ਸੰਤ ਬਾਬਾ ਭਾਗ ਸਿੰਘ ਯੂਨੀਵਰਸਿਟੀ ਵਿਖੇ ਨਵ-ਦਾਖ਼ਲ ਵਿਦਿਆਰਥਣਾਂ ਲਈ ‘ਸਖੀ-ਜੀ’ ਓਰੀਐਂਟੇਸ਼ਨ ਪ੍ਰੋਗਰਾਮ
ਆਦਮਪੁਰ, 4 ਸਤੰਬਰ (ਹਰਪ੍ਰੀਤ ਸਿੰਘ)-ਸੰਤ ਬਾਬਾ ਭਾਗ ਸਿੰਘ ਯੂਨੀਵਰਸਿਟੀ ਦੇ ‘ਡਿਪਟੀ ਡਾਇਰੈਕਟਰ ਸਟੂਡੈਂਟ ਵੈਲਫੇਅਰ (ਗਰਲਜ਼)’ ਦਫ਼ਤਰ ਵੱਲੋਂ ਯੂਨੀਵਰਸਿਟੀ ’ਚ ਨਵੀਆਂ ਦਾਖਲ ਹੋਈਆਂ ਵਿਦਿਆਰਥਣਾਂ ਨੂੰ ਕੈਂਪਸ ਦੇ ਮਾਹੌਲ ਅਤੇ ਉਪਲਬਧ ਸੁਵਿਧਾਵਾਂ ਤੋਂ ਜਾਣੂ ਕਰਵਾਉਣ ਲਈ ਦੋ-ਰੋਜ਼ਾ ਵਿਸ਼ੇਸ਼ ਓਰੀਐਂਟੇਸ਼ਨ-ਕਮ - ਜਾਗਰੂਕਤਾ ਪ੍ਰੋਗਰਾਮ “ਸਖੀ-ਜੀ” ( ਸਖੀ-ਜੀ: ਵਿਦਿਆਰਥੀ ਜਾਗਰੂਕਤਾ, ਗਿਆਨ, ਮਦਦ ਅਤੇ ਸ਼ਮੂਲੀਅਤ) ਸਫ਼ਲਤਾਪੂਰਵਕ ਕਰਵਾਇਆ ਗਿਆ। ਇਸ ਜਾਗਰੂਕਤਾ ਪ੍ਰੋਗਰਾਮ ਦਾ ਮੁੱਖ ਉਦੇਸ਼ ਨਵ-ਦਾਖਲ ਕੁੜੀਆਂ ਨੂੰ ਯੂਨੀਵਰਸਿਟੀ ਦੀਆਂ ਵੱਖ-ਵੱਖ ਭਲਾਈ ਸੇਵਾਵਾਂ, ਸੁਰੱਖਿਆ ਪ੍ਰਣਾਲੀ ਅਤੇ ਸਹਾਇਤਾ ਕਮੇਟੀਆਂ ਬਾਰੇ ਵਿਸਥਾਰ ਵਿੱਚ ਦੱਸਣਾ ਸੀ, ਤਾਂ ਜੋ ਉਹ ਆਪਣੀ ਪੜ੍ਹਾਈ ਦੌਰਾਨ ਲੋੜ ਪੈਣ ’ਤੇ ਬਿਨਾਂ ਕਿਸੇ ਝਿਜਕ ਦੇ ਸਹੀ ਤਰੀਕੇ ਨਾਲ ਮਦਦ ਲੈ ਸਕਣ।
ਆਦਮਪੁਰ, 4 ਸਤੰਬਰ (ਹਰਪ੍ਰੀਤ ਸਿੰਘ)-ਸੰਤ ਬਾਬਾ ਭਾਗ ਸਿੰਘ ਯੂਨੀਵਰਸਿਟੀ ਦੇ ‘ਡਿਪਟੀ ਡਾਇਰੈਕਟਰ ਸਟੂਡੈਂਟ ਵੈਲਫੇਅਰ (ਗਰਲਜ਼)’ ਦਫ਼ਤਰ ਵੱਲੋਂ ਯੂਨੀਵਰਸਿਟੀ ’ਚ ਨਵੀਆਂ ਦਾਖਲ ਹੋਈਆਂ ਵਿਦਿਆਰਥਣਾਂ ਨੂੰ ਕੈਂਪਸ ਦੇ ਮਾਹੌਲ ਅਤੇ ਉਪਲਬਧ ਸੁਵਿਧਾਵਾਂ ਤੋਂ ਜਾਣੂ ਕਰਵਾਉਣ ਲਈ ਦੋ-ਰੋਜ਼ਾ ਵਿਸ਼ੇਸ਼ ਓਰੀਐਂਟੇਸ਼ਨ-ਕਮ - ਜਾਗਰੂਕਤਾ ਪ੍ਰੋਗਰਾਮ “ਸਖੀ-ਜੀ” ( ਸਖੀ-ਜੀ: ਵਿਦਿਆਰਥੀ ਜਾਗਰੂਕਤਾ, ਗਿਆਨ, ਮਦਦ ਅਤੇ ਸ਼ਮੂਲੀਅਤ) ਸਫ਼ਲਤਾਪੂਰਵਕ ਕਰਵਾਇਆ ਗਿਆ। ਇਸ ਜਾਗਰੂਕਤਾ ਪ੍ਰੋਗਰਾਮ ਦਾ ਮੁੱਖ ਉਦੇਸ਼ ਨਵ-ਦਾਖਲ ਕੁੜੀਆਂ ਨੂੰ ਯੂਨੀਵਰਸਿਟੀ ਦੀਆਂ ਵੱਖ-ਵੱਖ ਭਲਾਈ ਸੇਵਾਵਾਂ, ਸੁਰੱਖਿਆ ਪ੍ਰਣਾਲੀ ਅਤੇ ਸਹਾਇਤਾ ਕਮੇਟੀਆਂ ਬਾਰੇ ਵਿਸਥਾਰ ਵਿੱਚ ਦੱਸਣਾ ਸੀ, ਤਾਂ ਜੋ ਉਹ ਆਪਣੀ ਪੜ੍ਹਾਈ ਦੌਰਾਨ ਲੋੜ ਪੈਣ ’ਤੇ ਬਿਨਾਂ ਕਿਸੇ ਝਿਜਕ ਦੇ ਸਹੀ ਤਰੀਕੇ ਨਾਲ ਮਦਦ ਲੈ ਸਕਣ। ਪ੍ਰੋਗਰਾਮ ਦੌਰਾਨ ਸੁਰੱਖਿਆ ਅਤੇ ਐਂਟੀ-ਰੈਗਿੰਗ ਸੈੱਲ: ਕੈਂਪਸ ਵਿੱਚ ਰੈਗਿੰਗ ਅਤੇ ਕਿਸੇ ਵੀ ਕਿਸਮ ਦੇ ਭੇਦਭਾਵ ਨੂੰ ਰੋਕਣ ਲਈ ਬਣਾਈ ਗਈ ਐਂਟੀ-ਰੈਗਿੰਗ ਕਮੇਟੀ ਅਤੇ ਵਿਸ਼ੇਸ਼ ਸੁਰੱਖਿਆ ਦਸਤਿਆਂ ਬਾਰੇ ਜਾਣੂ ਕਰਵਾਇਆ ਗਿਆ। ਕਾਊਂਸਲਿੰਗ ਅਤੇ ਮਾਨਸਿਕ ਸਿਹਤ: ਵਿਦਿਆਰਥਣਾਂ ਦੀ ਮਾਨਸਿਕ ਸਿਹਤ ਅਤੇ ਨਿੱਜੀ ਸਮੱਸਿਆਵਾਂ ਦੇ ਹੱਲ ਲਈ ਕਾਊਂਸਲਿੰਗ ਅਤੇ ਮੈਂਟਲ ਹੈਲਥ ਮਾਨੀਟਰਿੰਗ ਕਮੇਟੀ ਦੀਆਂ ਸੇਵਾਵਾਂ ਬਾਰੇ ਦੱਸਿਆ ਗਿਆ। ਸ਼ਿਕਾਇਤ ਨਿਵਾਰਨ ਤੇ ਜੈਂਡਰ ਸਮਾਨਤਾ: ਸ਼ਿਕਾਇਤ ਨਿਵਾਰਨ ਕਮੇਟੀ, ਆਈ.ਸੀ.ਸੀ . ਸੈੱਲ ਅਤੇ ‘ਜੈਂਡਰ ਚੈਂਪੀਅਨ ਸਕੀਮ’ ਰਾਹੀਂ ਸਮਾਨਤਾ ਅਤੇ ਸਨਮਾਨਜਨਕ ਮਾਹੌਲ ਦੀ ਯਕੀਨਦਹਾਨੀ ਕਰਵਾਈ ਗਈ। ਹੋਸਟਲ, ਮੈਡੀਕਲ ਤੇ ਟਰਾਂਸਪੋਰਟ ਸਹੂਲਤਾਂ: ਗਰਲਜ਼ ਹੋਸਟਲ ਪ੍ਰਬੰਧਨ, ਐਮਰਜੈਂਸੀ ਮੈਡੀਕਲ ਸਹਾਇਤਾ, ਕੈਂਪਸ ਸੁਰੱਖਿਆ ਅਤੇ ਟਰਾਂਸਪੋਰਟ ਸੁਵਿਧਾਵਾਂ ਬਾਰੇ ਪੂਰੀ ਤਰ੍ਹਾਂ ਮਾਰਗਦਰਸ਼ਨ ਕੀਤਾ ਗਿਆ।ਸਰਬਪੱਖੀ ਵਿਕਾਸ: ਪੜ੍ਹਾਈ ਦੇ ਨਾਲ-ਨਾਲ ਐੱਨ.ਸੀ.ਸੀ. ਖੇਡਾਂ, ਸੱਭਿਆਚਾਰਕ ਗਤੀਵਿਧੀਆਂ ਅਤੇ ‘ਟ੍ਰੇਨਿੰਗ ਐਂਡ ਪਲੇਸਮੈਂਟ’ ਸੈੱਲ ਰਾਹੀਂ ਰੋਜ਼ਗਾਰ ਦੇ ਅਵਸਰਾਂ ਬਾਰੇ ਪ੍ਰੇਰਿਤ ਕੀਤਾ ਗਿਆ। ਯੂਨੀਵਰਸਿਟੀ ਪ੍ਰਸ਼ਾਸਨ ਨੇ ਸਾਂਝਾ ਕੀਤਾ ਕਿ ਇਹ ਸਮੁੱਚੀ ਪਹਿਲਕਦਮੀ ਅਸੀਂ ਪਰਵਾਹ ਕਰਦੇ ਹਾਂ, ਸਹਿਯੋਗ ਦਿੰਦੇ ਹਾਂ ਅਤੇ ਸ਼ਕਤੀਸ਼ਾਲੀ ਬਣਾਉਂਦੇ ਹਾਂ ਦੇ ਮਿਸ਼ਨ ਤਹਿਤ ਚਲਾਈ ਗਈ ਹੈ ਤਾਂ ਜੋ ਵਿਦਿਆਰਥਣਾਂ ਦਾ ਭਵਿੱਖ ਸੁਨਹਿਰੀ, ਸੁਰੱਖਿਅਤ ਅਤੇ ਉਜਵਲ ਬਣਾਇਆ ਜਾ ਸਕੇ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
