ਫਾਜ਼ਿਲਕਾ / ਅਬੋਹਰ

ਟਿਕਟ ਚੈਕਿੰਗ ਸਟਾਫ਼ ਨੇ ਯਾਤਰੀ ਨੂੰ ਗੁਆਚਾ ਹੋਇਆ ਬੈਗ ਮੋੜ ਕੇ ਸਮਾਜਿਕ ਫ਼ਰਜ਼ ਨਿਭਾਇਆ

ਫ਼ਿਰੋਜ਼ਪੁਰ, 7 ਸਤੰਬਰ (ਰਾਕੇਸ਼ ਚਾਵਲਾ)- ਬੀਤੇ ਦਿਨ ਟਰੇਨ ਨੰਬਰ 12013 ਨਵੀਂ ਦਿੱਲੀ–ਅੰਮ੍ਰਿਤਸਰ ਸ਼ਤਾਬਦੀ ਐਕਸਪੈ੍ੱਸ ਵਿਚ ਡਿਊਟੀ ਦੌਰਾਨ ਅੰਮ੍ਰਿਤਸਰ ਹੈੱਡਕੁਆਟਰ ਦੇ ਟੀ. ਟੀ.

ਅ

ਅਜੀਤ ਡੈਸਕ 08-09-2026

ਫ਼ਿਰੋਜ਼ਪੁਰ, 7 ਸਤੰਬਰ (ਰਾਕੇਸ਼ ਚਾਵਲਾ)- ਬੀਤੇ ਦਿਨ ਟਰੇਨ ਨੰਬਰ 12013 ਨਵੀਂ ਦਿੱਲੀ–ਅੰਮ੍ਰਿਤਸਰ ਸ਼ਤਾਬਦੀ ਐਕਸਪੈ੍ੱਸ ਵਿਚ ਡਿਊਟੀ ਦੌਰਾਨ ਅੰਮ੍ਰਿਤਸਰ ਹੈੱਡਕੁਆਟਰ ਦੇ ਟੀ.ਟੀ.ਆਈ. ਦਿਨੇਸ਼ ਕੁਮਾਰ ਅਤੇ ਟੀ.ਟੀ.ਆਈ. ਚਰਨਜੀਤ ਸਿੰਘ ਸੰਧੂ ਨੂੰ ਇਕ ਕਾਲੇ ਰੰਗ ਦਾ ਬੈਗ ਮਿਲਿਆ। ਬੈਗ ਦੀ ਜਾਂਚ ਕਰਨ ’ਤੇ ਉਸ ਵਿਚੋਂ ਐਪਲ ਕੰਪਨੀ ਦਾ ਇਕ ਮੋਬਾਈਲ ਫ਼ੋਨ, ਹੀਰੇ ਦੀਆਂ ਵਾਲੀਆਂ ਦਾ ਇਕ ਜੋੜਾ ਅਤੇ 10,000 ਦੀ ਨਕਦ ਰਾਸ਼ੀ ਮਿਲੀ। ਸਰਹਿੰਦ ਰੇਲਵੇ ਸਟੇਸ਼ਨ ’ਤੇ ਉੱਤਰਦੇ ਸਮੇਂ ਯਾਤਰੀ ਅਣਜਾਣੇ ਵਿਚ ਆਪਣਾ ਬੈਗ ਟਰੇਨ ਵਿਚ ਹੀ ਭੁੱਲ ਗਿਆ ਸੀ। ਦੋਵਾਂ ਟਿਕਟ ਚੈਕਿੰਗ ਸਟਾਫ਼ ਨੇ ਆਪਣੀ ਫ਼ਰਜ਼ ਸਮਝਦਿਆਂ ਅਤੇ ਤੱਤਪਰਤਾ ਦਾ ਸਬੂਤ ਦਿੰਦੇ ਹੋਏ ਯਾਤਰੀ ਦਾ ਮੋਬਾਈਲ ਨੰਬਰ ਹਾਸਲ ਕਰਕੇ ਉਸ ਨਾਲ ਸੰਪਰਕ ਕੀਤਾ। ਯਾਤਰੀ ਦੀ ਸਹਿਮਤੀ ਨਾਲ ਬੈਗ ਨੂੰ ਸੁਰੱਖਿਅਤ ਅਤੇ ਜਿਵੇਂ ਦਾ ਤਿਵੇਂ ਲੁਧਿਆਣਾ ਰੇਲਵੇ ਸਟੇਸ਼ਨ ’ਤੇ ਉਸ ਦੇ ਪਰਿਵਾਰਿਕ ਮੈਂਬਰ ਨੂੰ ਸੌਂਪ ਦਿੱਤਾ ਗਿਆ। ਸੀਨੀਅਰ ਮੰਡਲ ਕਮਰਸ਼ੀਅਲ ਮੈਨੇਜਰ ਬਸੰਤ ਕੁਮਾਰ ਨੇ ਰੇਲ ਕਰਮਚਾਰੀਆਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਕਰਮਚਾਰੀਆਂ ਦੀ ਨਿਸ਼ਠਾ ਅਤੇ ਸਮਰਪਣ ਕਰਕੇ ਹੀ ਰੇਲ ਯਾਤਰੀਆਂ ਨੂੰ ਸੁਰੱਖਿਅਤ ਅਤੇ ਸੁਖਾਵਾਂ ਯਾਤਰਾ ਦਾ ਤਜਰਬਾ ਹਾਸਲ ਹੁੰਦਾ ਹੈ।