਰੇਹੜੀਆਂ ਤੇ ਬੁੱਚੜਖ਼ਾਨੇ ਮੁਕੰਮਲ... ਅਗਲੀ ਖ਼ਬਰ ਵਿਧਾਇਕ ਰਣਬੀਰ ਸਿੰਘ ਭੁੱਲਰ ਨੇ ਖਾਟੂ ਸ਼ਿਆਮ ਤੇ ਸਾਲਾਸਰ ਬਾਲਾਜੀ ਦੇ ਦਰਸ਼ਨਾਂ ਲਈ ਬੱਸ ਕੀਤੀ ਰਵਾਨਾ

ਵੋਟਰਾਂ ਵਲੋਂ ਵੋਟ ਬਚਾਉਣ ਦੇ ਲਈ ਲੱਗੇ ਕੈਂਪ ਵਿਚ ਨੂੰ ਭਰਵਾਂ ਹੁੰਗਾਰਾ ਦਸਤਾਵੇਜ਼ ਹਨ ਤਾਂ ਵੋਟ ਬਚੇਗੀ ਨਹੀਂ ਤਾਂ ਫਿਕਰ ਸਤਾਏਗੀ..!

ਸੰਬੰਧਿਤ ਖ਼ਬਰਾਂ