ਵਿਅਕਤੀ ਵਲੋਂ ਮੰਗਵੀਂ ਗੱਡੀ ਮਾਲਕ ਨੂੰ ਨਾ ਮੋੜਨ ’ਤੇ ਮਾਮਲਾ ਦਰਜ
ਤਰਨ ਤਾਰਨ, 9 ਅਗਸਤ (ਹਰਿੰਦਰ ਸਿੰਘ)—ਇਕ ਵਿਅਕਤੀ ਵਲੋਂ ਮੰਗ ਕੇ ਗੱਡੀ ਲਿਜਾਣ ’ਤੇ ਬਾਅਦ ਵਿਚ ਅਸਲ ਮਾਲਕ ਨੂੰ ਗੱਡੀ ਨਾ ਮੋੜਨ ’ਤੇ ਥਾਣਾ ਸਰਹਾਲੀ ਦੀ ਪੁਲਿਸ ਵਲੋਂ ਇਕ ਵਿਅਕਤੀ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਇਸ ਸੰਬੰਧੀ ਥਾਣਾ ਸਰਹਾਲੀ ਦੀ ਪੁਲਿਸ ਨੂੰ ਦਰਜ ਕਰਵਾਏ ਬਿਆਨਾਂ ਵਿਚ ਰਾਜਪਾਲ ਸਿੰਘ ਪੁੱਤਰ ਅਮਰਜੀਤ ਸਿੰਘ ਵਾਸੀ ਗਲੀ ਨੰਬਰ 7 ਮੁਰਗੀ ਮੁਹੱਲਾ ਬਟਾਲਾ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਮਿਤੀ 24 ਅਪ੍ਰੈਲ 2026 ਨੂੰ ਉਸ ਦੇ ਸਾਲੇ ਲਵਪ੍ਰੀਤ ਸਿੰਘ ਪੁੱਤਰ ਬਲਬੀਰ ਸਿੰਘ ਵਾਸੀ ਸਰਹਾਲੀ ਦਾ ਰੋਕਾ ਪ੍ਰੋਗਰਾਮ ਸੀ।
ਤਰਨ ਤਾਰਨ, 9 ਅਗਸਤ (ਹਰਿੰਦਰ ਸਿੰਘ)—ਇਕ ਵਿਅਕਤੀ ਵਲੋਂ ਮੰਗ ਕੇ ਗੱਡੀ ਲਿਜਾਣ ’ਤੇ ਬਾਅਦ ਵਿਚ ਅਸਲ ਮਾਲਕ ਨੂੰ ਗੱਡੀ ਨਾ ਮੋੜਨ ’ਤੇ ਥਾਣਾ ਸਰਹਾਲੀ ਦੀ ਪੁਲਿਸ ਵਲੋਂ ਇਕ ਵਿਅਕਤੀ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਇਸ ਸੰਬੰਧੀ ਥਾਣਾ ਸਰਹਾਲੀ ਦੀ ਪੁਲਿਸ ਨੂੰ ਦਰਜ ਕਰਵਾਏ ਬਿਆਨਾਂ ਵਿਚ ਰਾਜਪਾਲ ਸਿੰਘ ਪੁੱਤਰ ਅਮਰਜੀਤ ਸਿੰਘ ਵਾਸੀ ਗਲੀ ਨੰਬਰ 7 ਮੁਰਗੀ ਮੁਹੱਲਾ ਬਟਾਲਾ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਮਿਤੀ 24 ਅਪ੍ਰੈਲ 2026 ਨੂੰ ਉਸ ਦੇ ਸਾਲੇ ਲਵਪ੍ਰੀਤ ਸਿੰਘ ਪੁੱਤਰ ਬਲਬੀਰ ਸਿੰਘ ਵਾਸੀ ਸਰਹਾਲੀ ਦਾ ਰੋਕਾ ਪ੍ਰੋਗਰਾਮ ਸੀ। ਇਸ ਪ੍ਰੋਗਰਾਮ ਦੌਰਾਨ ਉਹ ਆਪਣੀ ਫੋਰਚੂਨਰ ਗੱਡੀ ਪੀ.