ਪੁਲਿਸ ਨੇ 1350 ਸ਼ਰਾਬ ਦੇ ਕੁਆਰਟਰ ਫੜੇ
ਨਵੀਂ ਦਿੱਲੀ, 18 ਅਗਸਤ (ਡਾ. ਬਲਵਿੰਦਰ ਸਿੰਘ ਸੋਢੀ)- ਥਾਣਾ ਮੰਗੋਲਪੁਰੀ ਦੀ ਪੁਲਿਸ ਨੇ ਦਿੱਲੀ ਆਬਕਾਰੀ ਐਕਟ ਅਧੀਨ ਇਕ ਨਾਜਾਇਜ਼ ਸ਼ਰਾਬ ਦੇ ਸਪਲਾਇਰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਅਤੇ ਉਸ ਕੋਲੋਂ 1350 ਕੁਆਰਟਰ ਨਾਜਾਇਜ਼ ਸ਼ਰਾਬ ਦੇ ਬਰਾਮਦ ਕੀਤੇ ਹਨ।
ਨਵੀਂ ਦਿੱਲੀ, 18 ਅਗਸਤ (ਡਾ. ਬਲਵਿੰਦਰ ਸਿੰਘ ਸੋਢੀ)- ਥਾਣਾ ਮੰਗੋਲਪੁਰੀ ਦੀ ਪੁਲਿਸ ਨੇ ਦਿੱਲੀ ਆਬਕਾਰੀ ਐਕਟ ਅਧੀਨ ਇਕ ਨਾਜਾਇਜ਼ ਸ਼ਰਾਬ ਦੇ ਸਪਲਾਇਰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਅਤੇ ਉਸ ਕੋਲੋਂ 1350 ਕੁਆਰਟਰ ਨਾਜਾਇਜ਼ ਸ਼ਰਾਬ ਦੇ ਬਰਾਮਦ ਕੀਤੇ ਹਨ। ਪੁਲਿਸ ਨੇ ਇਸ ਵਿਰੁੱਧ ਮਾਮਲਾ ਦਰਜ ਕੀਤਾ ਹੈ। ਜੋ ਸ਼ਰਾਬ ਸਪਲਾਇਰ ਕੋਲੋਂ ਫੜੀ ਗਈ ਹੈ ਉਹ ਕੇਵਲ ਹਰਿਆਣਾ ਵਿਚ ਵਿਕਰੀ ਲਈ ਹੈ। ਇਸ ਸਪਲਾਇਰ ਦਾ ਨਾਂਅ ਦੀਪਕ (27) ਹੈ ਅਤੇ ਇਹ ਦਿੱਲੀ ਦੇ ਰੋਹਿਣੀ ਇਲਾਕੇ ਦਾ ਨਿਵਾਸੀ ਹੈ। ਮੰਗੋਲਪੁਰੀ ਥਾਣੇ ਦੀ ਪੁਲਿਸ ਆਪਣੇ ਇਲਾਕੇ ਵਿਚ ਗਸ਼ਤ ਕਰ ਰਹੀ ਸੀ ਅਤੇ ਉਸ ਸਮੇਂ ਪੁਲਿਸ ਨੂੰ ਇਕ ਸ਼ੱਕੀ ਵਿਅਕਤੀ ਨਜ਼ਰ ਆਇਆ, ਜਿਸ ਕੋਲ ਇਕ ਗੱਤੇ ਦਾ ਡੱਬਾ ਸੀ। ਜਦੋਂ ਪੁਲਿਸ ਨੇ ਉਸ ਦੀ ਤਲਾਸ਼ੀ ਲਈ ਤਾਂ ਉਸ ਵਿਚੋਂ ਸ਼ਰਾਬ ਦੇ ਕੁਆਰਟਰ ਮਿਲੇ। ਪੁਲਿਸ ਨੇ ਇਸ ਸ਼ਰਾਬ ਨੂੰ ਜ਼ਬਤ ਕਰ ਲਿਆ ਹੈ। ਪੁਲਿਸ ਫੜੇ ਗਏ ਵਿਅਕਤੀ ਤੋਂ ਹੋਰ ਵੀ ਪੁੱਛ ਪੜਤਾਲ ਕਰਨ ਵਿਚ ਜੁਟੀ ਹੋਈ ਹੈ।
