ਪੰਜਾਬ / ਜਨਰਲ

ਪਾਕਿ ’ਚ ਹਾੜ੍ਹੀ ਦੀਆਂ ਫ਼ਸਲਾਂ ਲਈ ਪਾਣੀ ਦਾ ਵੱਡਾ ਸੰਕਟ, ਲਹਿੰਦੇ ਪੰਜਾਬ ਤੇ ਸਿੰਧ ’ਚ 22 ਫ਼ੀਸਦੀ ਕਟੌਤੀ

ਮ੍ਰਿਤਸਰ, 14 ਅਕਤੂਬਰ (ਸੁਰਿੰਦਰ ਕੋਛੜ)-ਪਾਕਿਸਤਾਨ ’ਚ ਹਾੜ੍ਹੀ (ਰਬੀ) ਦੇ ਸੀਜ਼ਨ ਦੌਰਾਨ ਖੇਤੀਬਾੜੀ ਲਈ ਪਾਣੀ ਦੀ ਭਾਰੀ ਕਿੱਲਤ ਹੋਣ ਦਾ ਖ਼ਦਸ਼ਾ ਹੈ । ਪਾਕਿਸਤਾਨ ਦੀ ਜਲ ਪ੍ਰਬੰਧਨ ਸੰਸਥਾ ਇੰਡਸ ਰਿਵਰ ਸਿਸਟਮ ਅਥਾਰਿਟੀ (ਆਈ.

ਤ

ਤਰਬੇਲਾ ਡੈਮ ਵਿਖੇ ਚੱਲ ਰਹੇ ਨਿਰਮਾਣ ਕਾਰਜਾਂ ਦਾ ਦ੍ਰਿਸ਼। ਤਸਵੀਰ ਰਾਹੀਂ : ਸੁਰਿੰਦਰ ਕੋਛੜ 15-10-2026

ਮ੍ਰਿਤਸਰ, 14 ਅਕਤੂਬਰ (ਸੁਰਿੰਦਰ ਕੋਛੜ)-ਪਾਕਿਸਤਾਨ ’ਚ ਹਾੜ੍ਹੀ (ਰਬੀ) ਦੇ ਸੀਜ਼ਨ ਦੌਰਾਨ ਖੇਤੀਬਾੜੀ ਲਈ ਪਾਣੀ ਦੀ ਭਾਰੀ ਕਿੱਲਤ ਹੋਣ ਦਾ ਖ਼ਦਸ਼ਾ ਹੈ । ਪਾਕਿਸਤਾਨ ਦੀ ਜਲ ਪ੍ਰਬੰਧਨ ਸੰਸਥਾ ਇੰਡਸ ਰਿਵਰ ਸਿਸਟਮ ਅਥਾਰਿਟੀ (ਆਈ.ਆਰ.ਐੱਸ.ਏ.) ਅਨੁਸਾਰ ਲਹਿੰਦੇ ਪੰਜਾਬ ਅਤੇ ਸਿੰਧ ਸੂਬਿਆਂ ਨੂੰ ਸਿੰਜਾਈ ਲਈ 22 ਫ਼ੀਸਦੀ ਘੱਟ ਪਾਣੀ ਮਿਲ ਸਕਦਾ ਹੈ । ਇਸ ਨਾਲ ਕਣਕ, ਸਰ੍ਹੋਂ, ਜੌਂ ਅਤੇ ਛੋਲਿਆਂ ਦੀ ਬਿਜਾਈ ਤੇ ਪੈਦਾਵਾਰ ਪ੍ਰਭਾਵਿਤ ਹੋਣ ਦਾ ਖ਼ਦਸ਼ਾ ਹੈ। ਰਿਪੋਰਟ ਮੁਤਾਬਕ ਦਰਿਆਵਾਂ ’ਚ ਪਾਣੀ ਦੀ ਆਮਦ ਅਨੁਮਾਨ ਨਾਲੋਂ 8 ਫ਼ੀਸਦੀ ਤੇ ਪਿਛਲੇ ਸਾਲ ਦੇ ਮੁਕਾਬਲੇ 22 ਫ਼ੀਸਦੀ ਘੱਟ ਰਹੀ ਹੈ । 30 ਸਤੰਬਰ ਤੱਕ ਡੈਮਾਂ ’ਚ 120.14 ਲੱਖ ਏਕੜ ਫੁੱਟ ਪਾਣੀ ਜਮ੍ਹਾਂ ਹੋਣ ਦੀ ਉਮੀਦ ਸੀ, ਪਰ ਅਸਲ ਭੰਡਾਰ ਸਿਰਫ਼ 93.43 ਲੱਖ ਏਕੜ ਫੁੱਟ ਰਿਹਾ । ਤਰਬੇਲਾ ਡੈਮ ’ਚ ਨਿਰਮਾਣ ਕਾਰਜਾਂ ਕਾਰਨ ਪਾਣੀ ਦਾ ਭੰਡਾਰਨ ਪ੍ਰਭਾਵਿਤ ਹੋਇਆ । ਇਸ ਤੋਂ ਇਲਾਵਾ ਸੁਰੰਗਾਂ 4 ਤੇ 5 ਦੇ ਪਣ-ਬਿਜਲੀ ਪ੍ਰੋਜੈਕਟਾਂ ’ਚ ਦੇਰੀ ਨੇ ਵੀ ਸੰਕਟ ਵਧਾਇਆ । ਪਾਕਿਸਤਾਨੀ ਆਗੂ ਇਸ ਸਥਿਤੀ ਲਈ ਭਾਰਤ ਨੂੰ ਜ਼ਿੰਮੇਵਾਰ ਠਹਿਰਾ ਰਹੇ ਹਨ, ਪਰ ਰਿਪੋਰਟ ’ਚ ਭਾਰਤ ਦਾ ਜ਼ਿਕਰ ਨਹੀਂ ਹੈ । ਮਾਹਿਰਾਂ ਅਨੁਸਾਰ ਡੈਮਾਂ ਦੀ ਸਾਂਭ-ਸੰਭਾਲ, ਨਹਿਰੀ ਪ੍ਰਬੰਧ ਤੇ ਅਧੂਰੇ ਪ੍ਰਾਜੈਕਟਾਂ ਨੂੰ ਸਮੇਂ ਸਿਰ ਪੂਰਾ ਕਰਨਾ ਪਾਕਿਸਤਾਨ ਲਈ ਜ਼ਰੂਰੀ ਹੈ ।