ਜੋੜ ਮੇਲੇ ਦੌਰਾਨ ਸ਼ਾਨਦਾਰ ਲੰਗਰ ਸੇਵਾ ਨਿਭਾਉਣ ’ਤੇ ਲੰਗਰ ਜਥੇਦਾਰ ਗੁਰਪਿੰਦਰ ਸਿੰਘ ਕੋਟ ਸਨਮਾਨਿਤ
ਝਬਾਲ, 13 ਅਕੂਤਬਰ (ਸੁਖਦੇਵ ਸਿੰਘ)– ਪੂਰਨ ਬ੍ਰਹਮ ਗਿਆਨੀ ਬਾਬਾ ਬੁੱਢਾ ਸਾਹਿਬ ਜੀ ਦੀ ਯਾਦ ਵਿਚ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ ਸੰਗਤਾਂ ਦੇ ਸਹਿਯੋਗ ਨਾਲ ਇਤਿਹਾਸਕ ਗੁਰਦੁਆਰਾ ਬੀੜ ਬਾਬਾ ਬੁੱਢਾ ਸਾਹਿਬ ਮਨਾਏ ਗਏ ਤਿੰਨ ਰੋਜ਼ਾ ਸਲਾਨਾ ਜੋੜ ਮੇਲੇ ਦੌਰਾਨ ਨਿਭਾਈਆਂ ਗਈਆਂ ਸ਼ਲਾਘਾਯੋਗ ਸੇਵਾਵਾਂ ਬਦਲੇ ਮੈਨੇਜਰ ਧਰਵਿੰਦਰ ਸਿੰਘ ਮਾਨੋਚਾਹਲ ਅਤੇ ਹੈਂਡ ਗ੍ਰੰਥੀ ਗਿਆਨੀ ਨਿਸ਼ਾਨ ਸਿੰਘ ਵਲੋਂ ਲੰਗਰ ਜਥੇਦਾਰ ਗੁਰਪਿੰਦਰ ਸਿੰਘ ਕੋਟ ਨੂੰ ਵਿਸ਼ੇਸ਼ ਤੌਰ ’ਤੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਗਿਆਨੀ ਨਿਸ਼ਾਨ ਸਿੰਘ ਨੇ ਕਿਹਾ ਕਿ ਜੋੜ ਮੇਲੇ ਦੌਰਾਨ ਦੇਸ਼-ਵਿਦੇਸ਼ ਤੋਂ ਲੱਖਾਂ ਦੀ ਗਿਣਤੀ ਵਿੱਚ ਪੁੱਜੀ ਸੰਗਤ ਲਈ ਜਥੇਦਾਰ ਗੁਰਪਿੰਦਰ ਸਿੰਘ ਕੋਟ ਅਤੇ ਉਨ੍ਹਾਂ ਦੀ ਸਮੁੱਚੀ ਟੀਮ ਵਲੋਂ ਦਿਨ-ਰਾਤ ਗੁਰੂ ਕਾ ਅਤੁੱਟ ਲੰਗਰ ਦੀ ਨਿਰਵਿਘਨ ਅਤੇ ਬਿਹਤਰ ਸੇਵਾ ਨਿਭਾਈ ਗਈ।
ਲੰਗਰ ਜਥੇਦਾਰ ਗੁਰਪਿੰਦਰ ਸਿੰਘ ਕੋਟ ਨੂੰ ਸਨਮਾਨਿਤ ਕਰਦੇ ਹੋਏ ਹੈਂਡ ਗ੍ਰੰਥੀ ਗਿਆਨੀ ਨਿਸ਼ਾਨ ਸਿੰਘ ਗੰਡੀਵਿੰਡ। ਤਸਵੀਰ–ਸੁਖਦੇਵ ਸਿੰਘ
14-10-2026
