ਨਗਰ ਕੌਂਸਲ ਜੈਤੋ ਵਲੋਂ 11 ਰੋਜ਼ਾ ਸਫ਼ਾਈ ਮੁਹਿੰਮ ਦੀ ਸ਼ੁਰੂਆਤ
ਜੈਤੋ, 29 ਅਗਸਤ (ਗੁਰਚਰਨ ਸਿੰਘ ਗਾਬੜੀਆ)-ਪੰਜਾਬ ਸਰਕਾਰ ਵਲੋਂ ਮਿਲੀਆਂ ਹਦਾਇਤਾਂ ਅਨੁਸਾਰ ਅਮੋਲਕ ਸਿੰਘ ਵਿਧਾਇਕ ਦੀ ਅਗਵਾਈ ਹੇਠ ਕਾਰਜ ਸਾਧਕ ਮਨਿੰਦਰ ਪਾਲ ਸਿੰਘ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਨਗਰ ਕੌਂਸਲ ਵਲੋਂ ਸਫ਼ਾਈ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਗਈ। ਇਹ ਮੁਹਿੰਮ ਨੋਡਲ ਅਫ਼ਸਰ ਦੀ ਮੌਜੂਦਗੀ ਵਿਚ ਸ਼ੁਰੂ ਕੀਤੀ ਗਈ।
ਜੈਤੋ, 29 ਅਗਸਤ (ਗੁਰਚਰਨ ਸਿੰਘ ਗਾਬੜੀਆ)-ਪੰਜਾਬ ਸਰਕਾਰ ਵਲੋਂ ਮਿਲੀਆਂ ਹਦਾਇਤਾਂ ਅਨੁਸਾਰ ਅਮੋਲਕ ਸਿੰਘ ਵਿਧਾਇਕ ਦੀ ਅਗਵਾਈ ਹੇਠ ਕਾਰਜ ਸਾਧਕ ਮਨਿੰਦਰ ਪਾਲ ਸਿੰਘ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਨਗਰ ਕੌਂਸਲ ਵਲੋਂ ਸਫ਼ਾਈ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਗਈ। ਇਹ ਮੁਹਿੰਮ ਨੋਡਲ ਅਫ਼ਸਰ ਦੀ ਮੌਜੂਦਗੀ ਵਿਚ ਸ਼ੁਰੂ ਕੀਤੀ ਗਈ। ਉਨ੍ਹਾਂ ਦੱਸਿਆ ਕਿ ਇਹ 11 ਰੋਜ਼ਾ ਸਫ਼ਾਈ ਮੁਹਿੰਮ 29 ਅਗਸਤ 2026 ਤੋਂ 8 ਸਤੰਬਰ 2026 ਤੱਕ ਚਲੇਗੀ। ਇਸ ਮੁਹਿੰਮ ਦੌਰਾਨ ਸ਼ਹਿਰ ਦੇ ਸਾਰੇ ਸਕੰਡਰੀ ਪੁਆਇੰਟ ਸਾਫ਼ ਕਰਵਾਏ ਜਾਣਗੇ। ਸ਼ਨਿਵਾਰ ਨੂੰ ਬਠਿੰਡਾ ਰੋਡ ’ਤੇ ਬਿਜਲੀ ਦਫ਼ਤਰ ਦੇ ਸਾਹਮਣੇ, ਸਰਸਵਤੀ ਸਕੂਲ, ਰਾਮ ਲੀਲਾ ਗਰਾਉਂਡ, ਦੁਰਗਾ ਮੰਦਰ ਦੇ ਕੋਲ, ਮਾਲ ਗੋਦਾਮ ਰੋਡ ਸਮੇਤ 12 ਸਕੰਡਰੀ ਪੁਆਇੰਟ ਸਾਫ਼ ਕਰਵਾਏ ਗਏ ਅਤੇ ਬਾਅਦ ਵਿਚ ਨਗਰ ਕੌਂਸਲ ਵਲੋਂ ਬਣਵਾਏ ਬੋਰਡ ਵੀ ਲਗਾਏ ਗਏ। ਜਿਸ ਵਿਚ ਪਬਲਿਕ ਨੂੰ ਸੜਕ ’ਤੇ ਕੂੜਾ ਨਾ ਸੁੱਟਣ ਲਈ ਮੋਟੀਵੇਟ ਕਰਕੇ ਕੂੜਾ ਕੇਵਲ ਨਗਰ ਕੌਂਸਲ ਵਲੋਂ ਲਗਾਏ ਗਏ ਰਿਕਸ਼ਿਆਂ ਵਿਚ ਹੀ ਪਾਉਣ ਲਈ ਕਿਹਾ ਗਿਆ ਹੈ। ਨੋਡਲ ਅਫ਼ਸਰ ਦੇ ਅਨੁਸਾਰ ਵਿਧਾਇਕ ਅਮੋਲਕ ਸਿੰਘ ਦੀਆਂ ਸਖ਼ਤ ਹਦਾਇਤਾਂ ਮੁਤਾਬਿਕ ਹੁਣ ਜਿਹੜਾ ਵੀ ਵਿਅਕਤੀ ਸੜਕ ’ਤੇ ਕੂੜਾ ਸੁੱਟਦਾ ਪਾਇਆ ਗਿਆ। ਉਸ ਨੂੰ ਜੁਰਮਾਨਾ ਕੀਤਾ ਜਾਵੇਗਾ। ਇਸ ਮੌਕੇ ਕਮੂਨਿਊਟੀ ਫਸੈਲੀਟੇਟਰ ਤਜਿੰਦਰ ਕੌਰ, ਮੋਟੀਵੇਟਰ, ਸਫਾਈ ਮੇਟ, ਸਫਾਈ ਕਰਮਚਾਰੀ ਆਦਿ ਮੌਜੂਦ ਸਨ।
