ਦੁਸਹਿਰਾ, ਦੀਵਾਲੀ ਤੇ ਮਹਾਂਪੁਰਸ਼ਾਂ ਦੇ ਦਿਹਾੜਿਆਂ ਮੌਕੇ ਬਲੱਡ ਯੂਨਿਟ ਟੈਸਟ ਫੀਸਾਂ ਵਿਚ ਵਿਸ਼ੇਸ਼ ਛੋਟ
ਨਵਾਂਸਹਿਰ, 17 ਅਕਤੂਬਰ (ਦੀਦਾਰ ਸਿੰਘ ਸ਼ੇਤਰਾ)-ਸਥਾਨਕ ਸਮਾਜ ਸੇਵੀ ਸੰਸਥਾ ਬੀ. ਡੀ.
ਨਵਾਂਸਹਿਰ, 17 ਅਕਤੂਬਰ (ਦੀਦਾਰ ਸਿੰਘ ਸ਼ੇਤਰਾ)-ਸਥਾਨਕ ਸਮਾਜ ਸੇਵੀ ਸੰਸਥਾ ਬੀ. ਡੀ. ਸੀ. ਬਲੱਡ ਸੈਂਟਰ ਵਲੋਂ ਬਲੱਡ ਯੂਨਿਟ ਟੈਸਟ ਫੀਸਾਂ ਵਿਚ ਦੁਸਹਿਰਾ, ਦੀਵਾਲੀ ਤੇ ਮਹਾਂਪੁਰਸ਼ਾਂ ਦੇ ਦਿਹਾੜਿਆਂ ਨੂੰ ਸਮਰਪਿਤ ਇੱਕ ਮਹੀਨੇ ਲਈ ਵਿਸ਼ੇਸ਼ ਰਿਆਇਤ ਦੇਣ ਦਾ ਫੈਸਲਾ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਇਸ ਵੇਲੇ ਪ੍ਰਤੀ ਬਲੱਡ ਯੂਨਿਟ ਟੈਸਟ ਫੀਸ 1150 ਰੁਪਏ ਚਾਰਜ ਕੀਤੇ ਜਾਂਦੀ ਹੈ ਜੋ ਛੋਟ ਅਧੀਨ 950 ਰੁਪਏ ਰਹਿ ਜਾਵੇਗੀ। ਇਹ ਛੋਟ ਸੇਵਾ ਇਕ ਸਮਾਜ ਸੇਵੀ ਸ਼ਖ਼ਸੀਅਤ ਵਲੋਂ ਕੀਤੀ ਜਾ ਰਹੀ ਹੈ ਜੋ ਤਰੁੰਤ ਲਾਗੂ ਕੀਤੀ ਗਈ ਹੈ ਜੋ 18 ਨਵੰਬਰ ਤੱਕ ਜਾਰੀ ਰਹੇਗੀ। ਬੀ. ਡੀ. ਸੀ. ਦੇ ਪ੍ਰਧਾਨ ਐਸ. ਕੇ. ਸਰੀਨ, ਮੀਤ ਪ੍ਰਧਾਨ ਜੀ. ਐਸ. ਤੂਰ, ਸਕੱਤਰ ਜੇ. ਐਸ. ਗਿੱਦਾ, ਵਿੱਤ ਸਕੱਤਰ ਪ੍ਰਵੇਸ਼ ਕੁਮਾਰ ਅਤੇ ਬੀ. ਟੀ. ਓ. ਡਾ. ਅਜੇ ਬੱਗਾ ਵਲੋਂ ਸਮਾਜ ਸੇਵੀ ਸੱਜਣ ਦੀ ਸ਼ਰਧਾ ਦੀ ਪ੍ਰਸੰਸਾ ਕਰਦਿਆਂ ਇਹ ਖਬਰ ਆਮ ਜਨਤਾ ਤੇ ਲੋੜਵੰਦਾਂ ਨਾਲ ਸਾਂਝੀ ਕੀਤੀ ਹੈ।
