ਰੋਟਰੀ ਕਲੱਬ ਪਟਿਆਲਾ ਗਰੇਟਰ ਦਾ ਪਿੰਡ ਮਹਿਸਮਪੁਰ ਵਿਖੇ ਸਨਮਾਨ ਸਮਾਰੋਹ ਕਰਵਾਇਆ
ਪਟਿਆਲਾ, 22 ਸਤੰਬਰ (ਭਗਵਾਨ ਦਾਸ)- ਰੋਟਰੀ ਕਲੱਬ ਪਟਿਆਲਾ ਗਰੇਟਰ ਵਲੋਂ ਚੇਅਰਮੈਨ ਐਚ. ਐਨ.
ਪਟਿਆਲਾ, 22 ਸਤੰਬਰ (ਭਗਵਾਨ ਦਾਸ)- ਰੋਟਰੀ ਕਲੱਬ ਪਟਿਆਲਾ ਗਰੇਟਰ ਵਲੋਂ ਚੇਅਰਮੈਨ ਐਚ. ਐਨ. ਮਹਿਸਮਪੁਰੀ ਦੇ ਪੈਤਰਿਕ ਪਿੰਡ ਮਹਿਸਮਪੁਰ ਦੇ ਗੌਰਮਿੰਟ ਮਿਡਲ ਸਕੂਲ ਵਿਖੇ ਕੀਤੀ ਇਕ ਮੀਟਿੰਗ ਵਿਚ ਅਧਿਆਪਕਾਂ ਨੂੰ ਮੋਮੇਂਟੋ ਤੇ ਸਰਟੀਫਿਕੇਟ ਦਿੱਤੇ ਗਏ| ਇਸ ਪ੍ਰੋਗਰਾਮ ਵਿਚ ਕਲੱਬ ਦੇ ਸਾਬਕਾ ਪ੍ਰਧਾਨ ਰੋਹਿਤ ਮਹਿਸਮਪੁਰੀ ਤੇ ਸੁਖਰਾਮ ਗਰਗ ਐਡਵੋਕੇਟ ਧੂਰੀ ਤੋਂ ਇਲਾਵਾ ਰਾਜ ਕੁਮਾਰ ਤੇ ਰੇਖਾ ਦੱਤਾ ਪ੍ਰਾਇਮਰੀ ਸਕੂਲ ਬੂਰਜਗੋਰਾ, ਤੇਜਵਿੰਦਰ ਸਿੰਘ ਸੈਂਟਰ ਇੰਚਾਰਜ ਪ੍ਰਾਇਮਰੀ ਸਕੂਲ ਭੋਜ਼ੋਵਾਲ (ਸੰਗਰੂਰ) ਵੀ ਸ਼ਾਮਿਲ ਹੋਏ| ਇਸ ਮੌਕੇ ਵਿਕਾਸ ਮਹਿਸਮਪੁਰੀ ਐਡਵੋਕੇਟ ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਨੇ ਇਸ ਸਨਮਾਨ ਸਮਾਰੋਹ ਦੀ ਪ੍ਰਸੰਸ਼ਾ ਕੀਤੀ| ਮਹਿਸਮਪੁਰ ਸਕੂਲ ਦੇ ਮੁੱਖ ਅਧਿਆਪਕ ਨੇ ਐਚ. ਐਨ. ਮਹਿਸਮਪੁਰੀ ਨੂੰ ਸਿਰੋਪਾਓ ਅਤੇ ਬੁੱਕੇ ਦੇ ਕੇ ਸਨਮਾਨਿਤ ਕੀਤਾ| ਐਡਵੋਕੇਟ ਮਹਿਸਮਪੁਰੀ ਨੇ ਆਪਣੀ ਮੁੱਢਲੀ ਵਿੱਦਿਆ ਇਸੇ ਸਕੂਲ ਵਿਚ ਪ੍ਰਾਪਤ ਕੀਤੀ ਸੀ|
