ਪੀ. ਏ. ਯੂ. ਦੇ ਉੱਪ ਕੁਲਪਤੀ ਬਣੇ ਡਾ. ਐੱਚ. ਐੱਸ. ਧਾਲੀਵਾਲ ਦੀ ਨਿਯੁਕਤੀ ਦਾ ਸਵਾਗਤ
ਮੁੱਲਾਂਪੁਰ-ਦਾਖਾ, 16 ਅਕਤੂਬਰ (ਨਿਰਮਲ ਸਿੰਘ ਧਾਲੀਵਾਲ)-ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਉੱਪ ਕੁਲਪਤੀ ਨਿਯੁਕਤ ਡਾ. ਐੱਚ.
ਮੁੱਲਾਂਪੁਰ-ਦਾਖਾ, 16 ਅਕਤੂਬਰ (ਨਿਰਮਲ ਸਿੰਘ ਧਾਲੀਵਾਲ)-ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਉੱਪ ਕੁਲਪਤੀ ਨਿਯੁਕਤ ਡਾ. ਐੱਚ. ਐੱਸ. ਧਾਲੀਵਾਲ ਦੀ ਨਿਯੁਕਤੀ ਦਾ ਪੰਜਾਬੀ ਸਾਹਿਤ ਅਕਾਦਮੀ ਦੇ ਸਾਬਕਾ ਪ੍ਰਧਾਨ ਪ੍ਰੋ: ਗੁਰਭਜਨ ਸਿੰਘ ਗਿੱਲ, ਚੇਅਰਮੈਨ ਪਨਗ੍ਰੇਨ ਡਾ. ਤੇਜਪਾਲ ਸਿੰਘ ਗਿੱਲ, ਡਾ. ਕੇ. ਐੱਨ. ਐੱਸ. ਕੰਗ, ਪ੍ਰਿੰਸੀਪਲ ਬਲਦੇਵ ਬਾਵਾ, ਸੁਖਦੇਵ ਸਿੰਘ ਚੱਕ, ਹੋਰਨਾਂ ਨੇ ਨਿੱਘਾ ਸਵਾਗਤ ਕੀਤਾ। ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਦੇ ਉੱਪ ਕੁਲਪਤੀ ਨਿਯੁਕਤ ਡਾ. ਐੱਚ. ਐੱਸ. ਧਾਲੀਵਾਲ ਦਾ ਪੀ. ਏ. ਯੂ. ’ਚ ਅਧਿਆਪਨ ਡੀਨ, ਡਾਇਰੈਕਟਰ ਪ੍ਰਸਾਰ ਸਿੱਖਿਆ, ਕਈ ਹੋਰ ਉੱਚ ਅਹੁਦਿਆਂ ’ਤੇ ਰਹਿਣ ਨਾਲ ਜਿਥੇ ਪ੍ਰਸ਼ਾਸਨਿਕ ਤਜਰਬਾ ਚੋਖਾ ਹੈ, ਉੱਥੇ ਅੰਤਰਰਾਸ਼ਟਰੀ ਵਿਗਿਆਨੀਆਂ ਨਾਲ ਬੇਹੱਦ ਮਜ਼ਬੂਤ ਸਬੰਧ ਹੋਣ ਕਰਕੇ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਹਰ ਪੱਖੋਂ ਤਰੱਕੀ ਕਰੇਗੀ। ਪ੍ਰਿੰਸੀਪਲ ਬਲਦੇਵ ਬਾਵਾ ਨੇ ਆਪਣੇ ਸੀਨੀਅਰ ਡਾ. ਐੱਚ. ਐੱਸ. ਧਾਲੀਵਾਲ ਨੂੰ ਵਧਾਈ ਦਿੰਦਿਆਂ ਉਨ੍ਹਾਂ ਦੇ ਵੱਡੇ ਅਹੁਦੇ ’ਤੇ ਪਹੁੰਚਣ ਦੀ ਤਾਰੀਫ਼ ਕੀਤੀ। ਸੁਖਦੇਵ ਸਿੰਘ ਚੱਕ ਵਲੋਂ ਉਪ ਕੁਲਪਤੀ ਨਿਯੁਕਤ ਡਾ. ਹਰਵਿੰਦਰ ਸਿੰਘ ਧਾਲੀਵਾਲ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਡਾ. ਐੱਚ. ਐੱਸ. ਧਾਲੀਵਾਲ ਕੋਲ ਜਿਥੇ ਪੀ. ਐੱਚ. ਡੀ. (ਪੋਮੋਲੋਜ਼ੀ) ਦੀ ਡਿਗਰੀ ਹੈ, ਉਥੇ ਪ੍ਰਸ਼ਾਸਨਿਕ ਤਜ਼ਰਬੇ ਦੇ ਨਾਲ ਇਕ ਹਲਵਾਹਕ ਪਰਿਵਾਰਕ ਧਾਲੀਵਾਲ ਨਾਲ ਜੁੜਿਆ ਨਾਤਾ ਮਾਣ ਵਾਲੀ ਗੱਲ ਹੈ। ਲੁਧਿਆਣਾ ਦਿਹਾਤੀ ਜ਼ਿਲ੍ਹੇ ’ਚ ਕਸਬਾ ਗੁਰੂਸਰ ਸੁਧਾਰ ਘੁਮਾਣ ਚੌਕ ਨੇੜੇ ਪਰਿਵਾਰ ਸਮੇਤ ਰਹਿ ਰਹੇ ਡਾ. ਐੱਚ. ਐੱਸ. ਧਾਲੀਵਾਲ ਦੇ ਪੁਰਖਿਆਂ ਦੀ ਧਰਤੀ ਹੈ ਮਾਨਸਾ ਜ਼ਿਲ੍ਹੇ ’ਚ ਪਿੰਡ ਮੰਡਾਲੀ।
