ਬਖ਼ਸ਼ੀਸ਼ ਬੱਗਾ ਫਾਊਾਡੇਸ਼ਨ ਵਲੋਂ 31ਵੀਂ ਬਰਸੀ 'ਤੇ ਲਗਾਏ ਬੂਟੇ ਪ੍ਰਧਾਨ ਮੰਤਰੀ ਮੋਦੀ ਦੇ ਜਨਮ ਦਿਨ ਨੂੰ ਸਮਰਪਿਤ ਭਾਜਪਾ ਨੇ ਕਰਵਾਈ ਏਕਤਾ ਦੀ ਦੌੜ ਮੈਰਾਥਨ ਜ਼ਿਲ੍ਹਾ ਪ੍ਰਧਾਨ ਦੀਦਾਰ ਸਿੰਘ ਭੱਟੀ ਨੇ ਹਰੀ ਝੰਡੀ ਦੇ ਮੈਰਾਥਨ ਨੂੰ ਕੀਤਾ ਰਵਾਨਾ

ਬੂਟਾ ਲਗਾਉਣ ਦਾ ਦਿ੍ਸ਼ | ਅਜੀਤ ਤਸਵੀਰ 22-09-2025

ਪਟਿਆਲਾ, 21 ਸਤੰਬਰ (ਮਨਦੀਪ ਸਿੰਘ ਖਰੌੜ)-ਬਖ਼ਸ਼ੀਸ਼ ਬੱਗਾ ਯਾਦਗਾਰੀ ਵੈੱਲਫੇਅਰ ਫਾਊਾਡੇਸ਼ਨ ਤੇ ਬੱਗਾ ਲੋਕ ਨਾਚ ਅਕੈਡਮੀ ਪਟਿਆਲਾ ਵਲੋਂ ਚੇਅਰਮੈਨ ਜਰਨੈਲ ਬੱਗਾ ਧਾਲੀਵਾਲ ਤੇ ਕੌਮਾਂਤਰੀ ਗਿੱਧਾ ਕੋਚ ਸਤਵੀਰ ਕੌਰ ਧਾਲੀਵਾਲ ਦੀ ਨਿਰਦੇਸ਼ਨਾਂ ਹੇਠ ਸਿਖਲਾਈ ਵਰਕਸ਼ਾਪਾਂ ਦੇ ਨਾਲ-ਨਾਲ ਸਿੱਖਿਆਰਥੀ ਲੜਕੇ-ਲੜਕੀਆਂ ਨੂੰ ਨਸ਼ਿਆਂ ਤੋਂ ਦੂਰ ਰਹਿਣ ਲਈ ਜਾਗਰੂਕ ਕੀਤਾ ਜਾਂਦਾ ਹੈ | ਇੰਜ. ਰਾਜਦੀਪ ਸਿੰਘ ਨੇ ਦੱਸਿਆ ਕਿ ਫਾਊਾਡੇਸ਼ਨ ਦੇ 31 ਸਾਲਾਂ 'ਚ ਹੁਣ ਤੱਕ 362 ਲੋਕ-ਨਾਚ ਸਿਖਲਾਈ ਵਰਕਸ਼ਾਪਾਂ ਲਗਾ ਕੇ 15 ਹਜ਼ਾਰ ਤੋਂ ਜ਼ਿਆਦਾ ਸਿੱਖਿਆਰਥੀਆਂ ਨੂੰ ਟਰੇਂਡ ਕੀਤਾ ਜਾ ਚੁੱਕਿਆ ਹੈ ਅਤੇ ਫਾਉਂਡੇਸ਼ਨ ਵਲੋਂ 22 ਸੱਭਿਆਚਾਰ ਮੇਲੇ ਲਗਾ ਕੇ ਸਾੈਕੜੇ ਕਲਾਕਾਰਾਂ ਨੂੰ ਪ੍ਰਮੋਟ ਕੀਤਾ ਜਾ ਚੁੱਕਿਆ ਹੈ, ਜਿਨ੍ਹਾਂ 'ਚੋਂ 3 ਦਰਜਨਾਂ ਤੋਂ ਜ਼ਿਆਦਾ ਬੱਚੇ ਅੰਤਰਰਾਸ਼ਟਰੀ ਪੱਧਰ 'ਤੇ ਵਿਦੇਸ਼ਾਂ 'ਚ ਅਕੈਡਮੀਆਂ ਖ਼ੋਲ੍ਹ ਕੇ ਲੋਕ-ਨਾਚਾਂ ਦੀ ਸਿਖਲਾਈ ਦੇ ਰਹੇ ਹਨ | ਇਸ ਤੋਂ ਇਲਾਵਾ 1995 'ਚ 'ਯਾਦਾਂ ਬੱਗੇ ਦੀਆਂ' ਪਲੇਠਾ ਪ੍ਰੋਗਰਾਮ ਕਰਵਾ ਕੇ ਸਰਕਾਰੀ ਸਕੂਲ ਤਿ੍ਪੜੀ ਵਿਖੇ ਸੰਸਥਾ ਵਲੋਂ ਵਾਟਰ ਕੂਲਰ ਲਗਵਾਇਆ | ਇੰਜੀ. ਅਵਤਾਰ ਸਿੰਘ ਲੰਗ ਦੀ ਪ੍ਰਧਾਨਗੀ ਹੇਠ ਇਸ ਬਾਰ 31ਵੀਂ ਬਰਸੀ 'ਤੇ ਫਲਦਾਰ ਬੂਟੇ ਲਗਾ ਕੇ ਅਕੈਡਮੀ ਦੇ ਦਫ਼ਤਰ ਪ੍ਰੀਤ ਨਗਰ, ਤਿ੍ਪੜੀ ਤੋਂ ਸ਼ੁਰੂਆਤ ਤੋਂ ਕੀਤੀ ਗਈ ਅਤੇ 500 ਬੂਟੇ ਲਗਾਉਣ ਦਾ ਟੀਚਾ ਰੱਖਿਆ ਗਿਆ ਜੋ ਅਕਤੂਬਰ ਮਹੀਨੇ 'ਚ ਹੀ ਪੂਰਾ ਕੀਤਾ ਜਾਵੇਗਾ | ਇਸ ਮੌਕੇ ਇੰਜੀ. ਹਰਪਾਲ ਸਿੰਘ, ਜੋਗਾ ਸਿੰਘ ਐਫ. ਸੀ. ਆਈ., ਦਿਲਬਾਗ ਸਿੰਘ ਬਾਗੜੀਆਂ ਐਫ. ਸੀ. ਆਈ., ਮਨਜੀਤ ਸਿੰਘ ਖਰੌੜ, ਕੁਲਮੀਤ ਕੋਹਲੀ ਜ਼ਿਲ੍ਹਾ ਸੈਕਟਰੀ ਸੋਸ਼ਲ ਮੀਡੀਆ ਪਟਿਆਲਾ, ਸਤਵੀਰ ਧਾਲੀਵਾਲ, ਜਰਨੈਲ ਬੱਗਾ ਧਾਲੀਵਾਲ, ਸਟੇਟ ਅਵਾਰਡੀ ਤੇ ਪੰਜਾਬ ਪ੍ਰਧਾਨ ਅਧਿਆਪਕ ਯੂਨੀਅਨ ਪਟਿਆਲਾ ਗੁਰਪ੍ਰੀਤ ਸਿੰਘ ਗੁਰੀ ਆਦਿ ਹਾਜ਼ਰ ਸਨ |

ਫ਼ਤਹਿਗੜ੍ਹ ਸਾਹਿਬ, 21 ਸਤੰਬਰ (ਬਲਜਿੰਦਰ ਸਿੰਘ)-ਹਲਕਾ ਵਿਧਾਇਕ ਅਤੇ ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਦੀਦਾਰ ਸਿੰਘ ਭੱਟੀ ਦੀ ਅਗਵਾਈ ਵਿਚ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਜਨਮ ਦਿਨ ਸਬੰਧੀ 2 ਅਕਤੂਬਰ ਤੱਕ ਮਨਾਏ ਜਾ ਰਹੇ ਪੰਦਰ੍ਹਵਾੜਾ ਨੂੰ ਸਮਰਪਿਤ ਅੱਜ ਰੋਟਰੀ ਕਲੱਬ ਫ਼ਤਹਿਗੜ੍ਹ ਸਾਹਿਬ ਗੋਲਡ ਦੇ ਸਹਿਯੋਗ ਨਾਲ ਰੋਪੜ ਬੱਸ ਸਟੈਂਡ ਤੋਂ ਏਕਤਾ ਦੀ ਦੌੜ ਪ੍ਰੋਗਰਾਮ ਤਹਿਤ ਮੈਰਾਥਨ ਦੋੜ ਕਰਵਾਈ ਗਈ ਜਿਸ ਵਿਚ ਵੱਖ-ਵੱਖ ਕਾਲਜਾਂ, ਸਕੂਲਾਂ ਅਤੇ ਸਮਾਜ ਸੇਵੀ ਸੰਸਥਾਵਾਂ ਤੋਂ ਇਲਾਵਾ ਪਾਰਟੀ ਦੇ ਸਮੂਹ ਵਰਕਰਾਂ ਨੇ ਭਾਗ ਲਿਆ | ਇਸ ਮੈਰਾਥਨ ਵਿਚ ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਦੀਦਾਰ ਸਿੰਘ ਭੱਟੀ ਵਲੋਂ ਹਰੀ ਝੰਡੀ ਦੇ ਕੇ ਮੈਰਾਥਨ ਦੀ ਸ਼ੁਰੂਆਤ ਕੀਤੀ ਗਈ | ਜੋ ਕਿ ਰੋਪੜ ਬੱਸ ਸਟੈਂਡ ਤੋਂ ਸ਼ੁਰੂ ਹੋਈ ਤੇ ਵੱਖ-ਵੱਖ ਥਾਂਵਾਂ ਤੋ ਲੰਘਦੀ ਹੋਈ ਵਾਪਸ ਰੋਪੜ ਬੱਸ ਸਟੈਂਡ ਆ ਕੇ ਸਮਾਪਤ ਹੋਈ | ਇਸ ਮੈਰਾਥਨ ਵਿਚ 15 ਤੋਂ 75 ਸਾਲ ਦੇ ਵੱਖ-ਵੱਖ ਵਰਗਾਂ ਦੇ 500 ਦੇ ਕਰੀਬ ਖਿਡਾਰੀਆਂ ਤੇ ਸ਼ਹਿਰ ਵਾਸੀਆਂ ਨੇ ਭਾਗ ਲਿਆ ਜਿਸ ਵਿਚ ਪਹਿਲੇ ਦੂਜੇ ਤੀਜੇ ਤੋਂ ਇਲਾਵਾ ਭਾਗ ਲੈਣ ਵਾਲੇ ਹਰ ਖਿਡਾਰੀ ਨੂੰ ਪ੍ਰਬੰਧਕਾਂ ਵਲੋਂ ਸਰਟੀਫਿਕੇਟ ਤੇ ਤਗਮੇ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਸਹਿਯੋਗ ਕਰਨ ਵਾਲੇ ਸਮੁੱਚੇ ਪ੍ਰਬੰਧਕਾਂ ਤੇ ਭਾਗ ਲੈਣ ਵਾਲੇ ਸ਼ਹਿਰ ਵਾਸੀਆਂ ਦਾ ਦਿਲੋਂ ਧੰਨਵਾਦ ਕੀਤਾ ਤੇ ਦੱਸਿਆ ਕਿ ਭਾਜਪਾ ਇਕਾਈ ਵਲੋਂ 24 ਸਤੰਬਰ ਸਿਵਲ ਹਸਪਤਾਲ ਫ਼ਤਹਿਗੜ੍ਹ ਸਾਹਿਬ ਵਿਖੇ ਖ਼ੂਨਦਾਨ ਕੈਂਪ ਲਗਾਇਆ ਜਾਵੇਗਾ | ਇਸ ਮੌਕੇ ਡਾਕਟਰ ਰਘਵੀਰ ਸੂਰੀ, ਸੀਨੀਅਰ ਆਗੂ ਗੇਜਾ ਰਾਮ ਵਾਲਮੀਕੀ, ਸੰਦੀਪ ਬੱਲ ਮੰਡੀ ਗੋਬਿੰਦਗੜ੍ਹ, ਹਰਮਨ ਸ਼ੇਰ ਗਿੱਲ, ਦਵਿੰਦਰ ਕੁਮਾਰ ਭੱਟ ਮੰਡਲ ਪ੍ਰਧਾਨ ਸਰਹਿੰਦ, ਰਾਣਾ ਗਰੁੱਪ ਦੇ ਐਮ.ਡੀ. ਡਾ. ਹਤਿੰਦਰ ਸੂਰੀ, ਐਡ. ਰਾਜਵੀਰ ਸਿੰਘ ਗਰੇਵਾਲ, ਰਾਜੇਸ਼ ਥੋਰ, ਅੰਕਿਤ ਬੰਸਲ, ਕੁਲਦੀਪ ਸਿੰਘ ਸਿੱਧੂਪੁਰ, ਅਰਵਿੰਦ ਵਰਮਾ, ਦੀਪਿਨ ਮੈਂਗੀ, ਰਾਮ ਸਿੰਘ, ਅਜੈਬ ਸਿੰਘ ਜਖਵਾਲੀ, ਕੁਲਦੀਪ ਸਹੋਤਾ, ਧਰਮਿੰਦਰ ਬਾਂਡਾ, ਪਰਵਿੰਦਰ ਸਿੰਘ ਦਿਓਲ, ਸੰਦੀਪ ਗਾਬਾ, ਗੁਰਮੁਖ ਸਿੰਘ, ਬਲਵੀਰ ਸਿੰਘ ਧਾਰਨੀ, ਰਾਮ ਸਿੰਘ, ਕਮਲਜੀਤ ਸਿੰਘ ਸਾਨੀਪੁਰ, ਗੁਰਮੁਖ ਸਿੰਘ ਜੱਲ੍ਹਾ, ਸੰਜੀਵ ਨੰਦਨ, ਰਾਧੇ ਸ਼ਾਮ ਸੂਦ, ਕੋਚ ਗੌਰਵ ਭਲਵਾਨ, ਵਿਨੇ ਗੁਪਤਾ, ਵਿਜੇ ਪਾਠਕ, ਹਰੀਸ਼ ਅਗਰਵਾਲ, ਸ਼ਾਮ ਸੁੰਦਰ ਭਾਰਦਵਾਜ, ਬੀਬੀ ਬਲਵਿੰਦਰ ਕੌਰ ਮੰਡਲ ਪ੍ਰਧਾਨ, ਬੀਬੀ ਪਰਮਜੀਤ ਕੌਰ, ਓਮ ਪ੍ਰਕਾਸ਼ ਗੌਤਮ ਮੰਡਲ ਪ੍ਰਧਾਨ, ਦਵਿੰਦਰ ਸਿੰਘ ਵੈਦਵਾਨ ਮੰਡਲ ਪ੍ਰਧਾਨ ਆਦਿ ਹਾਜ਼ਰ ਸਨ |

ਸੰਬੰਧਿਤ ਖ਼ਬਰਾਂ