ਬਾਗ਼ਬਾਨੀ ਵਿਭਾਗ ਵਲੋਂ ਅਣ-ਰਜਿਸਟਰਡ ਨਰਸਰੀਆਂ ’ਤੇ ਸ਼ਿਕੰਜਾ
ਕਿਸਾਨਾਂ ਨੂੰ ਸਿਰਫ਼ ਰਜਿਸਟਰਡ ਨਰਸਰੀਆਂ ਤੋਂ ਪੌਦੇ ਖ਼ਰੀਦਣ ਦੀ ਅਪੀਲ
ਅਬੋਹਰ, 20 ਅਗਸਤ (ਵਿਵੇਕ ਹੂੜੀਆ)-ਬਾਗ਼ਬਾਨੀ ਵਿਭਾਗ ਦੀ ਟੀਮ ਵਲੋਂ ਇਲਾਕੇ ਦੀਆਂ ਰਜਿਸਟਰਡ ਅਤੇ ਅਣ-ਰਜਿਸਟਰਡ ਪੌਦ ਨਰਸਰੀਆਂ ਦਾ ਵਿਸ਼ੇਸ਼ ਨਿਰੀਖਣ ਕੀਤਾ ਗਿਆ। ਚੈਕਿੰਗ ਦੌਰਾਨ ਧੰਨਰਾਜ ਨਰਸਰੀ ’ਚ ਖੱਟੀ ਤੋਂ ਤਿਆਰ ਕੀਤੇ ਗਏ ਬੂਟੇ ਪਾਏ ਜਾਣ ’ਤੇ ਉਨ੍ਹਾਂ ਨੂੰ ਮੌਕੇ ’ਤੇ ਹੀ ਨਸ਼ਟ ਕਰਵਾਇਆ ਗਿਆ।
ਅਬੋਹਰ, 20 ਅਗਸਤ (ਵਿਵੇਕ ਹੂੜੀਆ)-ਬਾਗ਼ਬਾਨੀ ਵਿਭਾਗ ਦੀ ਟੀਮ ਵਲੋਂ ਇਲਾਕੇ ਦੀਆਂ ਰਜਿਸਟਰਡ ਅਤੇ ਅਣ-ਰਜਿਸਟਰਡ ਪੌਦ ਨਰਸਰੀਆਂ ਦਾ ਵਿਸ਼ੇਸ਼ ਨਿਰੀਖਣ ਕੀਤਾ ਗਿਆ। ਚੈਕਿੰਗ ਦੌਰਾਨ ਧੰਨਰਾਜ ਨਰਸਰੀ ’ਚ ਖੱਟੀ ਤੋਂ ਤਿਆਰ ਕੀਤੇ ਗਏ ਬੂਟੇ ਪਾਏ ਜਾਣ ’ਤੇ ਉਨ੍ਹਾਂ ਨੂੰ ਮੌਕੇ ’ਤੇ ਹੀ ਨਸ਼ਟ ਕਰਵਾਇਆ ਗਿਆ। ਇਸ ਤੋਂ ਇਲਾਵਾ ਹੋਰ ਨਰਸਰੀਆਂ ਨੂੰ ਵੀ ਵਿਭਾਗੀ ਨਿਯਮਾਂ ਦੀ ਪਾਲਨਾ ਕਰਨ ਦੀ ਤਾੜਨਾ ਕੀਤੀ ਗਈ। ਵਿਭਾਗ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਅਣ-ਰਜਿਸਟਰਡ ਅਤੇ ਮਾੜੇ ਮਿਆਰ ਦੀਆਂ ਨਰਸਰੀਆਂ ਵਿਰੁੱਧ ਲਗਾਤਾਰ ਸਖ਼ਤ ਕਾਰਵਾਈ ਜਾਰੀ ਰਹੇਗੀ। ਇਸ ਸਬੰਧੀ ਪਿੰਡਾਂ ਦੇ ਸਰਪੰਚਾਂ, ਮੁਹਤਬਾਰ ਵਿਅਕਤੀਆਂ ਅਤੇ ਕਿਸਾਨਾਂ ਵਿਚ ਲਗਾਤਾਰ ਅਨਾਊਂਸਮੈਂਟ ਕਰਵਾਈ ਜਾ ਰਹੀ ਹੈ ਕਿ ਕਿਸਾਨ ਬਾਗ਼ ਲਗਾਉਣ ਲਈ ਪੌਦੇ ਕੇਵਲ ਰਜਿਸਟਰਡ ਨਰਸਰੀਆਂ ਤੋਂ ਹੀ ਖ਼ਰੀਦਣ। ਇਸ ਮੌਕੇ ਡਿਪਟੀ ਡਾਇਰੈਕਟਰ ਬਾਗ਼ਬਾਨੀ ਅਬੋਹਰ ਡਾ. ਸੁਖਵਿੰਦਰ ਸਿੰਘ ਬਿੰਦੂ, ਬਾਗ਼ਬਾਨੀ ਅਫ਼ਸਰ ਡਾ.ਕੰਵਲਜੀਤ ਕੌਰ, ਡਾ.ਕਿਰਨਦੀਪ ਗਿੱਲ, ਡਾ.ਸ਼ੋਪਤ ਸਹਾਰਨ ਅਤੇ ਤਜਿੰਦਰ ਸਿੰਘ ਸਮੇਤ ਹੋਰ ਸਟਾਫ਼ ਮੈਂਬਰ ਹਾਜ਼ਰ ਸਨ।
