ਚੰਡੀਗੜ੍ਹ ਦੇ ਸਰਕਾਰੀ ਲੜਕੀਆਂ ਦੇ ਕਾਲਜ ਸੈਕਟਰ -11 ’ ਚ ਖ਼ੂਨਦਾਨ ਕੈਂਪ ਲਗਾਇਆ
ਚੰਡੀਗੜ੍ਹ, 9 ਅਕਤੂਬਰ (ਮਾਰਕੰਡਾ)- ਪੋਸਟ ਗ੍ਰੈਜੂਏਟ ਸਰਕਾਰੀ ਸੈਕਟਰ ਦੇ ਕਾਲਜ ਸੈਕਟਰ-11 ਚੰਡੀਗੜ੍ਹ ਵਿਖੇ ਕਾਲਜ ਦੀ ਖ਼ੂਨਦਾਨ ਸੁਸਾਇਟੀ ਅਤੇ ਐਨ. ਐਸ.
ਚੰਡੀਗੜ੍ਹ, 9 ਅਕਤੂਬਰ (ਮਾਰਕੰਡਾ)- ਪੋਸਟ ਗ੍ਰੈਜੂਏਟ ਸਰਕਾਰੀ ਸੈਕਟਰ ਦੇ ਕਾਲਜ ਸੈਕਟਰ-11 ਚੰਡੀਗੜ੍ਹ ਵਿਖੇ ਕਾਲਜ ਦੀ ਖ਼ੂਨਦਾਨ ਸੁਸਾਇਟੀ ਅਤੇ ਐਨ.ਐਸ.ਐਸ ਯੂਨਿਟਾਂ ਵਲੋਂ ਪੋਸਟ ਗ੍ਰੈਜੂਏਟ ਇੰਸਟੀਚਿਊਟ ਆਫ਼ ਮੈਡੀਕਲ ਐਜੂਕੇਸ਼ਨ ਐਂਡ ਰਿਸਰਚ ਚੰਡੀਗੜ੍ਹ ਦੇ ਸਹਿਯੋਗ ਨਾਲ ਇਕ ਖ਼ੂਨਦਾਨ ਕੈਂਪ ਲਗਾਇਆ ਗਿਆ। ਇਸ ਕੈਂਪ ਦਾ ਉਦਘਾਟਨ ਮੁੱਖ ਮਹਿਮਾਨ ਡਾ. ਪਾਲਿਕਾ ਅਰੋੜਾ ਪੀ.ਸੀ.ਐਸ ਡਾਇਰੈਕਟਰ ਉੱਚ ਸਿੱਖਿਆ ਚੰਡੀਗੜ੍ਹ ਪ੍ਰਸ਼ਾਸਨ ਯੂ.ਟੀ ਚੰਡੀਗੜ੍ਹ ਦੁਆਰਾ ਕੀਤਾ ਗਿਆ। ਪੀ.ਜੀ.ਆਈ ਦੀ ਇਕ ਮਾਹਿਰ ਮੈਡੀਕਲ ਟੀਮ ਨੇ ਖ਼ੂਨ ਦੀਆਂ ਯੂਨਿਟਾਂ ਨੂੰ ਸੁਰੱਖਿਅਤ, ਸਾਫ਼-ਸੁਥਰੇ ਅਤੇ ਨਿਰਧਾਰਿਤ ਪ੍ਰੋਟੋਕੋਲ ਅਨੁਸਾਰ ਇਕੱਤਰ ਕਰਨ ਨੂੰ ਯਕੀਨੀ ਬਣਾਇਆ। ਇਸ ਕੈਂਪ ਨੂੰ ‘ਸ਼੍ਰੀ ਸ਼ਿਵ ਕਾਵੜ ਮਹਾਸੰਘ ਚੈਰੀਟੇਬਲ ਟਰੱਸਟ’ ਦਾ ਸਹਿਯੋਗ ਪ੍ਰਾਪਤ ਹੋਇਆ। ਪੀ.ਜੀ.ਆਈ ਨੂੰ ਖ਼ੂਨ ਦੀਆਂ 70 ਯੂਨਿਟਾਂ ਦਾਨ ਕੀਤੀਆਂ ਗਈਆਂ। ਡਾ. ਪਾਲਿਕਾ ਅਰੋੜਾ ਨੇ ਕਾਲਜ ਦੇ ਵੱਖ-ਵੱਖ ਵਿਭਾਗਾਂ, ਜਿਨ੍ਹਾਂ ਵਿਚ ਮਲਟੀਮੀਡੀਆ ਸੈਂਟਰ, ਸਕਿੱਲ ਡਿਵੈਲਪਮੈਂਟ ਲੈਬ ਅਤੇ ਡਾਟਾ ਰਿਸੋਰਸ ਸੈਂਟਰ ਸ਼ਾਮਲ ਹਨ, ਦਾ ਦੌਰਾ ਵੀ ਕੀਤਾ ਅਤੇ ਫੈਕਲਟੀ ਮੈਂਬਰਾਂ ਨਾਲ ਗੱਲਬਾਤ ਕੀਤੀ।
