ਗਊਸ਼ਾਲਾ ਭਵਨ ਵਿਖੇ ਸ੍ਰੀ ਮਦ ਭਾਗਵਤ ਕਥਾ ਜਾਰੀ
ਮਾਨਸਾ, 27 ਸਤੰਬਰ (ਸੱਭਿ. ਪ੍ਰਤੀ)- ਗਊਸ਼ਾਲਾ ਐਂਡ ਮੰਦਰ ਸੁਧਾਰ ਕਮੇਟੀ ਮਾਨਸਾ ਵਲੋਂ ਸਥਾਨਕ ਗਊਸ਼ਾਲਾ ਭਵਨ ਵਿਖੇ ਕਰਵਾਈ ਸ਼੍ਰੀ ਮਦ ਭਾਗਵਤ ਕਥਾ ਦੇ ਦੂਜੇ ਦਿਨ ਪ੍ਰਮੁੱਖ ਕਥਾਵਾਚਕ ਮਹਾਂਮੰਡਲੇਸ਼ਵਰ ਸ਼ਿਵ ਯੋਗੀ ਸੁਆਮੀ ਯਮੁਨਾਪੂਰੀ ਹਰਿਦੁਆਰ ਵਾਲਿਆਂ ਨੇ ਸ਼ਰਧਾਲੂਆਂ ਨੂੰ ਕਥਾ ਸੁਣਾਈ।
ਮਾਨਸਾ, 27 ਸਤੰਬਰ (ਸੱਭਿ.ਪ੍ਰਤੀ)- ਗਊਸ਼ਾਲਾ ਐਂਡ ਮੰਦਰ ਸੁਧਾਰ ਕਮੇਟੀ ਮਾਨਸਾ ਵਲੋਂ ਸਥਾਨਕ ਗਊਸ਼ਾਲਾ ਭਵਨ ਵਿਖੇ ਕਰਵਾਈ ਸ਼੍ਰੀ ਮਦ ਭਾਗਵਤ ਕਥਾ ਦੇ ਦੂਜੇ ਦਿਨ ਪ੍ਰਮੁੱਖ ਕਥਾਵਾਚਕ ਮਹਾਂਮੰਡਲੇਸ਼ਵਰ ਸ਼ਿਵ ਯੋਗੀ ਸੁਆਮੀ ਯਮੁਨਾਪੂਰੀ ਹਰਿਦੁਆਰ ਵਾਲਿਆਂ ਨੇ ਸ਼ਰਧਾਲੂਆਂ ਨੂੰ ਕਥਾ ਸੁਣਾਈ। ਜੋਤੀ ਪ੍ਰਚੰਡ ਦੀ ਰਸਮ ਮੋਹਨ ਲਾਲ ਮੌੜਾਂ ਵਾਲਿਆਂ ਤੇ ਵਨੀਤ ਗਰਗ ਮੌੜਾਂ ਵਾਲਿਆਂ ਨੇ ਨਿਭਾਈ ਜਦਕਿ ਆਰਤੀ ਦੀ ਰਸਮ ਤਰਸੇਮ ਚੰਦ ਤੇ ਪਵਨ ਕੁਮਾਰ ਬਰੇਟਾ ਗੈਸ ਏਜੰਸੀ ਵਲੋਂ ਕੀਤੀ ਗਈ। ਪ੍ਰਧਾਨ ਮੁਕੇਸ਼ ਕੁਮਾਰ ਮੋਨੂ ਦਾਨੇਵਾਲੀਆ ਅਤੇ ਜਨਰਲ ਸਕੱਤਰ ਮੁਨਿਸ਼ ਕੁਮਾਰ ਬੱਬੂ ਰੜ੍ਹ ਨੇ ਦੱਸਿਆ ਕਿ ਕਮੇਟੀ ਵਲੋਂ ਸ਼ਹਿਰ ਦੀਆਂ ਸਾਰੀਆਂ ਜਾਗਰਣ ਮੰਡਲੀਆਂ ਦੇ ਸਹਿਯੋਗ ਨਾਲ ਰੋਜਾਨਾ ਪ੍ਰਭਾਤ ਫੇਰੀਆਂ ਕੱਢੀਆਂ ਜਾ ਰਹੀਆਂ ਹਨ ਅਤੇ ਸੰਕੀਰਤਨ ਕੀਤਾ ਜਾਂਦਾ ਹੈ। ਇਸ ਮੌਕੇ ਨਗਰ ਕੌਂਸਲ ਦੇ ਪ੍ਰਧਾਨ ਭੂਸ਼ਣ ਕੁਮਾਰ ਮੱਤੀ, ਭੋਲਾ ਰਾਮ, ਮੁਨੀਸ਼ ਕੁਮਾਰ ਪਿੰਟੂ, ਚੰਦਨ, ਅਸ਼ੋਕ ਚਾਂਦਪੁਰੀਆ, ਐਡਵੋਕੇਟ ਪ੍ਰਮੋਦ ਕੁਮਾਰ ਆਦਿ ਹਾਜ਼ਰ ਸਨ।
