ਸਨ ਫਾਰਮਾ ਕੰਪਨੀ ਟੌਂਸਾ ਨਜ਼ਦੀਕ ਦੁੱਧ ਵਾਲਾ ਟੈਂਕਰ ਪਲਟਿਆ
ਰੱਤੇਵਾਲ, 16 ਅਕਤੂਬਰ (ਅਸ਼ੋਕ ਕੁਮਾਰ ਲੀਲ)-ਰੋਪੜ ਫਗਵਾੜਾ ਨੈਸ਼ਨਲ ਹਾਈਵੇ ’ਤੇ ਪੈਂਦੇ ਪਿੰਡ ਟੌਂਸਾ ਨਜ਼ਦੀਕ ਸਨਫਰਮਾ ਕੰਪਨੀ ਕੋਲ ਇਕ ਦੁੱਧ ਵਾਲਾ ਕੈਂਟਰ ਪਲਟ ਗਿਆ। ਪ੍ਰਾਪਤ ਸੂਚਨਾ ਅਨੁਸਾਰ ਇਕ ਦੁੱਧ ਵਾਲਾ ਕੈਂਟਰ ਨੰਬਰ ਪੀ.
ਰੱਤੇਵਾਲ, 16 ਅਕਤੂਬਰ (ਅਸ਼ੋਕ ਕੁਮਾਰ ਲੀਲ)-ਰੋਪੜ ਫਗਵਾੜਾ ਨੈਸ਼ਨਲ ਹਾਈਵੇ ’ਤੇ ਪੈਂਦੇ ਪਿੰਡ ਟੌਂਸਾ ਨਜ਼ਦੀਕ ਸਨਫਰਮਾ ਕੰਪਨੀ ਕੋਲ ਇਕ ਦੁੱਧ ਵਾਲਾ ਕੈਂਟਰ ਪਲਟ ਗਿਆ। ਪ੍ਰਾਪਤ ਸੂਚਨਾ ਅਨੁਸਾਰ ਇਕ ਦੁੱਧ ਵਾਲਾ ਕੈਂਟਰ ਨੰਬਰ ਪੀ. ਬੀ. 32 ਏ.ਡੀ 2925 ਨੂੰ ਧੀਰਜ ਪੁੱਤਰ ਸਤੀਸ਼ ਕੁਮਾਰ ਵਾਸੀ ਪਿੰਡ ਰੱਤੇਵਾਲ ਚਲਾ ਰਿਹਾ ਸੀ, ਜੋ ਕਿ ਬਲਾਚੌਰ ਤੋਂ ਰੋਪੜ ਸਾਈਡ ਜਾ ਰਿਹਾ ਸੀ। ਜਦੋਂ ਉਹ ਸਨਫਰਮਾ ਕੰਪਨੀ ਨਜ਼ਦੀਕ ਪਹੁੰਚਿਆ ਤਾਂ ਅਚਾਨਕ ਸੰਤੁਲਨ ਵਿਗੜਨ ਕਾਰਨ ਉਹ ਸੜਕ ਵਿਚਕਾਰ ਹੀ ਪਲਟ ਗਿਆ। ਮੌਕੇ ’ਤੇ ਐਸ. ਐਸ. ਐਫ. ਦੀ ਟੀਮ ਨੇ ਪਹੁੰਚ ਕੇ ਕੈਂਟਰ ਨੂੰ ਸਿੱਧਾ ਕਰਵਾ ਕੇ ਸਾਈਡ ’ਤੇ ਕਰਵਾਇਆ। ਹਾਦਸੇ ਵਿਚ ਕੋਈ ਵੀ ਜਾਨੀ ਨੁਕਸਾਨ ਨਹੀਂ ਹੋਇਆ। ਹਾਦਸੇ ਦੀ ਸੂਚਨਾ ਆਸਰੋਂ ਚੌਕੀ ਤੇ ਕੰਟਰੋਲ ਰੂਮ ਨੂੰ ਭੇਜੀ ਦਿੱਤੀ ਗਈ।
