ਬਿਜਲੀ ਬਿੱਲ ਦਾ ਭੁਗਤਾਨ ਨਾ ਹੋਣ ’ਤੇ ਭਗਤਾਂ ਵਾਲਾ ਕੂੜਾ ਡੰਪ ਦੀ ਲਾਈਨ ਕੱਟੀ ਨਿਗਮ ਕਮਿਸ਼ਨਰ ਦੀਆਂ ਹਦਾਇਤਾਂ ’ਤੇ 12 ਲੱਖ 75 ਹਜ਼ਾਰ ਦਾ ਬਿਜਲੀ ਵਿਭਾਗ ਨੂੰ ਹੋਇਆ ਭੁਗਤਾਨ

ਅ

ਅਜੀਤ ਡੈਸਕ 04-09-2026

ਅੰਮ੍ਰਿਤਸਰ, 3 ਸਤੰਬਰ (ਹਰਮਿੰਦਰ ਸਿੰਘ)-ਭਗਤਾਂ ਵਾਲਾ ਕੂੜਾ ਡੰਪ ’ਤੇ ਲੱਗੇ ਬਿਜਲੀ ਕਨੈੱਕਸ਼ਨ ਦੇ ਬਿਲ ਦੀ ਪਿਛਲੀ ਬਕਾਇਆ ਰਾਸ਼ੀ 1275908 ਰੁਪਏ ਦਾ ਭੁਗਤਾਨ ਨਾ ਕੀਤੇ ਜਾਣ ਕਰਕੇ ਪਾਵਰਕਾਮ ਵਿਭਾਗ ਵਲੋਂ ਭਗਤਾਂ ਵਾਲਾ ਕੂੜਾ ਡੰਪ ਦਾ ਕਨੈੱਕਸ਼ਨ ਕੱਟਿਆ ਗਿਆ। ਇਸ ਕਨੈੱਕਸ਼ਨ ਕੱਟੇ ਜਾਣ ਕਰਕੇ ਕੂੜਾ ਡੰਪ ’ਤੇ ਚੱਲਣ ਵਾਲਾ ਬਾਇਓਰੈਮੀਡੇਸ਼ਨ ਦਾ ਕੰਮ ਪ੍ਰਭਾਵਿਤ ਹੋਣ ਤੋਂ ਰੋਕਣ ਲਈ ਕਮਿਸ਼ਨਰ ਦੀਆਂ ਹਦਾਇਤਾਂ ’ਤੇ ਨਗਰ ਨਿਗਮ ਵਲੋਂ ਉਕਤ ਰਾਸ਼ੀ ਦਾ ਭੁਗਤਾਨ ਕੀਤਾ ਜਾ ਰਿਹਾ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਭਗਤਾਂ ਵਾਲਾ ਕੂੜਾ ਡੰਪ ’ਤੇ ਬਿਜਲੀ ਬਿਲ ਦਾ ਬਕਾਇਆ ਲੰਬੇ ਸਮੇਂ ਤੋਂ ਵਧਦਾ ਵਧਦਾ 12 ਲੱਖ 75 ਹਜ਼ਾਰ 908 ਰੁਪਏ ਤੱਕ ਪਹੁੰਚ ਗਿਆ ਸੀ। ਇਸ ਦੀ ਵਸੂਲੀ ਲਈ ਪਾਵਰਕਾਮ ਵਲੋਂ ਲਗਾਤਾਰ ਬਿਲ ਭੇਜਿਆ ਜਾ ਰਿਹਾ ਸੀ ਪਰ ਇਸ ਵਿਚ ਕੁਤਾਹੀ ਵਰਤੇ ਜਾਣ ਕਰਕੇ ਬੀਤੇ ਦਿਨ ਪਾਵਰਕਾਮ ਵਲੋਂ ਭਗਤਾਂ ਵਾਲਾ ਕੂੜਾ ਡੰਪ ’ਤੇ ਲੱਗੇ ਬਿਜਲੀ ਦੇ ਤਿੰਨ ਫੇਸਾਂ ਵਿਚੋਂ ਦੋ ਫੇਸ ਕੱਟ ਦਿੱਤੇ ਗਏ ਜਿਸ ਕਾਰਨ ਉੱਥੇ ਬਾਇਓਰੈਮੀਡੇਸ਼ਨ ਦਾ ਕੰਮ ਠੱਪ ਹੋ ਗਿਆ। ਇਸ ਉਪਰੰਤ ਉਕਤ ਮਾਮਲਾ ਬਾਇਓਰੈਮੀਡੇਸ਼ਨ ਵਾਲੀ ਕੰਪਨੀ ਈਕੋ ਸਟੈਨ ਵਲੋਂ ਨਿਗਮ ਕਮਿਸ਼ਨਰ ਦੇ ਧਿਆਨ ਵਿਚ ਲਿਆਂਦਾ ਜਿਸ ਉਪਰੰਤ ਨਿਗਮ ਕਮਿਸ਼ਨਰ ਦੀਆਂ ਹਦਾਇਤਾਂ ’ਤੇ ਪਾਵਰਕਾਮ ਨੂੰ ਬਿਜਲੀ ਦੇ ਬਿੱਲ ਦੀ ਉਕਤ ਰਾਸ਼ੀ ਦਾ ਭੁਗਤਾਨ ਕਰ ਦਿੱਤਾ ਗਿਆ ਹੈ। ਉਕਤ ਬਿਜਲੀ ਦਾ ਬਕਾਇਆ ਪਿਛਲੀ ਕੰਪਨੀ ਦੇ ਨਾਂਅ ’ਤੇ ਚੱਲਿਆ ਆ ਰਿਹਾ ਸੀ ਜਿਸ ਕਾਰਨ ਇਹ ਭੁਗਤਾਨ ਕੀਤੇ ਗਏ ਬਿੱਲ ਦੀ ਵਸੂਲੀ ਪਿਛਲੀ ਕੰਪਨੀ ਦੀ ਸਕਿਉਰਿਟੀ ਰਾਸ਼ੀ ਵਿਚੋਂ ਕੱਟੇ ਜਾਣ ਦੀ ਸੰਭਾਵਨਾ ਹੈ।

ਪਿਛਲੀ ਖ਼ਬਰ ਸ਼ਹੀਦ ਭਾਈ ਜਟਾਣਾ ਤੇ ਸ਼ਹੀਦ ਭਾਈ ਚੰਨਾ ਨਮਿਤ ਸ੍ਰੀ ਦਰਬਾਰ ਸਾਹਿਬ ਸਮੂਹ ਵਿਖੇ ਬਰਸੀ ਸਮਾਗਮ ਅੱਜ ਅਗਲੀ ਖ਼ਬਰ ਮਾਧਵ ਵਿਦਿਆ ਨਿਕੇਤਨ ਸੀਨੀਅਰ ਸੈਕੰਡਰੀ ਸਕੂਲ ’ਚ ਖੇਡ ਇਨਾਮ ਵੰਡ ਸਮਾਰੋਹ

ਸੰਬੰਧਿਤ ਖ਼ਬਰਾਂ