ਦਸਮੇਸ਼ ਮਾਡਰਨ ਸਕੂਲ ਭਾਣਾ ਦੇ ਖਿਡਾਰੀ ਨੇ ਤਗਮੇ ਜਿੱਤੇ

ਫ਼ਰੀਦਕੋਟ, 5 ਸਤੰਬਰ (ਜਸਵੰਤ ਸਿੰਘ ਪੁਰਬਾ)-ਦਸਮੇਸ਼ ਮਾਡਰਨ ਸੀਨੀਅਰ ਸੈਕੰਡਰੀ ਸਕੂਲ ਭਾਣਾ (ਫ਼ਰੀਦਕੋਟ) ਦੇ ਵਿਦਿਆਰਥੀਆਂ ਨੇ ਵੇਟਲਿਫ਼ਟਿੰਗ ਅਤੇ ਪਾਵਰਲਿਫ਼ਟਿੰਗ ਮੁਕਾਬਲਿਆਂ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਕੁੱਲ 8 ਸੋਨੇ ਅਤੇ 5 ਚਾਂਦੀ ਦੇ ਤਮਗੇ ਜਿੱਤ ਕੇ ਸਕੂਲ ਦਾ ਨਾਮ ਰੌਸ਼ਨ ਕੀਤਾ। ਅੰਡਰ-19 ਵੇਟਲਿਫਟਿੰਗ ਵਿਚ ਮਨਰਾਜ ਸਿੰਘ ਨੇ ਸੋਨੇ ਦਾ ਤਮਗਾ ਅਤੇ ਪਾਵਰਲਿਫਟਿੰਗ ਵਿਚ ਮਨਰਾਜ ਸਿੰਘ ਤੇ ਜਸਮਨ ਸਿੰਘ ਨੇ ਸੋਨੇ ਦੇ ਤਮਗੇ, ਅੰਡਰ-17 ਵੇਟਲਿਫਟਿੰਗ ਵਿਚ ਹਰਸ਼ਿਤ ਕੁਮਾਰ, ਜਗਦੀਪ ਸਿੰਘ, ਜਸਕਰਨ ਸਿੰਘ, ਰਣਜੀਤ ਸਿੰਘ ਨੇ ਸੋਨੇ ਦਾ ਤੇ ਅਬਨੂਰ ਗਾਂਧੀ ਨੇ ਚਾਂਦੀ ਦੇ ਤਮਗੇ, ਪਾਵਰ ਲਿਫ਼ਟਿੰਗ ਵਿਚ ਹਰਸ਼ਿਤ ਨੇ ਸੋਨੇ ਦਾ ਅਤੇ ਜਸਕਰਨ ਸਿੰਘ, ਜਗਦੀਪ ਸਿੰਘ, ਰਣਜੀਤ ਸਿੰਘ ਤੇ ਅਬਨੂਰ ਗਾਂਧੀ ਨੇ ਚਾਂਦੀ ਦੇ ਤਗਮੇ ਹਾਸਿਲ ਕੀਤੇ।

Ad Position 21