ਪੱਕੇ ਸੂਏ ’ਚੋਂ ਮਿਲੀ ਨਾਬਾਲਗ ਲੜਕੇ ਦੀ ਲਾਸ਼, ਇਲਾਕੇ ’ਚ ਸਨਸਨੀ

ਮ

ਮ੍ਰਿਤਕ ਰਵਿੰਦਰ ਉਰਫ਼ ਰਾਹੁਲ 17-09-2026

ਕਾਹਨੂੰਵਾਨ/ ਭੈਣੀ ਮੀਆਂ ਖਾਂ, 16 ਸਤੰਬਰ (ਜਸਪਾਲ ਸਿੰਘ ਸੰਧੂ, ਜਸਬੀਰ ਸਿੰਘ ਬਾਜਵਾ) -ਥਾਣਾ ਕਾਹਨੂੰਵਾਨ ਦੀ ਤੁਗਲਵਾਲ ਚੌਂਕੀ ਅਧੀਨ ਪੈਂਦੇ ਪਿੰਡ ਸ਼ੀਂਹ ਭੱਟੀਆਂ - ਘੋੜੇਵਾਂਹ ਦੇ ਰਸਤੇ ’ਚ ਪੈਂਦੇ ਪੱਕੇ ਸੂਏ ’ਚੋਂ ਇੱਕ ਨਾਬਾਲਗ ਲੜਕੇ ਦੀ ਲਾਸ਼ ਮਿਲਣ ਨਾਲ ਇਲਾਕੇ ’ਚ ਸਨਸਨੀ ਫੈਲ ਗਈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਥਾਣਾ ਮੁਖੀ ਕਾਹਨੂੰਵਾਨ ਕੁਲਦੀਪ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਸੂਚਨਾ ਮਿਲੀ ਸੀ ਕਿ ਪੱਕੇ ਸੂਏ ’ਚ ਇੱਕ ਲਾਸ਼ ਪਈ ਹੈ। ਸੂਚਨਾ ਮਿਲਦਿਆਂ ਹੀ ਪੁਲਿਸ ਪਾਰਟੀ ਮੌਕੇ ’ਤੇ ਪਹੁੰਚੀ ਤਾਂ ਉੱਥੇ ਇੱਕ ਨਾਬਾਲਗ ਲੜਕੇ ਦੀ ਲਾਸ਼ ਮਿਲੀ। ਪੜਤਾਲ ਕਰਨ ’ਤੇ ਮ੍ਰਿਤਕ ਦੀ ਪਛਾਣ ਪਿੰਡ ਬਸਰਾਵਾਂ ਦੇ ਰਹਿਣ ਵਾਲੇ ਰਵਿੰਦਰ ਉਰਫ਼ ਰਾਹੁਲ ਪੁੱਤਰ ਹਰਪਾਲ ਦਾਸ ਵਜੋਂ ਹੋਈ ਹੈ। ਥਾਣਾ ਮੁਖੀ ਨੇ ਦੱਸਿਆ ਕਿ ਲਾਸ਼ ਨੂੰ ਕਬਜ਼ੇ ’ਚ ਲੈ ਕੇ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਗੁਰਦਾਸਪੁਰ ਭੇਜ ਦਿੱਤਾ ਗਿਆ ਹੈ ਅਤੇ ਮਾਮਲੇ ਦੀ ਅਗਲੇਰੀ ਜਾਂਚ ਕੀਤੀ ਜਾ ਰਹੀ ਹੈ।

ਪਿਛਲੀ ਖ਼ਬਰ ਸੁਲਤਾਨਪੁਰ ਲੋਧੀ ਤੋਂ ਆਉਣ ਵਾਲੇ ਨਗਰ ਕੀਰਤਨ ਦਾ ਅੱਚਲ ਸਾਹਿਬ ਵਿਖੇ ਕੀਤਾ ਜਾਵੇਗਾ ਭਰਵਾਂ ਸਵਾਗਤ : ਸੁਖਮਨੀ ਸਾਹਿਬ ਸੇਵਾ... ਅਗਲੀ ਖ਼ਬਰ ਮਿਸ਼ਨ 2027 ਨੂੰ ਲੈ ਕੇ ਹੋਈ ਮੀਟਿੰਗ

ਪੱਕੇ ਸੂਏ ’ਚੋਂ ਮਿਲੀ ਨਾਬਾਲਗ ਲੜਕੇ ਦੀ ਲਾਸ਼, ਇਲਾਕੇ ’ਚ ਸਨਸਨੀ

ਸੰਬੰਧਿਤ ਖ਼ਬਰਾਂ