ਬੂਥਾਂ ਦੇ ਪੁਨਰ ਗਠਨ ’ਤੇ ਚਰਚਾ ਕਰਨ ਲਈ ਭਾਜਪਾ ਵਲੋਂ ਬੈਠਕ
ਅੰਮ੍ਰਿਤਸਰ, 10 ਨਵੰਬਰ (ਹਰਮਿੰਦਰ ਸਿੰਘ)-ਐਸ. ਆਈ.
ਅੰਮ੍ਰਿਤਸਰ, 10 ਨਵੰਬਰ (ਹਰਮਿੰਦਰ ਸਿੰਘ)-ਐਸ. ਆਈ. ਆਰ. ਤੋਂ ਬਾਅਦ ਚੋਣ ਕਮਿਸ਼ਨ ਵਲੋਂ ਜਾਰੀ ਕੀਤੀਆਂ ਗਈਆਂ ਵੋਟਰ ਸੂਚੀਆਂ ਦੇ ਆਧਾਰ ’ਤੇ ਹਰ ਵਾਰਡ ’ਚ ਨਵੇਂ ਸਿਰੇ ਤੋਂ ਬੂਥ ਪੁਨਰਗਠਨ ’ਤੇ ਚਰਚਾ ਕਰਨ ਲਈ ਭਾਰਤੀ ਜਨਤਾ ਪਾਰਟੀ ਦੀ ਜ਼ਿਲ੍ਹਾ ਟੀਮ ਦੇ ਮੈਂਬਰਾਂ ਵਲੋਂ ਬੈਠਕ ਕੀਤੀ ਗਈ। ਜਿਸ ’ਚ ਪਾਰਟੀ ਦੇ ਸੂਬਾਈ ਉਪ ਪ੍ਰਧਾਨ ਅਤੇ ਭਾਜਪਾ ਅੰਮ੍ਰਿਤਸਰ ਇੰਚਾਰਜ ਰਾਕੇਸ਼ ਰਾਠੌਰ, ਸਾਬਕਾ ਰਾਜ ਸਭਾ ਮੈਂਬਰ ਸ਼ਵੇਤ ਮਲਿਕ, ਪਠਾਨਕੋਟ ਦੇ ਸਾਬਕਾ ਮੇਅਰ ਅਤੇ ਭਾਜਪਾ ਅੰਮ੍ਰਿਤਸਰ ਦੇ ਸਹਿ-ਇੰਚਾਰਜ ਅਨਿਲ ਵਾਸੂਦੇਵ ਵਿਸ਼ੇਸ਼ ਤੌਰ ’ਤੇ ਹਾਜ਼ਰ ਸਨ। ਇਸ ਮੌਕੇ ਸੰਬੋਧਨ ਕਰਦੇ ਹੋਏ ਰਾਕੇਸ਼ ਰਾਠੌਰ ਨੇ ਕਿਹਾ ਕਿ ਚੋਣ ਕਮਿਸ਼ਨ ਨੇ ਨਵੀਆਂ ਵੋਟਰ ਸੂਚੀਆਂ ਜਾਰੀ ਕਰ ਦਿੱਤੀਆਂ ਹਨ ਅਤੇ ਇਹ ਨਵੀਆਂ ਵੋਟਰ ਸੂਚੀਆਂ ਹਰ ਡਿਵੀਜ਼ਨ ਤੱਕ ਪਹੁੰਚ ਗਈਆਂ ਹਨ। ਉਨ੍ਹਾਂ ਨੇ ਹਾਜ਼ਰ ਸਾਰੇ ਅਧਿਕਾਰੀਆਂ ਨੂੰ ਸੱਦਾ ਦਿੱਤਾ ਕਿ ਉਹ ਆਪਣੇ ਵਾਰਡਾਂ ਦੇ ਅਧੀਨ ਆਉਂਦੇ ਖੇਤਰਾਂ ਵਿਚ ਬੂਥ ਪੱਧਰ ਤੱਕ ਵਰਕਰਾਂ ਨਾਲ ਮਿਲ ਕੇ ਨਵੀਂ ਵੋਟਰ ਸੂਚੀ ਦੇ ਅੰਕੜਿਆਂ ਦਾ ਵਾਰਡ-ਵਾਰ ਵਿਸ਼ਲੇਸ਼ਣ ਕਰਨ, ਤਾਂ ਜੋ ਬੂਥ ਪੁਨਰਗਠਨ ਪ੍ਰਕਿਰਿਆ ਨੂੰ ਸੁਚਾਰੂ ਢੰਗ ਨਾਲ ਪੂਰਾ ਕੀਤਾ ਜਾ ਸਕੇ। ਉਨ੍ਹਾਂ ਨੇ ਇਸ ਪ੍ਰਕਿਰਿਆ ਨੂੰ ਸੁਚਾਰੂ ਢੰਗ ਨਾਲ ਪੂਰਾ ਕਰਨ ਲਈ ਮੌਜੂਦ ਮੈਂਬਰਾਂ ਨਾਲ ਵਿਸਥਾਰਪੂਰਵਕ ਵਿਚਾਰ-ਵਟਾਂਦਰਾ ਵੀ ਕੀਤਾ ਅਤੇ ਸੰਬੰਧਿਤ ਸੁਝਾਅ ਪ੍ਰਾਪਤ ਕੀਤੇ। ਇਸ ਮੌਕੇ ’ਤੇ ਜ਼ਿਲ੍ਹਾ ਪ੍ਰਧਾਨ ਤੋਂ ਇਲਾਵਾ ਸਾਬਕਾ ਵਿਧਾਇਕ ਹਰਜਿੰਦਰ ਸਿੰਘ ਠੇਕੇਦਾਰ, ਡਾ: ਰਾਮ ਚਾਵਲਾ, ਸੁਖਮਿੰਦਰ ਸਿੰਘ ਪਿੰਟੂ, ਜ਼ਿਲ੍ਹਾ ਜਨਰਲ ਸਕੱਤਰ ਮੋਹਿਤ ਮਹਾਜਨ, ਗੌਤਮ ਅਰੋੜਾ ਤੇ ਸਰਬਜੀਤ ਸਿੰਘ, ਸੰਜੇ ਸ਼ਰਮਾ, ਮਾਨਵ ਤਨੇਜਾ, ਰੀਨਾ ਜੇਤਲੀ, ਮੀਨੂੰ ਸਹਿਗਲ, ਅਜੈਬੀਰ ਪਾਲ ਸਿੰਘ ਰੰਧਾਵਾ, ਵਿਕਰਮ ਸਿੰਘ ਭਰੋਵਾਲ, ਅਸ਼ੰਵਰ ਸਿੰਘ ਭਰੋਵਾਲ,ਵਿਕਰਮ ਬੱਗਾ , ਮੁਨੀਸ਼ ਸੇਠ, ਸਤਪਾਲ ਡੋਗਰਾ, ਮਨਜਿੰਦਰ ਸਿੰਘ ਪਾਲੀ, ਰਮੇਸ਼ ਸ਼ਰਮਾ, ਅਲਕਾ ਸ਼ਰਮਾ, ਕਪਿਲ ਸ਼ਰਮਾ, ਨਿਤਿਨ ਅਰੋੜਾ, ਵਿਜੇ ਭਨੋਟ, ਪਰਮਜੀਤ ਸਿੰਘ ਬੱਤਰਾ, ਸ਼ਰਵਨ ਨਈਅਰ, ਬੀਜੇਵਾਈਐਮ ਦੇ ਜ਼ਿਲ੍ਹਾ ਪ੍ਰਧਾਨ ਕਰਨ ਬੇਰੀ, ਮਹਿਲਾ ਮੋਰਚਾ ਪ੍ਰਧਾਨ ਏਕਤਾ ਵੋਹਰਾ ਆਦਿ ਹਾਜ਼ਰ ਸਨ।
