16-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 02-03-2026

ਨਵੀਨ ਜਿੰਦਲ ਫਾਊਾਡੇਸ਼ਨ ਦੇ ਸਹਿਯੋਗ ਨਾਲ ਗੂਹਲਾ ਹਲਕੇ 'ਚ ਲਗਾਇਆ ਸਿਹਤ ਜਾਂਚ ਕੈਂਪ

Ad Position 21
No active advertisement
ਅਜੀਤ ਡੈਸਕ 02-03-2026
ਗੂਹਲਾ ਚੀਕਾ, 1 ਮਾਰਚ (ਓ.ਪੀ. ਸੈਣੀ)-ਸੰਸਦ ਮੈਂਬਰ ਨਵੀਨ ਜਿੰਦਲ ਦੀ ਪਹਿਲਕਦਮੀ 'ਤੇ, ਮੁਫ਼ਤ ਸਿਹਤ ਕੈਂਪ ਸਫਲਤਾ ਪੂਰਵਕ ਲਗਾਏ ਜਾ ਰਹੇ ਹਨ | ਇਸ ਲੜੀ ਵਿੱਚ, ਗੂਹਲਾ ਵਿਧਾਨ ਸਭਾ ਹਲਕੇ ਦੇ ਅਧੀਨ ਆਉਂਦੇ ਪਿੰਡ ਭਾਗਲ ਵਿੱਚ 23ਵਾਂ ਮੁਫ਼ਤ ਸਿਹਤ ਕੈਂਪ ਲਗਾਇਆ ਗਿਆ | ਪਿੰਡ ਭਾਗਲ ਦੇ ਕਮਿਊਨਿਟੀ ਸੈਂਟਰ ਵਿੱਚ ਸਵੇਰੇ 10 ਵਜੇ ਤੋਂ ਸਾਮ 4 ਵਜੇ ਤੱਕ ਚੱਲੇ ਇਸ ਕੈਂਪ ਵਿੱਚ ਵੱਡੀ ਗਿਣਤੀ ਵਿੱਚ ਸਥਾਨਕ ਨਿਵਾਸੀਆਂ ਨੇ ਹਿੱਸਾ ਲਿਆ ਅਤੇ 1,220 ਲੋਕਾਂ ਨੇ ਵੱਖ-ਵੱਖ ਮੁਫ਼ਤ ਸਿਹਤ ਸੇਵਾਵਾਂ ਦਾ ਲਾਭ ਉਠਾਇਆ | ਤਜਰਬੇਕਾਰ ਡਾਕਟਰਾਂ ਨੇ ਅੱਖਾਂ ਦੀ ਜਾਂਚ ਅਤੇ ਇਲਾਜ, ਦੰਦਾਂ ਦੀ ਜਾਂਚ ਅਤੇ ਇਲਾਜ, ਗਾਇਨੀਕੋਲੋਜੀਕਲ ਜਾਂਚ ਅਤੇ ਸਲਾਹ-ਮਸ਼ਵਰਾ, ਛਾਤੀ ਦੇ ਕੈਂਸਰ ਦੀ ਜਾਂਚ, ਆਮ ਸਿਹਤ ਜਾਂਚ ਅਤੇ ਅਨੀਮੀਆ ਜਾਂਚ ਵਰਗੀਆਂ ਸੇਵਾਵਾਂ ਪ੍ਰਦਾਨ ਕੀਤੀਆਂ | ਸਿਹਤ ਜਾਂਚ ਤੋਂ ਬਾਅਦ, ਲੋੜ ਅਨੁਸਾਰ ਮਰੀਜ਼ਾਂ ਨੂੰ ਮੁਫ਼ਤ ਦਵਾਈਆਂ ਵੰਡੀਆਂ ਗਈਆਂ | ਇਸ ਤੋਂ ਇਲਾਵਾ, 648 ਲੋੜਵੰਦ ਮਰੀਜ਼ਾਂ ਨੂੰ ਐਨਕਾਂ ਵੀ ਪ੍ਰਦਾਨ ਕੀਤੀਆਂ ਗਈਆਂ | ਇਸ ਮੌਕੇ 'ਤੇ, 70 ਮਰੀਜ਼ਾਂ ਨੂੰ ਮੋਤੀਆਬਿੰਦ ਦਾ ਪਤਾ ਲਗਾਇਆ ਗਿਆ | ਉਨ੍ਹਾਂ ਦੇ ਮੁਫ਼ਤ ਆਪ੍ਰੇਸ਼ਨਾਂ ਦਾ ਜਲਦੀ ਹੀ ਪ੍ਰਬੰਧ ਕੀਤਾ ਜਾਵੇਗਾ, ਤਾਂ ਜੋ ਉਨ੍ਹਾਂ ਨੂੰ ਸਮੇਂ ਸਿਰ ਅਤੇ ਢੁਕਵਾਂ ਇਲਾਜ ਮਿਲ ਸਕੇ | ਐਮਪੀ ਨਵੀਨ ਜਿੰਦਲ ਦੇ ਕੈਥਲ ਦਫ਼ਤਰ ਦੇ ਇੰਚਾਰਜ ਰਵਿੰਦਰ ਧੀਮਾਨ ਨੇ ਦੱਸਿਆ ਕਿ ਐਮਪੀ ਨਵੀਨ ਜਿੰਦਲ ਦੇ ਸਿਹਤਮੰਦ ਕੁਰੂਕਸ਼ੇਤਰ ਮੁਹਿੰਮ ਦੇ ਵਾਅਦੇ ਨੂੰ ਪੂਰਾ ਕਰਨ ਲਈ ਮੁਫ਼ਤ ਸਿਹਤ ਕੈਂਪ ਲਗਾਏ ਜਾ ਰਹੇ ਹਨ | ਇਸ ਦੇ ਨਾਲ ਹੀ, ਕੁਰੂਕਸ਼ੇਤਰ ਸੰਸਦੀ ਹਲਕੇ ਵਿੱਚ ਡਾਕਟਰੀ ਸੇਵਾਵਾਂ ਨੂੰ ਹੋਰ ਲੋਕ ਭਲਾਈ ਪਹਿਲਕਦਮੀਆਂ ਰਾਹੀਂ ਲਗਾਤਾਰ ਮਜ਼ਬੂਤ ਕੀਤਾ ਜਾ ਰਿਹਾ ਹੈ | ਇਸ ਮੁਫ਼ਤ ਸਿਹਤ ਕੈਂਪ ਵਿੱਚ ਭਾਗਲ ਦੇ ਸਰਪੰਚ ਸੁਦੇਸ਼ ਸਰਮਾ, ਬਲਾਕ ਕਮੇਟੀ ਮੈਂਬਰ ਦੇਵੇਂਦਰ ਵਰਮਾ, ਭਾਗਲ ਦੇ ਮੰਡਲ ਪ੍ਰਧਾਨ ਜੋਗਾ ਸਿੰਘ, ਰਾਜੂ ਵਾਲਮੀਕੀ, ਰਾਮੇਸ਼ਵਰ ਦਾਸ, ਵੀਰੇਂਦਰ ਸਿੰਘ ਉਰਫ਼ ਪੱਪੂ, ਨਸੀਬ ਕਾਖੇੜੀ, ਜੈ ਭਗਵਾਨ ਸਰਮਾ, ਰਾਜਾ ਰਾਮ ਕੁਰੜ, ਜਗਤਾਰ ਸਿੰਘ, ਵਿਸਾਖੀ ਰਾਮ, ਦੂਧ ਰਾਮ, ਪ੍ਰੀਤਮ ਸਿੰਘ ਪਾਪਰਾਲਾ, ਕਿ੍ਸਨਾ ਬਾਂਸਲ, ਕਿ੍ਸਨਾ ਸਰਮਾ ਭਾਗਲ, ਰਾਮਦੀਆ ਨੰਬਰਦਾਰ, ਵਰਿੰਦਰ ਸਰਨ, ਕਲਾਇਤ ਹਲਕੇ ਦੇ ਇੰਚਾਰਜ ਅਤੇ ਗੂਹਲਾ ਹਲਕੇ ਦੇ ਇੰਚਾਰਜ ਕਰਮਬੀਰ ਸਿਸੋਦੀਆ ਮੌਜੂਦ ਸਨ |
Ad Position 22
No active advertisement
ਪਿਛਲੀ ਖ਼ਬਰ ਸ਼ਹੀਦ ਦਵਿੰਦਰ ਸਿੰਘ ਮਹਿਲਾ ਕਾਲਜ ਦੇ ਸਟਾਫ਼ ਅਤੇ ਪਿ੍ੰਸੀਪਲ ਵਿਚਕਾਰ ਚੱਲ ਰਿਹਾ ਵਿਵਾਦ ਸਰਵ ਸਮਾਜ ਸਭਾ ਦੀ ਵਿਚੋਲਗੀ ਰਾ... ਅਗਲੀ ਖ਼ਬਰ ਗੁਰਦੁਆਰਾ ਦੇਸੂ ਸ਼ਹੀਦਾਂ ਵਿਖੇ ਮਨਾਇਆ ਸਾਲਾਨਾ ਸ਼ਹੀਦੀ ਜੋੜ ਮੇਲਾ
Ad Position 24