ਦੀਵਾਲੀ ਦੀ ਰਾਤ ਆਤਿਸ਼ਬਾਜ਼ੀ ਡਿੱਗਣ ਕਾਰਨ ਨਵੀਂ ਸਕਾਰਪੀਓ ਗੱਡੀ ਸੜ ਕੇ ਹੋਈ ਸਵਾਹ
ਜਗਰਾਉਂ, 9 ਨਵੰਬਰ (ਗੁਰਦੀਪ ਸਿੰਘ ਮਲਕ)- ਨਜ਼ਦੀਕ ਪਿੰਡ ਛੱਜਾਵਾਲ ਦੇ ਇੱਕ ਐੱਨ. ਆਰ.
ਜਗਰਾਉਂ, 9 ਨਵੰਬਰ (ਗੁਰਦੀਪ ਸਿੰਘ ਮਲਕ)- ਨਜ਼ਦੀਕ ਪਿੰਡ ਛੱਜਾਵਾਲ ਦੇ ਇੱਕ ਐੱਨ.ਆਰ.ਆਈ. ਪਰਿਵਾਰ ਦੀ ਘਰ ’ਚ ਖੜ੍ਹੀ ਨਵੀਂ ਗੱਡੀ ਦੀਵਾਲੀ ਦੀ ਰਾਤ ਨੂੰ ਸੜ ਕੇ ਸਵਾਹ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ। ਇਸ ਸਬੰਧੀ ਪਰਮਿੰਦਰ ਸਿੰਘ ਢਿੱਲੋਂ ਨੇ ਦੱਸਿਆ ਕਿ ਉਨ੍ਹਾਂ ਦੇ ਕਰੀਬੀ ਰਿਸ਼ਤੇਦਾਰ ਗੁਰਜੀਤ ਸਿੰਘ ਜਵੰਧਾ ਪੁੱਤਰ ਹਰਪਾਲ ਸਿੰਘ ਵਾਸੀ ਛੱਜਾਵਾਲ ਜੋ ਕਿ ਵਿਦੇਸ਼ ਵਿੱਚ ਰਹਿੰਦੇ ਹਨ। ਉਹਨਾਂ ਦੇ ਘਰ ਕੱਪੜੇ ਨਾਲ ਢੱਕ ਕੇ ਖੜ੍ਹੀ ਕੀਤੀ 2025 ਮਾਡਲ ਸਕਾਰਪੀਓ ਗੱਡੀ ਨੰਬਰ 10 ਜੇ.ਜੈੱਡ 7474 ’ਤੇ ਬੀਤੀ ਦੀਵਾਲੀ ਦੀ ਰਾਤ ਨੂੰ ਆਤਿਸ਼ਬਾਜ਼ ਡਿੱਗ ਪਈ। ਜਿਸ ਨਾਲ ਸਕਾਰਪੀਓ ਗੱਡੀ ਨੂੰ ਅੱਗ ਲੱਗ ਗਈ। ਉਸ ਮੌਕੇ ਘਰ ਵਿੱਚ ਕੋਈ ਨਹੀਂ ਸੀ, ਜਦੋਂ ਆਸ ਪਾਸ ਦੇ ਘਰਾਂ ਵਾਲਿਆਂ ਨੂੰ ਘਰ ਵਿੱਚ ਲੱਗੇ ਅੱਗ ਦਿਸੀ ਤਾਂ ਤੁਰੰਤ ਪਿੰਡ ਵਾਸੀਆਂ ਵੱਲੋਂ ਆਪਣੇ ਪੱਧਰ ’ਤੇ ਅੱਗ ’ਤੇ ਕਾਬੂ ਪਾਇਆ ਗਿਆ, ਪਰ ਉਸ ਮੌਕੇ ਤੱਕ ਸਕਾਰਪੀਓ ਗੱਡੀ ਬੁਰੀ ਤਰ੍ਹਾਂ ਅੱਗ ਨਾਲ ਸੜ ਕੇ ਸਵਾਹ ਹੋ ਚੁੱਕੀ ਸੀ। ਪਰਮਿੰਦਰ ਸਿੰਘ ਅਨੁਸਾਰ ਪਿਛਲੇ ਸਾਲ ਹੀ ਇਸ ਪਰਿਵਾਰ ਨੇ ਨਵੀਂ ਗੱਡੀ ਲਿਆਂਦੀ ਸੀ ਅਤੇ ਕੁਝ ਸਮਾਂ ਚਲਾਉਣ ਤੋਂ ਬਾਅਦ ਪਰਿਵਾਰ ਵਿਦੇਸ਼ ਚਲਾ ਗਿਆ। ਅੱਗ ਲੱਗਣ ਦਾ ਕਾਰਨ ਉਸ ਅਤਿਸ਼ਬਾਜੀ ਡਿੱਗਣਾ ਕਿਹਾ ਜਾ ਰਿਹਾ ਹੈ।
