ਅਮਰੀਕਾ ਵਿਚ ਪੰਜਾਬੀ ਨੌਜਵਾਨ ਦੀ ਟਰਾਲਾ ਪਲਟਣ ਕਾਰਨ ਮੌਤ
ਬਾਬਾ ਬਕਾਲਾ ਸਾਹਿਬ, 10 ਨਵੰਬਰ (ਸ਼ੇਲਿੰਦਰਜੀਤ ਸਿੰਘ ਰਾਜਨ)-ਰੋਜੀ ਰੋਟੀ ਲਈ ਕੈਲੇਫੋਰਨੀਆ (ਅਮਰੀਕਾ) ਗਏ ਇਕ ਪੰਜਾਬੀ ਨੌਜਵਾਨ ਦੇ ਟਰਾਲਾ ਪਲਟਣ ਕਾਰਣ ਮੌਤ ਹੋ ਗਈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪੰਜਾਬੀ ਸਾਹਿਤ ਸਭਾ ਬਾਬਾ ਬਕਾਲਾ ਸਾਹਿਬ ਦੇ ਸਕੱਤਰ ਸਰਬਜੀਤ ਸਿੰਘ ਪੱਡਾ, ਵਾਸੀ ਗੱਗੜਭਾਣਾ (ਬਾਬਾ ਬਕਾਲਾ ਸਾਹਿਬ) ਦੇ ਭਤੀਜੇ ਗੁਰਬੀਰ ਸਿੰਘ ਪੱਡਾ (29 ਸਾਲ) ਪੁੱਤਰ ਸੁਖਜੀਤ ਸਿੰਘ ਪੱਡਾ, ਜੋ ਕਿ ਪਿੰਡ ਗੰਡੇਕੇ ਚੌਣੇ (ਗੁਰਦਾਸਪੁਰ) ਦਾ ਰਹਿਣ ਵਾਲਾ ਹੈ, ਬੀਤੇ ਦਿਨ ਲੰਘੀ 8 ਨਵੰਬਰ ਨੂੰ ਅਮਰੀਕਾ ਵਿਚ ਟਰਾਲਾ ਚਲਾਉਂਦਿਆਂ, ਟਰਾਲਾ ਪਲਟ ਜਾਣ ਕਾਰਣ ਉਸਦੀ ਮੌਤ ਹੋ ਗਈ ।
ਬਾਬਾ ਬਕਾਲਾ ਸਾਹਿਬ, 10 ਨਵੰਬਰ (ਸ਼ੇਲਿੰਦਰਜੀਤ ਸਿੰਘ ਰਾਜਨ)-ਰੋਜੀ ਰੋਟੀ ਲਈ ਕੈਲੇਫੋਰਨੀਆ (ਅਮਰੀਕਾ) ਗਏ ਇਕ ਪੰਜਾਬੀ ਨੌਜਵਾਨ ਦੇ ਟਰਾਲਾ ਪਲਟਣ ਕਾਰਣ ਮੌਤ ਹੋ ਗਈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪੰਜਾਬੀ ਸਾਹਿਤ ਸਭਾ ਬਾਬਾ ਬਕਾਲਾ ਸਾਹਿਬ ਦੇ ਸਕੱਤਰ ਸਰਬਜੀਤ ਸਿੰਘ ਪੱਡਾ, ਵਾਸੀ ਗੱਗੜਭਾਣਾ (ਬਾਬਾ ਬਕਾਲਾ ਸਾਹਿਬ) ਦੇ ਭਤੀਜੇ ਗੁਰਬੀਰ ਸਿੰਘ ਪੱਡਾ (29 ਸਾਲ) ਪੁੱਤਰ ਸੁਖਜੀਤ ਸਿੰਘ ਪੱਡਾ, ਜੋ ਕਿ ਪਿੰਡ ਗੰਡੇਕੇ ਚੌਣੇ (ਗੁਰਦਾਸਪੁਰ) ਦਾ ਰਹਿਣ ਵਾਲਾ ਹੈ, ਬੀਤੇ ਦਿਨ ਲੰਘੀ 8 ਨਵੰਬਰ ਨੂੰ ਅਮਰੀਕਾ ਵਿਚ ਟਰਾਲਾ ਚਲਾਉਂਦਿਆਂ, ਟਰਾਲਾ ਪਲਟ ਜਾਣ ਕਾਰਣ ਉਸਦੀ ਮੌਤ ਹੋ ਗਈ । ਸਰਬਜੀਤ ਸਿੰਘ ਪੱਡਾ ਅਨੁਸਾਰ ਮ੍ਰਿਤਕ ਨੌਜਵਾਨ ਗੁਰਬੀਰ ਸਿੰਘ ਪੱਡਾ ਅਜੇ ਕੁਆਰਾ ਸੀ ਅਤੇ ਉਹ ਤਕਰੀਬਨ 8 ਕੁ ਸਾਲ ਪਹਿਲਾਂ ਰੋਜੀ ਰੋਟੀ ਲਈ ਕੈਲੇਫੋਰਨੀਆ (ਅਮਰੀਕਾ) ਗਿਆ ਸੀ । ਉਨ੍ਹਾਂ ਦੱਸਿਆ ਕਿ ਮ੍ਰਿਤਕ ਨੌਜਵਾਨ ਗੁਰਬੀਰ ਸਿੰਘ ਪੱਡਾ ਦੀ ਮ੍ਰਿਤਕ ਦੇਹ ਨੂੰ ਭਾਰਤ ਲਿਆਉਣ ਲਈ ਯਤਨ ਕੀਤੇ ਜਾ ਰਹੇ ਹਨ।
