ਨਿਤਿਨ ਕੋਹਲੀ ਦੇ ਸਾਥੀਆਂ ਵਲੋਂ ਨਿਵਕੇਲੀ ਪਹਿਲਕਦਮੀ, ਆਦਰਸ਼ ਨਗਰ ’ਚ ਦੁਸਹਿਰੇ ਉਪਰੰਤ ਕੀਤੀ ਜਾਵੇਗੀ ਸਫ਼ਾਈ ਤੇ ਲਾਏ ਜਾਣਗੇ ਬੂਟੇ
ਜਲੰਧਰ, 19 ਅਕਤੂਬਰ (ਜਤਿੰਦਰ ਪੰਮੀ)-ਆਮ ਆਦਮੀ ਪਾਰਟੀ ਦੇ ਆਗੂ ਨਿਤਿਨ ਕੋਹਲੀ ਵਲੋਂ ਵਾਤਾਵਨ ਦੀ ਸੰਭਾਲ ਲਈ ਤਿਆਰ ਟੀਮ ‘ਨਿਤਿਨ ਦੇ ਸਾਥੀ’ ਵਲੋਂ ਦੁਸਹਿਰੇ ਮੌਕੇ ਨਵੀਂ ਪਹਿਲਕਦਮੀ ਕਰਦਿਆਂ ਰਾਵਣ ਤੇ ਹੋਰਨਾਂ ਦੇ ਪੁਤਲੇ ਅਗਨ ਭੇਟ ਕਰਨ ਉਪਰੰਤ ਅਗਲੇ ਦਿਨ ਉਸ ਜਗ੍ਹਾ ਦੀ ਸਫਾਈ ਤੇ ਬੂਟੇ ਲਾਉਣ ਦੀ ਮੁਹਿੰਮ ਚਲਾਈ ਜਾਵੇਗੀ। ਇਸ ਮੁਹਿੰਮ ਨੂੰ ‘ਟ੍ਰੈਸ਼-ਏ-ਥੌਨ: ਦੁਸਹਿਰੇ ਤੋਂ ਬਾਅਦ ਦੀ ਸਵੇਰ’ ਦਾ ਨਾਂਅ ਦਿੱਤਾ ਗਿਆ ਹੈ।
ਜਲੰਧਰ, 19 ਅਕਤੂਬਰ (ਜਤਿੰਦਰ ਪੰਮੀ)-ਆਮ ਆਦਮੀ ਪਾਰਟੀ ਦੇ ਆਗੂ ਨਿਤਿਨ ਕੋਹਲੀ ਵਲੋਂ ਵਾਤਾਵਨ ਦੀ ਸੰਭਾਲ ਲਈ ਤਿਆਰ ਟੀਮ ‘ਨਿਤਿਨ ਦੇ ਸਾਥੀ’ ਵਲੋਂ ਦੁਸਹਿਰੇ ਮੌਕੇ ਨਵੀਂ ਪਹਿਲਕਦਮੀ ਕਰਦਿਆਂ ਰਾਵਣ ਤੇ ਹੋਰਨਾਂ ਦੇ ਪੁਤਲੇ ਅਗਨ ਭੇਟ ਕਰਨ ਉਪਰੰਤ ਅਗਲੇ ਦਿਨ ਉਸ ਜਗ੍ਹਾ ਦੀ ਸਫਾਈ ਤੇ ਬੂਟੇ ਲਾਉਣ ਦੀ ਮੁਹਿੰਮ ਚਲਾਈ ਜਾਵੇਗੀ। ਇਸ ਮੁਹਿੰਮ ਨੂੰ ‘ਟ੍ਰੈਸ਼-ਏ-ਥੌਨ: ਦੁਸਹਿਰੇ ਤੋਂ ਬਾਅਦ ਦੀ ਸਵੇਰ’ ਦਾ ਨਾਂਅ ਦਿੱਤਾ ਗਿਆ ਹੈ। ਇਸ ਪਹਿਲ ਰਾਹੀਂ ਨੌਜਵਾਨਾਂ ਤੇ ਨਾਗਰਿਕਾਂ ਨੂੰ ਤਿਉਹਾਰਾਂ ਤੋਂ ਬਾਅਦ ਸਫ਼ਾਈ ਕਰਨ ਤੇ ਹਰਿਆ-ਭਰਿਆ ਸ਼ਹਿਰ ਬਣਾਉਣ ਵਿੱਚ ਯੋਗਦਾਨ ਪਾਉਣ ਲਈ ਇਕੱਠਾ ਕੀਤਾ ਜਾਵੇਗਾ। ਇਹ ਪਹਿਲ ਬੁੱਧਵਾਰ 21 ਅਕਤੂਬਰ ਨੂੰ ਸਵੇਰੇ 7 ਵਜੇ ਤੋਂ ਆਦਰਸ਼ ਨਗਰ ਪਾਰਕ ਵਿਖੇ ਕਰਵਾਈ ਜਾਵੇਗੀ। ਇਸ ਪਹਿਲ ਦਾ ਉਦੇਸ਼ ਨਾਗਰਿਕਾਂ, ਖ਼ਾਸ ਕਰਕੇ ਨੌਜਵਾਨਾਂ ਨੂੰ ਜਨਤਕ ਥਾਵਾਂ ਨੂੰ ਸਾਫ਼ ਰੱਖਣ ਵਿੱਚ ਸਰਗਰਮੀ ਨਾਲ ਹਿੱਸਾ ਲੈਣ ਲਈ ਉਤਸ਼ਾਹਿਤ ਕਰਕੇ ਸਫ਼ਾਈ ਕਰਮਚਾਰੀਆਂ ਦੇ ਯਤਨਾਂ ਵਿੱਚ ਸਹਿਯੋਗ ਦੇਣਾ ਹੈ। ਇਸ ਸੰਬੰਧੀ ਗੱਲਬਾਤ ਕਰਦਿਆਂ ਕੇਂਦਰੀ ਹਲਕੇ ਦੇ ਇੰਚਾਰਜ ਨਿਤਿਨ ਕੋਹਲੀ ਨੇ ਦੱਸਿਆ ਕਿ ਦੁਸਹਿਰੇ ਦੇ ਜਸ਼ਨਾਂ ਤੋਂ ਬਾਅਦ ਅਕਸਰ ਜਨਤਕ ਥਾਵਾਂ ‘ਤੇ ਕੂੜਾ-ਕਰਕਟ, ਵਰਤੋਂ ਤੋਂ ਬਾਅਦ ਸੁੱਟੀਆਂ ਜਾਣ ਵਾਲੀਆਂ ਚੀਜ਼ਾਂ ਅਤੇ ਹੋਰ ਰਹਿੰਦ-ਖੂੰਹਦ ਪਿੱਛੇ ਰਹਿ ਜਾਂਦੀ ਹੈ। ਅਗਲੀ ਸਵੇਰ ਇਨ੍ਹਾਂ ਥਾਵਾਂ ਦੀ ਸਫ਼ਾਈ ਦੀ ਜ਼ਿੰਮੇਵਾਰੀ ਆਮ ਤੌਰ ‘ਤੇ ਸਫ਼ਾਈ ਕਰਮਚਾਰੀਆਂ ’ਤੇ ਆ ਜਾਂਦੀ ਹੈ। ‘ਟ੍ਰੈਸ਼-ਏ-ਥੌਨ’ ਰਾਹੀਂ ਅਜਿਹੇ ਨੌਜਵਾਨ ਵਲੰਟੀਅਰਾਂ ਨੂੰ ਇਕੱਠਾ ਕਰਕੇ ਸਾਂਝੀ ਨਾਗਰਿਕ ਜ਼ਿੰਮੇਵਾਰੀ ਦੀ ਭਾਵਨਾ ਨੂੰ ਉਤਸ਼ਾਹਿਤ ਕੀਤਾ ਜਾਵੇਗਾ, ਜੋ ਇਸ ਉਦੇਸ਼ ਲਈ ਆਪਣਾ ਸਮਾਂ ਤੇ ਮਿਹਨਤ ਦੇਣ ਦੇ ਇੱਛੁਕ ਹਨ। ਉਨ੍ਹਾਂ ਕਿਹਾ ਕਿ ਇਸ ਪਹਿਲ ਵਿੱਚ ਬੂਟੇ ਲਗਾਉਣ ਦੀ ਮੁਹਿੰਮ ਵੀ ਸ਼ਾਮਲ ਹੋਵੇਗੀ, ਜਿਸ ਨਾਲ ਦੁਸਹਿਰੇ ਤੋਂ ਬਾਅਦ ਦੇ ਇਸ ਯਤਨ ਨੂੰ ਹਰਿਆਲੀ ਨਾਲ ਜੋੜਿਆ ਜਾਵੇਗਾ।
