ਲੁਧਿਆਣਾ, 13 ਅਪ੍ਰੈਲ (ਭੁਪਿੰਦਰ ਸਿੰਘ ਬੈਂਸ)-ਨਗਰ ਨਿਗਮ ਨੰੂ ਹੋ ਰਹੇ ਵਿੱਤੀ ਨੁਕਸਾਨ ਨੰੂ ਗੰਭੀਰਤਾ ਨਾਲ ਲੈਂਦੇ ਹੋਏ ਸੀਨੀਅਰ ਡਿਪਟੀ ਮੇਅਰ ਰਾਕੇਸ਼ ਪਰਾਸ਼ਰ ਨੇ ਸਲਾਟਲ ਹਾਊਸ ਦੇ ਠੇਕੇ ਨਾਲ ਜੁੜੀਆਂ ਗੜਬੜੀਆਂ ਦਾ ਮੁੱਦਾ ਚੁੱਕਿਆ ਹੈ | ਉਨ੍ਹਾਂ ਵਲੋਂ ਨਿਗਮ ਕਮਿਸ਼ਨਰ ਨੰੂ ਪੱਤਰ ਲਿਖ ਕੇ ਇਸ ਮਾਮਲੇ 'ਚ ਤੁਰੰਤ ਕਾਰਵਾਈ ਦੀ ਮੰਗ ਕੀਤੀ ਗਈ ਹੈ | ਪੱਤਰ ਵਿਚ ਉਨ੍ਹਾਂ ਦੱਸਿਆ ਕਿ ਨਿਗਮ ਵਲੋਂ ਸ਼ਹਿਰ ਵਿਚ ਮੁਰਗੇ, ਬਕਰੇ ਦੇ ਮੀਟ ਨੰੂ ਨਿਯਮਿਤ ਕਰਨ ਲਈ ਇਕ ਨਿੱਜੀ ਕੰਪਨੀ ਨੰੂ ਸਾਲਾਨਾ 32 ਲੱਖ ਰੁਪਏ ਦੇ ਠੇਕੇ 'ਤੇ ਸਲਾਟਰ ਹਾਊਸ ਸੌਂਪਿਆ ਗਿਆ ਸੀ, ਪਰ ਹੈਰਾਨੀ ਦੀ ਗੱਲ ਹੈ ਕਿ ਹੁਣ ਤੱਕ ਇਸ ਕੰਪਨੀ ਵਲੋਂ ਕੁੱਲ 48 ਲੱਖ ਰੁਪਏ ਦੀ ਰਕਮ ਨਿਗਮ ਨੰੂ ਅਦਾ ਨਹੀਂ ਕੀਤੀ ਗਈ, ਜਿਸ ਨਾਲ ਨਿਗਮ ਨੰੂ ਵੱਡਾ ਵਿੱਤੀ ਨੁਕਸਾਨ ਝੇਲਣਾ ਪੈ ਰਿਹਾ ਹੈ | ਇਸ ਤੋਂ ਇਲਾਵਾ ਨਿਗਮ ਵਲੋਂ ਉਸ ਦੀ ਮਾਲਕੀ ਵਾਲੇ ਚਾਰੋ ਜ਼ੋਨਾਂ ਵਿਚ ਫੋ੍ਰਜਨ ਮੀਟ ਵੇਚਣ ਲਈ ਇਕ-ਇਕ ਦੁਕਾਨ ਵੀ ਇਸ ਕੰਪਨੀ ਨੰੂ ਦਿੱਤੀ ਗਈ ਸੀ, ਪਰ ਕੰਪਨੀ ਵਲੋਂ ਅਜੇ ਤੱਕ ਇਹ ਦੁਕਾਨਾਂ ਖੋਲ੍ਹੀਆਂ ਹੀ ਨਹੀਂ ਗਈਆਂ | ਸੀਨੀਅਰ ਡਿਪਟੀ ਮੇਅਰ ਰਾਕੇਸ਼ ਪਰਾਸ਼ਰ ਨੇ ਮੰਗ ਕੀਤੀ ਹੈ ਕਿ ਕੰਪਨੀ ਤੋਂ ਇਹ ਦੁਕਾਨਾਂ ਤੁਰੰਤ ਵਾਪਸ ਲਈਆਂ ਜਾਣ ਅਤੇ ਕਿਸੇ ਹੋਰ ਯੋਗ ਪਾਰਟੀ ਨੰੂ ਕਿਰਾਏ 'ਤੇ ਦਿੱਤੀਆਂ ਜਾਣ, ਤਾਂ ਜੋ ਨਿਗਮ ਦੀ ਆਮਦਨ ਵੱਧ ਸਕੇ ਅਤੇ ਵਿੱਤੀ ਨੁਕਸਾਨ ਨੰੂ ਰੋਕਿਆ ਜਾ ਸਕੇ | ਉਨ੍ਹਾਂ ਜ਼ੋਰ ਦੇ ਕੇ ਕਿਹਾ ਕਿ ਨਿਗਮ ਦੀ ਜਾਇਦਾਦ ਦਾ ਸਹੀ ਪ੍ਰਬੰਧਨ ਬਹੁਤ ਜ਼ਰੂਰੀ ਹੈ ਅਤੇ ਕਿਸੇ ਵੀ ਤਰ੍ਹਾਂ ਦੀ ਲਾਪਰਵਾਹੀ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ | ਇਹ ਮਾਮਲਾ ਸ਼ਹਿਰ ਦੀ ਰਾਜਨੀਤੀ ਵਿਚ ਚਰਚਾ ਦਾ ਕੇਂਦਰ ਬਣ ਗਿਆ ਹੈ ਅਤੇ ਆਉਣ ਵਾਲੇ ਸਮੇਂ ਵਿਚ ਇਸ 'ਤੇ ਹੋਰ ਕੜੀ ਕਾਰਵਾਈ ਦੀ ਸੰਭਾਵਨਾ ਹੈ |
