ਫ਼ਰੀਦਕੋਟ-ਕੋਟਕਪੂਰਾ ਰੋਡ ’ਤੇ ਡਰੇਨ ਦੇ ਆਰਜ਼ੀ ਪੁਲ ਦਾ ਇਕ ਹਿੱਸਾ ਧਸਿਆ, ਟਰੈਫ਼ਿਕ ਬੰਦ
ਫ਼ਰੀਦਕੋਟ, 24 ਸਤੰਬਰ (ਜਸਵੰਤ ਸਿੰਘ ਪੁਰਬਾ)-ਫ਼ਰੀਦਕੋਟ-ਕੋਟਕਪੂਰਾ ਰੋਡ ’ਤੇ ਬਣੇ ਸੇਮ ਨਾਲੇ ਦੇ ਪੁਲ ਦਾ ਨਵ ਨਿਰਮਾਣ ਕੀਤਾ ਜਾ ਰਿਹਾ ਹੈ। ਜੋ ਕਰੀਬ 60 ਸਾਲ ਪੁਰਾਣਾ ਸੀ ਤੇ ਕਾਫ਼ੀ ਤੰਗ ਪੁਲ ਸੀ ਜਿਸ ਨੂੰ ਚੌੜਾ ਕੀਤੇ ਜਾਣ ਲਈ ਨਵੇਂ ਪੁਲ ਦਾ ਨਿਰਮਾਣ ਕੀਤਾ ਜਾ ਰਿਹਾ।
ਫ਼ਰੀਦਕੋਟ, 24 ਸਤੰਬਰ (ਜਸਵੰਤ ਸਿੰਘ ਪੁਰਬਾ)-ਫ਼ਰੀਦਕੋਟ-ਕੋਟਕਪੂਰਾ ਰੋਡ ’ਤੇ ਬਣੇ ਸੇਮ ਨਾਲੇ ਦੇ ਪੁਲ ਦਾ ਨਵ ਨਿਰਮਾਣ ਕੀਤਾ ਜਾ ਰਿਹਾ ਹੈ। ਜੋ ਕਰੀਬ 60 ਸਾਲ ਪੁਰਾਣਾ ਸੀ ਤੇ ਕਾਫ਼ੀ ਤੰਗ ਪੁਲ ਸੀ ਜਿਸ ਨੂੰ ਚੌੜਾ ਕੀਤੇ ਜਾਣ ਲਈ ਨਵੇਂ ਪੁਲ ਦਾ ਨਿਰਮਾਣ ਕੀਤਾ ਜਾ ਰਿਹਾ। ਟਰੈਫਿਕ ਨੂੰ ਚਲਾਉਣ ਲਈ ਨਜ਼ਦੀਕ ਹੀ ਇਕ ਆਰਜੀ ਪੁਲ ਦਾ ਨਿਰਮਾਣ ਕੀਤਾ ਗਿਆ ਸੀ ਜਿਸ ਦੇ ਠੀਕ ਦਰਮਿਆਨ ਇਕ ਬਹੁਤ ਵੱਡਾ ਖੱਡਾ ਬਣ ਗਿਆ। ਪੁਲ ਧਸਣ ਕਾਰਨ ਪੂਰਾ ਟਰੈਫ਼ਿਕ ਬੰਦ ਕਰਨਾ ਪਿਆ ਤੇ ਟਰੈਫਿਕ ਨੂੰ ਬਦਲਵੇਂ ਰਸਤੇ ਦੇ ਕੇ ਚਲਾਇਆ ਗਿਆ। ਇਸ ਸਬੰਧੀ ਜਗਵੀਰ ਸਿੰਘ ਜ਼ਿਲ੍ਹਾ ਟਰੈਫਿਕ ਇੰਚਾਰਜ ਨੇ ਦੱਸਿਆ ਕਿ ਗਨੀਮਤ ਇਹ ਰਹੀ ਕਿ ਸਮੇਂ ਸਿਰ ਆਰਜੀ ਪੁਲ ਦੇ ਧਸਣ ਦਾ ਪਤਾ ਚੱਲਣ ਕਾਰਨ ਕੋਈ ਹਾਦਸਾ ਵਾਪਰਨ ਤੋਂ ਬਚਾਅ ਰਿਹਾ। ਫ਼ਿਲਹਾਲ ਠੇਕੇਦਾਰ ਵਲੋਂ ਇਸ ਨੁਕਸਾਨੇ ਆਰਜੀ ਪੁਲ ਦੀ ਮੁਰੰਮਤ ਕੀਤੀ ਜਾ ਰਹੀ ਹੈ ਤਾਂ ਟਰੈਫਿਕ ਦੋਬਾਰਾ ਨਿਰਵਿਘਨ ਚੱਲ ਸਕੇ।
