ਥਾਣਾ ਸੁਲਤਾਨਵਿੰਡ ਦੇ ਫਲਾਈਓਵਰ ਪੁਲ ਉਪਰ ਝੋਨੇ ਨਾਲ ਭਰਿਆ ਟਰਾਲਾ ਪਲਟਿਆ

ਸੁਲਤਾਨਵਿੰਡ, (ਕਪੂਰਥਲਾ), 14 ਅਕਤੂਬਰ ( ਗੁਰਨਾਮ ਸਿੰਘ ਬੁੱਟਰ)- ਅੱਜ ਤੜਕਸਾਰ ਪੁਲਿਸ ਥਾਣਾ ਸੁਲਤਾਨਵਿੰਡ ਦੇ ਪੁਲ ’ਤੇ ਝੋਨੇ ਨਾਲ ਲੱਦਿਆ ਟਰਾਲਾ ਪਲਟ ਗਿਆ, ਜਿਸ ਨਾਲ ਪੁਲਿਸ ਥਾਣਾ ਸੁਲਤਾਨਵਿੰਡ ਦੇ ਉਪਰ ਝੋਨੇ ਦੀਆਂ ਬੋਰੀਆ ਡਿੱਗ ਪਈਆ ਜਿੱਥੇ ਥਾਣਾ ਸੁਲਤਾਨਵਿੰਡ ਦੇ ਬਾਹਰ ਖੜੇ ਕੀਤੇ ਵਾਹਨਾ ਦਾ ਨੁਕਸਾਨ ਹੋ ਗਿਆ ਪਰ ਕਿਸੇ ਦਾ ਜਾਨੀ ਨੁਕਸਾਨ ਹੋਣ ਤੋ ਬਚਾਅ ਰਿਹਾ। ਇਸ ਮੌਕੇ ਰਾਤ ਦੇ ਡਿਊਟੀ ਅਧਿਕਾਰੀ ਏ. ਐਸ. ਆਈ. ਰਣਜੀਤ ਸਿੰਘ ਨੇ ਦੱਸਿਆ ਕਿ ਅੱਜ ਤੜਕਸਾਰ 5 ਵਜੇ ਦੇ ਕਰੀਬ ਇਕ ਟਰਾਲਾ ਜੋ ਝੋਨੇ ਨਾਲ ਲੱਦਿਆ ਹੋਇਆ ਸੀ ਤੇ ਤਰਨਤਾਰਨ ਵਾਲੇ ਪਾਸਿਓਂ ਅੰਮ੍ਰਿਤਸਰ ਸ਼ਹਿਰ ਵੱਲ ਨੂੰ ਆ ਰਿਹਾ ਸੀ ਤੇ ਜਦੋ ਉਹ ਪੁਲ ਉਪਰ ਮੋੜ ਕੱਟਣ ਲੱਗਿਆ ਤਾਂ ਉਹ ਪਲਟੀ ਖਾ ਗਿਆ, ਜਿਸ ਵਿਚ ਲੱਦੀਆਂ ਝੋਨੇ ਦੀਆਂ ਬੋਰੀਆ ਪੁਲਿਸ ਥਾਣਾ ਉਪਰ ਆ ਡਿੱਗੀਆਂ। ਉਨ੍ਹਾ ਦੱਸਿਆ ਕਿ ਟਰਾਲੇ ਦਾ ਡਰਾਈਵਰ ਮੌਕੇ ’ਤੋਂ ਫਰਾਰ ਹੈ, ਜਿਸ ਦੀ ਪੁਲਿਸ ਭਾਲ ਕਰ ਰਹੀ ਹੈ ਪਰ ਕਿਸੇ ਰਾਹਗੀਰ ਦਾ ਕੋਈ ਨੁਕਸਾਨ ਨਹੀਂ ਹੋਇਆ।