ਮੌਸਮ ਵਿਭਾਗ ਚੰਡੀਗੜ੍ਹ ਵਲੋਂ ਅਲ ਨੀਨੋ ਦੇ ਪ੍ਰਭਾਵਾਂ ਬਾਰੇ ਵਿਸ਼ੇਸ਼ ਸੈਮੀਨਾਰ ਅੱਜ
ਚੰਡੀਗੜ੍ਹ, 20 ਅਕਤੂਬਰ (ਸੁਖਵਿੰਦਰ ਸਿੰਘ ਸ਼ਾਨ): ਮੌਸਮ ਵਿਭਾਗ ਕੇਂਦਰ ਚੰਡੀਗੜ੍ਹ ਚੈਪਟਰ ਵਲੋਂ ਵਿਸ਼ਵ ਪੱਧਰ ’ਤੇ ਚਰਚਿਤ ‘ਅਲ ਨੀਨੋ’ ਬਾਰੇ ਇਕ ਵਿਸ਼ੇਸ਼ ਸੈਮੀਨਾਰ 21 ਅਕਤੂਬਰ ਸਵੇਰੇ 11. 30 ਵਜੇ ਸੈਕਟਰ 37 ਏ (ਚੰਡੀਗੜ੍ਹ) ਸਥਿਤ ਹਿਮ ਪਰੀਸਰ ਦੇ ਡੀ.
ਚੰਡੀਗੜ੍ਹ, 20 ਅਕਤੂਬਰ (ਸੁਖਵਿੰਦਰ ਸਿੰਘ ਸ਼ਾਨ): ਮੌਸਮ ਵਿਭਾਗ ਕੇਂਦਰ ਚੰਡੀਗੜ੍ਹ ਚੈਪਟਰ ਵਲੋਂ ਵਿਸ਼ਵ ਪੱਧਰ ’ਤੇ ਚਰਚਿਤ ‘ਅਲ ਨੀਨੋ’ ਬਾਰੇ ਇਕ ਵਿਸ਼ੇਸ਼ ਸੈਮੀਨਾਰ 21 ਅਕਤੂਬਰ ਸਵੇਰੇ 11.30 ਵਜੇ ਸੈਕਟਰ 37 ਏ (ਚੰਡੀਗੜ੍ਹ) ਸਥਿਤ ਹਿਮ ਪਰੀਸਰ ਦੇ ਡੀ.ਜੀ.ਆਰ.ਈ ਹਾਲ ਵਿਚ ਕਰਵਾਇਆ ਜਾ ਰਿਹਾ ਹੈ। ਇਸ ਸੈਮੀਨਾਰ ਵਿਚ ਅਲ ਨੀਨੋ ਅਤੇ ਇਸਦੇ ਭਾਰਤ ਦੇ ਮੌਸਮ ਅਤੇ ਜਲਵਾਯੂ ’ਤੇ ਪ੍ਰਭਾਵ ਬਾਰੇ ਭਾਸ਼ਣ ਕਰਵਾਏ ਜਾਣਗੇ। ਇਸ ਸੰਬੰਧੀ ਮੌਸਮ ਵਿਭਾਗ ਚੰਡੀਗੜ੍ਹ ਦੇ ਨਿਰਦੇਸ਼ਕ ਸੁਰਿੰਦਰ ਪੌਲ ਨੇ ਦੱਸਿਆ ਕਿ ਅਲ ਨੀਨੋ ਮੱਧ ਅਤੇ ਪੂਰਬੀ ਭੂਮੱਧ ਪ੍ਰਸ਼ਾਂਤ ਮਹਾਸਾਗਰ ਦਾ ਇੱਕ ਅਸਧਾਰਨ ਤਪਸ਼ (ਸੇਕ) ਹੈ, ਜੋ ਵਿਸ਼ਵ ਜਲਵਾਯੂ ਨੂੰ ਪ੍ਰਭਾਵਿਤ ਕਰਦਾ ਹੈ। ਇਸ ਸੈਮੀਨਾਰ ’ਚ 2026 ਦੌਰਾਨ ਅਲ ਨੀਨੋ ਦੀਆਂ ਵਾਪਰੀਆਂ ਘਟਨਾਵਾਂ ਨੂੰ ਮੁੱਖ ਰੱਖਦਿਆਂ ਇਸਦੇ ਵਿਕਾਸ ਅਤੇ ਭਾਰਤੀ ਮਾਨਸੂਨ, ਖੇਤੀਬਾੜੀ ਅਤੇ ਜਲ ਸਰੋਤਾਂ ’ਤੇ ਪੈਣ ਵਾਲੇ ਪ੍ਰਭਾਵਾਂ ਦੀ ਪੜਚੋਲ ਕੀਤੀ ਜਾਵੇਗੀ। ਇਸ ਵਿਸ਼ੇਸ਼ ਸੈਮੀਨਾਰ ਵਿਚ ਪੰਜਾਬ ਦੀ ਵਿਗਿਆਨਕ ਸੰਸਥਾ ਆਈਸਰ ਮੋਹਾਲੀ ਦੇ ਐਸੋਸੀਏਟ ਪ੍ਰੋਫੈਸਰ ਡਾ. ਰਾਜੂ ਅਟੱਡਾ ਮੁੱਖ ਬੁਲਾਰੇ ਵਜੋਂ ਆਪਣਾ ਭਾਸ਼ਨ ਸਾਂਝਾ ਕਰਨਗੇ। ਜਦੋਂ ਕਿ ਆਈ.ਐਮ.ਐਸ ਚੰਡੀਗੜ੍ਹ ਚੈਪਟਰ ਦੇ ਚੇਅਰਮੈਨ ਡਾਕਟਰ ਪੀ. ਕੇ ਸਤਿਵਾਲ, ਸਕੱਤਰ ਡਾ. ਸੁਰਿੰਦਰ ਪੌਲ ਅਤੇ ਪੀ.ਜੀ.ਆਈ ਚੰਡੀਗੜ੍ਹ ਦੇ ਵਧੀਕ ਪ੍ਰੋਫੈਸਰ ਡਾ. ਪ੍ਰਮੋਦ ਅਵਟੀ ਅਲ ਨੀਨੋ ਬਾਰੇ ਆਪੋ ਆਪਣੇ ਤਜ਼ਰਬੇ ਸਾਂਝੇ ਕਰਨਗੇ।
