ਰੇਲਵੇ ਫਾਟਕ ਨੰ. 110 ਐੱਸ. ਪੀ. ਐੱਲ. 7 ਸਤੰਬਰ ਤੱਕ ਰਹੇਗਾ ਬੰਦ

ਲਾਲੜੂ, 2 ਸਤੰਬਰ (ਰਾਜਬੀਰ ਸਿੰਘ)- ਲਾਲੜੂ-ਦੱਪਰ ਰੇਲਵੇ ਸਟੇਸਨਾਂ ਦਰਮਿਆਨ ਪੈਂਦੇ ਲੈਵਲ ਕਰਾਸਿੰਗ ਫਾਟਕ ਨੰ. 110 ਐੱਸ.

ਅ

ਅਜੀਤ ਡੈਸਕ 03-09-2026

ਲਾਲੜੂ, 2 ਸਤੰਬਰ (ਰਾਜਬੀਰ ਸਿੰਘ)- ਲਾਲੜੂ-ਦੱਪਰ ਰੇਲਵੇ ਸਟੇਸਨਾਂ ਦਰਮਿਆਨ ਪੈਂਦੇ ਲੈਵਲ ਕਰਾਸਿੰਗ ਫਾਟਕ ਨੰ. 110 ਐੱਸ. ਪੀ. ਐੱਲ. (ਲਾਲੜੂ ਪਿੰਡ ਵਾਲੇ) ਨੂੰ ਰੇਲਵੇ ਟਰੈਕ ਦੀ ਮੁਰੰਮਤ ਦੇ ਕੰਮ ਕਾਰਨ ਵਾਹਨਾਂ ਦੀ ਆਵਾਜਾਈ ਲਈ 2 ਸਤੰਬਰ ਸ਼ਾਮ 4 ਵਜੇ ਤੋਂ 7 ਸਤੰਬਰ ਰਾਤ 8 ਵਜੇ ਤੱਕ ਬੰਦ ਕੀਤਾ ਜਾ ਰਿਹਾ ਹੈ। ਰੇਲਵੇ ਵਿਭਾਗ ਵਲੋਂ ਜਾਰੀ ਸੂਚਨਾ ਅਨੁਸਾਰ ਲਾਲੜੂ-ਦੱਪਰ ਦਰਮਿਆਨ ਅੱਪ ਲਾਈਨ ’ਤੇ ਕਿਲੋਮੀਟਰ 217/5-7 ’ਤੇ ਸਥਿਤ ਇਸ ਫਾਟਕ ’ਤੇ ਬੀ. ਸੀ. ਐੱਮ. ਮਸੀਨ ਰਾਹੀਂ ਭਾਰੀ ਪੱਧਰ ’ਤੇ ਮਸੀਨੀ ਰੱਖ-ਰਖਾਅ ਦਾ ਕੰਮ ਕੀਤਾ ਜਾਣਾ ਹੈ। ਰੇਲ ਆਵਾਜਾਈ ਦੀ ਸੁਰੱਖਿਆ ਨੂੰ ਧਿਆਨ ਵਿਚ ਰੱਖਦਿਆਂ ਇਹ ਕੰਮ ਕਰਨਾ ਜ਼ਰੂਰੀ ਦੱਸਿਆ ਗਿਆ ਹੈ। ਰੇਲਵੇ ਵਿਭਾਗ ਅਨੁਸਾਰ ਫਾਟਕ ਨੰਬਰ 110 ਐੱਸ. ਪੀ. ਐੱਲ. ਨੂੰ 2 ਸਤੰਬਰ ਸ਼ਾਮ 4 ਵਜੇ ਤੋਂ 7 ਸਤੰਬਰ ਰਾਤ 8 ਵਜੇ ਤੱਕ ਸੜਕੀ ਆਵਾਜਾਈ ਲਈ ਬੰਦ ਰੱਖਿਆ ਜਾਵੇਗਾ। ਇਸ ਦੌਰਾਨ ਇਸ ਰਸਤੇ ਤੋਂ ਲੰਘਣ ਵਾਲੇ ਵਾਹਨ ਾਂ ਨੂੰ ਹੋਰ ਬਦਲਵੇਂ ਰਸਤਿਆਂ ਰਾਹੀਂ ਆਪਣੀ ਮੰਜ਼ਿਲ ਵੱਲ ਜਾਣਾ ਪਵੇਗਾ। ਵਿਭਾਗ ਵਲੋਂ ਸੰਬੰਧਿਤ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਗਈ ਹੈ ਕਿ ਫਾਟਕ ਬੰਦ ਰਹਿਣ ਦੇ ਸਮੇਂ ਦੌਰਾਨ ਆਵਾਜਾਈ ਨੂੰ ਬਦਲਵੇਂ ਰਸਤਿਆਂ ਰਾਹੀਂ ਸੁਚਾਰੂ ਢੰਗ ਨਾਲ ਮੋੜਨ ਅਤੇ ਅਮਨ-ਕਾਨੂੰਨ ਦੀ ਸਥਿਤੀ ਬਣਾਈ ਰੱਖਣ ਲਈ ਲੋੜੀਂਦੇ ਪ੍ਰਬੰਧ ਕੀਤੇ ਜਾਣ। ਲੋਕਾਂ ਨੂੰ ਵੀ ਇਸ ਦੌਰਾਨ ਬਦਲਵੇਂ ਰਸਤਿਆਂ ਦੀ ਵਰਤੋਂ ਕਰਨ ਦੀ ਅਪੀਲ ਕੀਤੀ ਗਈ ਹੈ।