ਬੀ. 10 ਜੇ.ਐਲ.1358 ਲੈੈ ਕੇ ਆਇਆ ਸੀ। ਲਵਪ੍ਰੀਤ ਸਿੰਘ, ਜੋ ਪਹਿਲਾਂ ਵੀ ਛੋਟੇ ਮੋਟੇ ਕੰਮ ਪ੍ਰੋਗਰਾਮਾਂ ਜਾਂ ਘਰੇਲੂ ਕੰਮਾਂ ਲਈ ਦੂਰ ਨੇੜੇ ਜਾਣ ਲਈ ਉਸ ਦੀ ਗੱਡੀ ਫਾਰਚੂਨਰ ਮੰਗ ਕੇ ਲੈ ਜਾਂਦਾ ਸੀ। ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਉਹ ਮਿਤੀ 24 ਅਪ੍ਰੈਲ 2026 ਨੂੰ ਹੋਟਲ ਸਵਾਗਤ ਡੀ. ਬਲਾਕ ਅੰਮ੍ਰਿਤਸਰ ਵਿਖੇ ਪ੍ਰੋਗਰਾਮ ਦੇਖ ਕੇ ਪਰਿਵਾਰ ਸਮੇਤ ਸਰਹਾਲੀ ਕਲਾਂ ਘਰ ਆ ਗਿਆ। ਮਿਤੀ 25 ਅਪ੍ਰੈਲ 2026 ਨੂੰ ਲਵਪ੍ਰੀਤ ਸਿੰਘ ਦਾ ਦੋਸਤ ਬਰਿੰਦਰਪਾਲ ਸਿੰਘ ਪੁੱਤਰ ਅਮਰਜੀਤ ਸਿੰਘ ਵਾਸੀ ਗਲੀ ਨੰਬਰ 7 ਮੁਰਗੀ ਮੁਹੱਲਾ ਬਟਾਲਾ, ਜਿਸ ਨਾਲ ਉਸ ਦਾ ਕੋਈ ਲੈਣ–ਦੇਣ ਨਹੀਂ ਸੀ। ਬਰਿੰਦਰਪਾਲ ਸਿੰਘ ਨੇ ਲਵਪ੍ਰੀਤ ਸਿੰਘ ਕੋਲੋਂ ਉਸ ਦੀ ਫੌਰਚੂਨਰ ਗੱਡੀ ਦੋ ਦਿਨ ਲਈ ਲੈ ਗਿਆ। ਫਿਰ ਦੋ ਦਿਨ ਬੀਤ ਜਾਣ ਮਗਰੋਂ ਲਵਪ੍ਰੀਤ ਸਿੰਘ ਨੇ ਬਰਿੰਦਰਪਾਲ ਸਿੰਘ ਨਾਲ ਫੋਨ ’ਤੇ ਰਾਬਤਾ ਕੀਤਾ, ਪਰ ਬਰਿੰਦਰਪਾਲ ਸਿੰਘ ਵਲੋਂ ਟਾਲ ਮਟੋਲ ਕਰ ਦਿੱਤਾ ਗਿਆ। ਇਸ ਤੋਂ ਦੋ ਦਿਨ ਬਾਅਦ ਬਰਿੰਦਰਪਾਲ ਸਿੰਘ ਵਲੋਂ ਲਵਪ੍ਰੀਤ ਸਿੰਘ ਕੋਲੋਂ ਇਕ ਲੱਖ ਰੁਪਏ ਦੀ ਮੰਗ ਕੀਤੀ ਅਤੇ ਮੁੰਡਿਆਂ ਕੋਲੋ ਧਮਕੀਆਂ ਦਿਵਾਈਆਂ । ਇਸ ਸੰਬੰਧੀ ਏ.ਐਸ.ਆਈ. ਬੀਰ ਸਿੰਘ ਨੇ ਮਾਮਲੇ ਦੀ ਜਾਂਚ ਕਰਦਿਆਂ ਬਰਿੰਦਰਪਾਲ ਸਿੰਘ ਪੁੱਤਰ ਅਮਰਜੀਤ ਸਿੰਘ ਵਾਸੀ ਗਲੀ ਨੰਬਰ 7 ਮੁਰਗੀ ਮੁਹੱਲਾ ਵਾਸੀ ਬਟਾਲਾ ਦੇ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
