ਬੇਕਾਬੂ ਹੋਏ ਟਿੱਪਰ ਨੇ ਕੀਤਾ ਪੀ . ਐੱਸ . ਪੀ . ਸੀ . ਐੱਲ . ਦਾ ਵੱਡਾ ਨੁਕਸਾਨ , 10 ਬਿਜਲੀ ਦੇ ਖੰਭੇ ਤੇ ਤਾਰਾਂ ਤੋੜੀਆਂ ਪੁਲਿਸ ਵਲੋਂ ਕਾਰਵਾਈ ਸ਼ੁਰੂ
ਮੋਰਿੰਡਾ, 4 ਸਤੰਬਰ (ਤਰਲੋਚਨ ਸਿੰਘ ਕੰਗ)-ਅੱਜ ਲਗਭਗ ਤੜਕੇ ਸਾਢੇ 4 ਵਜੇ ਇੱਕ ਰੇਤੇ ਬਜਰੀ ਆਦਿ ਨਾਲ ਭਰਿਆ ਟਿੱਪਰ ਬੇਕਾਬੂ ਹੋ ਕੇ ਸੜਕ ਕਿਨਾਰੇ ਖੜ੍ਹੇ ਬਿਜਲੀ ਦੇ ਖੰਭਿਆਂ ਵਿਚ ਜਾ ਵੱਜਾ ਅਤੇ 10 ਖੰਭੇ ਤੇ ਇੱਕ ਟਰਾਂਸਫਾਰਮਰ ਦਾ ਸਟਰਕਚਰ ਤੋੜ ਦਿੱਤਾ। ਜਿਸ ਨਾਲ ਸਾਰਾ ਦਿਨ ਬਿਜਲੀ ਪ੍ਰਭਾਵਿਤ ਰਹੀ।
ਮੋਰਿੰਡਾ, 4 ਸਤੰਬਰ (ਤਰਲੋਚਨ ਸਿੰਘ ਕੰਗ)-ਅੱਜ ਲਗਭਗ ਤੜਕੇ ਸਾਢੇ 4 ਵਜੇ ਇੱਕ ਰੇਤੇ ਬਜਰੀ ਆਦਿ ਨਾਲ ਭਰਿਆ ਟਿੱਪਰ ਬੇਕਾਬੂ ਹੋ ਕੇ ਸੜਕ ਕਿਨਾਰੇ ਖੜ੍ਹੇ ਬਿਜਲੀ ਦੇ ਖੰਭਿਆਂ ਵਿਚ ਜਾ ਵੱਜਾ ਅਤੇ 10 ਖੰਭੇ ਤੇ ਇੱਕ ਟਰਾਂਸਫਾਰਮਰ ਦਾ ਸਟਰਕਚਰ ਤੋੜ ਦਿੱਤਾ। ਜਿਸ ਨਾਲ ਸਾਰਾ ਦਿਨ ਬਿਜਲੀ ਪ੍ਰਭਾਵਿਤ ਰਹੀ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਜੇ.ਈ. ਪਾਰੁਲ ਨੇ ਦੱਸਿਆ ਕਿ ਅੱਜ ਸਵੇਰੇ ਮੈਨੂੰ ਲਗਭਗ ਪੌਣੇ 5 ਵਜੇ ਦੇ ਕਰੀਬ ਸਾਡੇ ਕੰਪਲੇਂਟ ਵਾਲੇ ਕਰਮਚਾਰੀਆਂ ਦਾ ਫੋਨ ਆਇਆ ਕਿ ਇੱਕ ਟਿੱਪਰ ਵਾਲੇ ਨੇ ਬਿਜਲੀ ਦੇ ਲਗਭਗ 10 ਪੋਲ ਤੋੜ ਦਿੱਤੇ। ਉਹਨਾਂ ਦੱਸਿਆ ਕਿ ਟਿੱਪਰ ਵਾਲਾ ਨਸ਼ੇ ਦੀ ਹਾਲਤ ਵਿਚ ਲੱਗਦਾ ਸੀ ਅਤੇ ਟਰੱਕ ਨੂੰ ਕਦੇ ਸੜਕ ਵਿਚਾਲੇ ਤੇ ਕਦੇ ਸੜਕ ਕਿਨਾਰੇ ਕਰਦਾ ਰਿਹਾ, ਜਿਸ ਨਾਲ ਵਾਰੀ ਵਾਰੀ ਖੰਭੇ ਟੁੱਟਦੇ ਰਹੇ। ਉਪਰੰਤ ਉਹ ਮੌਕੇ ਤੋਂ ਆਪਣਾ ਟਿੱਪਰ ਭਜਾ ਕੇ ਲੈ ਗਿਆ। ਉਹਨਾਂ ਦੱਸਿਆ ਕਿ ਪੀ.ਐਸ.ਪੀ.ਸੀ.ਐਲ. ਦਾ ਲਗਭਗ 6 ਲੱਖ ਦੇ ਕਰੀਬ ਨੁਕਸਾਨ ਹੋ ਚੁੱਕਾ ਹੈ, ਬਾਕੀ ਜੋ ਬਿਜਲੀ ਦਾ ਰੈਵੇਨਿਊ ਆਉਣਾ ਸੀ, ਉਹ ਵੀ ਬੰਦ ਹੋਣ ਕਾਰਨ ਪੀ.ਐਸ.ਪੀ.ਸੀ.ਐਲ. ਨੂੰ ਘਾਟਾ ਪਿਆ। ਉਹਨਾਂ ਦੱਸਿਆ ਕਿ 10 ਪੋਲ ਅਤੇ ਤਾਰਾਂ ਤੋਂ ਇਲਾਵਾ ਟਰਾਂਸਫਾਰਮਰ ਦਾ ਸਟਰਕਚਰ ਖੜਾ ਕਰਨ ਲਈ ਘੱਟੋ ਘੱਟ ਦੋ ਦਿਨ ਲੱਗਣੇ ਸਨ ਪ੍ਰੰਤੂ ਲੱਗਦਾ ਹੈ ਕਿ ਉਹਨਾਂ ਦਾ ਸਟਾਫ਼ ਅੱਜ ਹੀ ਰਾਤ ਤੱਕ ਬਿਜਲੀ ਬਹਾਲ ਕਰ ਦੇਵੇਗਾ। ਸ੍ਰੀ ਪਾਰੁਲ ਨੇ ਦੱਸਿਆ ਕਿ ਮਹਿਕਮੇ ਵਲੋਂ ਮੋਰਿੰਡਾ ਪੁਲਿਸ ਨੂੰ ਰਿਪੋਰਟ ਕਰ ਦਿੱਤੀ ਹੈ। ਪੁਲਿਸ ਵਲੋਂ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
